完整藏文原文 · 德格版页 当前仅加载第 37 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲའི་དབྱངས་དེ་དག་རེ་རེ་ཞིང་ཡང་དབྱངས་ཀྱི་ཡན་ལག་དང་སྒྲ་རྣམ་པ་ཐ་དད་པ་སེམས་ཅན་སྙེད་དང་ལྡན་པར་འབྱུང་ངོ་། །ཀྱེ་རྒྱལ་བའི་སྲས་དེ་ནི་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བ་མཛད་པ་སྟེ། འདི་ལྟར་ཏིང་ངེ་འཛིན་དེ་ཉིད་ལ་
D44.037.0130b01.01སྙོམས་པར་ཞུགས་པའོ། །སེམས་ཅན་ཐམས་ཅད་མཉམ་པར་དགའ་བར་འགྱུར་བ་སྟེ། གང་གིས་དེ་ལྟ་བུར་དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་བ་ཁོང་དུ་ཆུད་པ་དེ་དག་ནི་དེ་བཞིན་གཤེགས་པའི་རིགས་དང་མཐུན་པར་སྤྱོད་པ་ཡིན། །
D44.037.0130b02.01གང་གིས་དེ་ལྟར་ཁོང་དུ་མ་ཆུད་པ་དེ་དག་ནི་དེ་བཞིན་གཤེགས་པའི་རིགས་ལས་ལོགས་ཤིག་པའི་ཆོས་ལ་སྤྱོད་པ་དག་གོ །ཀྱེ་རྒྱལ་བའི་སྲས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཚད་མེད་པ་ཁོང་དུ་ཆུད་པར་བྱ་བའི་ཚུལ་གྱིས་དེ་བཞིན་
D44.037.0130b03.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས། ཆོས་ཀྱི་འཁོར་ལོ་བསྐོར་བ་མངོན་པར་བསྒྲུབ་པ་མཛད་པ་ཁོང་དུ་ཆུད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དོན་འདི་ཉིད་ཡང་
D44.037.0130b04.01བརྟག་པར་བྱ་བའི་ཕྱིར་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །མཚུངས་མེད་ཆོས་ཀྱི་འཁོར་ལོ་འཁོར་བ་མི་{དམྱིགས་,དམིགས་}ཏེ། །ཕྱིར་ཡང་ལོག་མེད་དུས་རྣམས་ཀུན་ལས་རྣམ་པར་གྲོལ། །ཡི་གེ་ཐམས་ཅད་སྨྲ་བར་བྱ་བས་ཟད་མི་འགྱུར། །
D44.037.0130b05.01དེ་བཞིན་སྟོབས་བཅུའི་ཆོས་ཀྱི་འཁོར་ལོ་མཐའ་ཡང་ཡས། །ཡི་གེའི་འབྲུ་རྣམས་ཐམས་ཅད་དགོས་པ་ཀུན་ཏུ་ཁྱབ། །གང་ནའང་མི་གནས་དེ་བཞིན་སངས་རྒྱས་འཁོར་ལོ་སྟེ། །སྒྲ་རྣམས་ཀུན་ལ་ཞུགས་ཀྱང་རང་བཞིན་ཞུགས་
D44.037.0130b06.01པ་མེད། །མ་ལུས་སེམས་ཅན་སྤྱོད་པས་སེམས་ཅན་དགའ་བར་མཛད། །གྲངས་ལས་ཡོངས་སུ་འདས་པའི་ཆོས་རྣམས་བརྗོད་པའི་ཕྱིར། །མ་ལུས་མཐར་ཐུག་ཏིང་འཛིན་སྟོན་པ་སྙོམས་པར་འཇུག །དེ་མཐུས་སྐད་ཅིག་དེ་ལ་
D44.037.0130b07.01