完整藏文原文 · 德格版页 当前仅加载第 37 函德格 372a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་སྐྱེ་བ་མ་ཡིན་གྱི། འདི་ལྟ་སྟེ། འཇིག་རྟེན་གྱི་ཁམས་མ་ལུས་པ་ལྷག་མ་མེད་པ་མཐའ་དག་ཐམས་ཅད་དུ་གཏོགས་པའི་སེམས་ཅན་རྣམས་ཀྱི་དོན་དུ་ཡོངས་སུ་སྨིན་པར་བྱ་བ་དང་། གདུལ་བའི་ཕྱིར་བྱང་ཆུབ་སེམས་དཔའ་
D44.037.0372a01.01རྣམས་ཀྱི་སེམས་བྱང་ཆུབ་ཏུ་སྐྱེའོ། །འདི་ལྟ་སྟེ་སངས་རྒྱས་གཅིག་བསྙེན་བཀུར་བ་དང་། མཉེས་པར་བྱ་བ་དང་། མཆོད་ཅིང་རིམ་གྲོར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་སྐྱེ་བ་མ་ཡིན་པ་དང་། སངས་རྒྱས་
D44.037.0372a02.01བཅུ་བསྙེན་བཀུར་ཞིང་མཉེས་པར་བྱ་བ་དང་། མཆོད་ཅིང་རིམ་གྲོར་བྱ་བའི་ཕྱིར་མ་ཡིན་པ་ནས། བརྗོད་དུ་མེད་པའི་ཡང་བརྗོད་དུ་མེད་པའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་སངས་རྒྱས་བསྙེན་བཀུར་ཞིང་མཉེས་པར་བྱ་བ་དང་། མཆོད་
D44.037.0372a03.01ཅིང་རིམ་གྲོར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་སྐྱེ་བ་མ་ཡིན། འཇིག་རྟེན་གྱི་ཁམས་གཅིག་ཏུ་གཏོགས་པའི་སངས་རྒྱས་ཀྱི་རྒྱུད་བསྙེན་བཀུར་ཞིང་མཉེས་པར་བྱ་བ་དང་། མཆོད་ཅིང་རིམ་གྲོར་བྱ་བའི་ཕྱིར་མ་ཡིན་པ་ནས།
D44.037.0372a04.01སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་སུ་གཏོགས་པའི་དེ་བཞིན་གཤེགས་པའི་རྒྱུད་བསྙེན་བཀུར་ཞིང་མཉེས་པར་བྱ་བ་དང་། མཆོད་ཅིང་རིམ་གྲོར་བྱ་བའི་ཕྱིར་བྱང་ཆུབ་སེམས་དཔའ་
D44.037.0372a05.01རྣམས་ཀྱི་སེམས་བྱང་ཆུབ་ཏུ་སྐྱེ་བ་མ་ཡིན་ནོ། །སངས་རྒྱས་ཀྱི་ཞིང་གཅིག་ཡོངས་སུ་དག་པར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་སྐྱེ་བ་མ་ཡིན་པ་ནས། འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་
D44.037.0372a06.01ཏུ་ཕྲ་བ་སྙེད་ཀྱི་སངས་རྒྱས་ཀྱི་ཞིང་ཡོངས་སུ་དག་པར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་སྐྱེ་བ་མ་ཡིན། དེ་བཞིན་གཤེགས་པ་གཅིག་གི་བསྟན་པ་ཡོངས་སུ་གཟུང་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་
D44.037.0372a07.01