完整藏文原文 · 德格版页 当前仅加载第 37 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
མཛད། །བདེ་གཤེགས་མྱ་ངན་འདས་པའི་ཡང་དག་ཉིད་ཀྱང་གསུང་སྟེ། །སངས་རྒྱས་སྲས་པོ་མཐའ་ཡས་འདི་དག་དགའ་བར་མཛོད་ཅིག །གང་གིས་བདེ་གཤེགས་ཆོས་རྒྱལ་ཆེན་པོ་མཐོང་བར་གྱུར་ཅིང་། །གང་རྣམས་འགྲོགས་ཤིང་དགེ་བ་ཡང་
D44.037.0079b01.01དག་བསྐྱེད་པར་བྱེད་པ། །དེ་དག་བསོད་ནམས་འཕེལ་བ་ཡང་མ་ནོར་བརྗོད་པར་མཛོད་ཅིག །བདེ་གཤེགས་མཐོང་ན་ཇིར་འགྱུར་དེ་དང་འགྲོགས་ན་ཇིར་འགྱུར། །བདེ་གཤེགས་མྱ་ངན་འདས་དང་འོན་ཏམ་བཞུགས་ཀྱང་རུང་སྟེ། །དེ་བཞིན་གཤེགས་
D44.037.0079b02.01པའི་མཚན་རྣམས་གང་གིས་ཐོས་པར་གྱུར་ཅིང་། །ཡོན་ཏན་འབྱུང་གནས་རྣམས་ལ་གང་རྣམས་དད་པ་བསྐྱེད་པ། །དེ་དག་དོན་ཀྱང་ཅིར་འགྱུར་འཁོར་འདིར་བསྟན་པར་མཛོད་ཅིག །བྱང་ཆུབ་སེམས་དཔའ་འདི་དག་ཐམས་ཅད་ཐལ་མོ་སྦྱར་ཅིང་། །
D44.037.0079b03.01བདེ་བར་གཤེགས་དང་ཁྱོད་དང་བདག་ལ་ཀུན་ཀྱང་ལྟ་སྡོད། །དྲིས་པ་འདི་དག་སེམས་ཅན་དག་པ་ཁྱོད་ཀྱིས་ལུང་སྟོན། །ཡོན་ཏན་རྒྱ་མཚོ་ཆེ་མངའ་རྣམས་ཀྱི་སྤྱོད་ཡུལ་བསྟན་མཛོད། །དེ་དག་དོན་ཏུ་ཆོས་རབ་ལྡན་པའི་གསུང་མཆོག་རྗོད་ཅིང་། །
D44.037.0079b04.01མཁའ་འདྲ་ཁྱོད་ཀྱིས་སྐྱེ་བོ་རྣམས་ཀྱི་ཐེ་ཙོམ་གཅད་མཛོད། །དཔེ་དང་རྒྱུར་ལྡན་ཚིག་གིས་དེ་བཞིན་གཤེགས་པའི་རིགས་སྟོན། །ཐོས་ནས་སེམས་ཅན་ཁྲག་ཁྲིག་བྱང་ཆུབ་མཆོག་ཏུ་སེམས་བསྐྱེད། །ཇི་ལྟར་ཞིང་རྣམས་ཐམས་ཅད་མ་ལུས་རྒྱས་པར་བཀང་
D44.037.0079b05.01ཞིང་། །རྒྱལ་བའི་སྐུ་ཡི་ཡན་ལག་སྣ་ཚོགས་ཡང་དག་སྟོན་མཛད། །ཇི་ལྟར་ཁྲག་ཁྲིག་ཆོས་དང་ལྡན་པའི་གསུང་རབ་བརྗོད་པ། །སངས་རྒྱས་བྱང་ཆུབ་དཔེ་དང་རྒྱུ་ཡིས་བསྟན་པར་མཛོད་ཅིག །གང་ཞིག་ཕྱོགས་བཅུའི་ཞིང་རྣམས་ཁྲག་ཁྲིག་ཐམས་ཅད་
D44.037.0079b06.01ཀུན་ཏུ། །བསྟན་པ་མང་པོ་བྱེ་བ་མཐའ་ཡས་བགྲང་བར་སོང་ཡང་། །དེ་རིང་རྒྱལ་སྲས་འདིར་ཚོགས་འདི་འདྲའི་འཁོར་དང་འདྲ་བ། །བྱང་ཆུབ་སེམས་དཔའ་རྣམས་ཀྱིས་མཐོང་བར་ཤིན་ཏུ་དཀའ་བའོ། །དེ་བས་རྒྱལ་སྲས་རང་བཞིན་དག་པ་ཁྱོད་
D44.037.0079b07.01