完整藏文原文 · 德格版页 当前仅加载第 37 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཤིན་ཏུ་དུལ་བ་རབ་ཏུ་འགྲུབ་པར་འགྱུར་ཏེ། །དེ་ནས་གོང་དུ་ཡང་རྣམ་པར་བསྒོམ་པའི་ཡེ་ཤེས་རབ་ཏུ་འགྲུབ་པའི་རྒྱུར་འགྱུར་རོ། །སེམས་ཅན་དམྱལ་བ་པ་དང་། བྱོལ་སོང་གི་སྐྱེ་གནས་པ་དང་། གཤིན་རྗེའི་འཇིག་རྟེན་པའི་སེམས་ཅན་རྣམས་དང་།
D44.037.0094b01.01ལོག་པར་ལྟུང་བའི་སེམས་ཅན་རྣམས་ལའང་ལུས་ཀྱི་བདེ་བ་ཉེ་བར་འགྲུབ་པའི་རྒྱུར་འགྱུར་ཏེ། ལུས་ཀྱི་བདེ་བ་དེ་དང་ལྡན་པར་གྱུར་ནས་ཀྱང་། ལོག་པར་ལྟུང་བ་དེ་དག་ནས་ཤི་འཕོ་ཞིང་འགྲོ་ལ་བར་འགྱུར་རོ། །ལོག་པར་ལྟུང་བའི་ངན་སོང་དེ་དག་ནས་ཤི་འཕོས་ནས་
D44.037.0094b02.01ཀྱང་ལྷ་དང་མིར་སྐྱེ་སྟེ། ཀྱེ་རྒྱལ་བའི་སྲས་སེམས་ཅན་དེ་དག་གིས་ནི་ཁོང་ཏ་བདག་ཅག་རྒྱུ་གང་དང་རྐྱེན་གང་དང་སུའི་མཐུས་དེར་སྐྱེས་པར་གྱུར་པ་ཡང་མི་ཤེས་ཁོང་དུ་མི་ཆུད་དོ། །འདི་ལྟ་སྟེ་དཔེར་ན་སེམས་ཅན་དམུས་ལོང་དུ་གྱུར་པ་དེ་དག་འདི་སྙམ་དུ་སེམས་ཏེ།
D44.037.0094b03.01བདག་ཅག་ནི་ཚངས་པས་བྱས་པ་སྟེ། ཚངས་པས་སྤྲུལ་པའོ་ཞེས་བྱ་བའི་ལྟ་བའི་རྣམ་པ་དང་ལྡན་ཡང་། དེ་བཞིན་གཤེགས་པའི་ཏིང་ངེ་འཛིན་གྱི་དཀྱིལ་འཁོར་ཀུན་ཏུ་རྣམ་པར་འཕྲུལ་པ་ལ་བཞུགས་ཤིང་སངས་རྒྱས་ཀྱི་གསུང་སྟོང་ཕྲག་དྲུག་ཅུ་དང་ལྡན་པས་
D44.037.0094b04.01སེམས་ཅན་དེ་དག་ལ་བཀའ་སྩལ་ཏེ། གྲོགས་པོ་དག་འདི་ནི་ཚངས་པའི་ཞིང་མ་ཡིན། འཇིག་རྟེན་གྱི་མགོན་པོའི་ཞིང་མ་ཡིན་ཏེ། འདི་ནི་སངས་རྒྱས་ཀྱི་ཞིང་ངོ་། །ཁྱོད་ནི་དེ་བཞིན་གཤེགས་པས་ཡོངས་སུ་སྨིན་པར་བྱས་པའོ། །ཞེས་བཀའ་
D44.037.0094b05.01སྩལ་ན། སེམས་ཅན་དེ་དག་ཀྱང་དེ་བཞིན་གཤེགས་པའི་བྱིན་གྱི་རླབས་ཀྱིས་དྲན་པར་གྱུར་ནས། དེ་དག་དེ་མ་ཐག་ཏུ་དགའ་རངས་ཤིང་ཡིད་བདེ་བས་རབ་ཏུ་དགའ་བ་དང་། བདེ་བའི་ཉམས་ཀྱི་ཡིད་སྤྲོ་བ་དང་། ལྡན་པར་གྱུར་ནས་མེ་ཏོག་གི་
D44.037.0094b06.01སྤྲིན་དང་། སྤོས་ཀྱི་སྤྲིན་དང་། རོལ་མོའི་སྤྲིན་དང་། ནབ་བཟའི་སྤྲིན་དང་། གདུགས་ཀྱི་སྤྲིན་དང་། རྒྱལ་མཚན་གྱི་སྤྲིན་དང་། བ་དན་གྱི་སྤྲིན་དང་། རིན་པོ་ཆེའི་སྤྲིན་དང་། སེང་གེའི་རྒྱལ་མཚན་དང་། ཟླ་བ་ཁམ་པའི་ཁང་པ་བརྩེགས་པའི་སྤྲིན་
D44.037.0094b07.01