完整藏文原文 · 德格版页 当前仅加载第 37 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མངོན་པར་རྫོགས་པའི་བྱང་ཆུབ་རྒྱ་ཆེ་ཞིང་ཡངས་ལ་ཀུན་ཏུ་ཁྱབ་སྟེ། མི་འབྲལ་བ་དང་རྣམ་པར་འཆད་པ་མེད་པ་དང་། རྒྱུན་མི་འཆད་པར་ཚུལ་གྱི་སྒོ་བསམ་གྱིས་མི་ཁྱབ་པ་ལ་འཇུག་པས་ཁོང་དུ་
D44.037.0128b01.01ཆུད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། དོན་འདི་ཉིད་ཡང་བརྟག་པར་བྱ་བའི་ཕྱིར་ཚིགས་སུ་བཅད་པ་འདི་དག་སྨྲས་སོ། །ཆོས་རྣམས་ཐམས་ཅད་རྟོགས་པ་གཉིས་དང་གཉིས་མེད་བྲལ།
D44.037.0128b02.01ཆོས་རྣམས་ཐམས་ཅད་རྟོགས་པ་ཡང་དག་ཡུལ་མེད་ཡིན། །ཆོས་རྣམས་ཐམས་ཅད་རྟོགས་པ་ནམ་མཁའི་རང་བཞིན་མཉམ། །ཆོས་རྣམས་ཐམས་ཅད་རྟོགས་པ་བདག་དང་བདག་མེད་སྙོམས། །གླིང་བཞི་ཀུན་གྱི་གཟུགས་
D44.037.0128b03.01མང་ཇི་སྙེད་ཇི་བཞིན་དུ། །གཟུགས་བརྙན་རྒྱ་མཚོར་རྒྱ་འདྲ་དེ་ཕྱིར་རྒྱ་མཚོ་སྟེ། །དེ་བཞིན་ཕྱོགས་བཅུ་སེམས་ཅན་ཐམས་ཅད་རྒྱ་བཞིན་དུ། །བསམ་པ་ཐུགས་སུ་ཆུད་པས་དེ་ཕྱིར་བྱང་ཆུབ་ཡིན། །ཇི་ལྟར་ནམ་མཁའ་འཇིག་རྟེན་
D44.037.0128b04.01ཡོངས་སུ་འགྲུབ་གྱུར་ཀྱང་། །རྣམ་པར་འཕེལ་བར་མི་འགྱུར་འཇིག་ཀྱང་འགྲིབ་པ་མེད། །རྒྱལ་བ་འཇིག་རྟེན་འདས་པའི་བྱང་ཆུབ་དེ་བཞིན་ཏེ། །བྱང་ཆུབ་བྱང་མ་ཆུབ་ཏུ་མཚན་ཉིད་མེད་པར་གཅིག །མཁས་པའི་སེམས་ཀྱིས་སྤྲུལ་
D44.037.0128b05.01པ་མངོན་པར་སྤྲུལ་བྱས་པ། །མངོན་སྤྲུལ་མངོན་མ་སྤྲུལ་ཀྱང་སྔོན་དང་རང་བཞིན་མཉམ། །དེ་བཞིན་འགྲོ་བ་ཐམས་ཅད་བྱང་ཆུབ་སངས་རྒྱས་ཀྱང་། །སྔོན་དང་རང་བཞིན་གཅིག་སྟེ་འཕེལ་ཞིང་འགྲིབ་པ་མེད། །རྣམ་སངས་རྒྱས་ཤེས་བྱ་བའི་
D44.037.0128b06.01བརྒྱལ་བའི་ཏིང་འཛིན་ཡོད། །བྱང་ཆུབ་སྙིང་པོར་བཞུགས་ནས་ཏིང་འཛིན་དེ་བསྒྲུབས་ཏེ། །སེམས་ཅན་སྙེད་ཀྱི་འོད་ཟེར་མཉམ་པར་རབ་བཀྱེ་ཞིང་། །པད་མ་ཇི་བཞིན་རྣམ་པར་སངས་རྒྱས་སེམས་ཅན་འདུལ། །བསྐལ་པ་དུས་གསུམ་
D44.037.0128b07.01