完整藏文原文 · 德格版页 当前仅加载第 37 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུད་པར་བྱ་བ་དང་། དེ་བཞིན་གཤེགས་པ་ཐམས་ཅད་ཀྱི་སྤྱོད་པ་དང་། སྨོན་ལམ་རྣམ་པ་ཐ་དད་པ་ཐམས་ཅད་ཡོངས་སུ་རྫོགས་པར་བྱ་བས་གཅིག་ཏུ་རྟོགས་པར་འགྱུར་བའི་ཤེས་པ་ཁོང་དུ་ཆུད་པར་བྱ་བ་དང་། འདས་པ་
D44.037.0157a01.01དག་མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་སྤྱོད་པ་གཅིག་གིས་བྱུང་བའི་ཤེས་པ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཤེས་པ་ཁོང་དུ་ཆུད་པར་བྱ་བ་སྟེ། དེ་དག་ལ་གནས་ཤིང་བྱང་ཆུབ་
D44.037.0157a02.01སེམས་དཔའ་རྣམས་ཆོས་སྣང་བ་ཐམས་ཅད་ལ་དབང་བསྒྱུར་བ་ཐོབ་པ་དང་། བསམ་པ་ཇི་ལྟ་བ་བཞིན་དུ་སྨོན་ལམ་ཡོངས་སུ་རྫོགས་པ་ཐོབ་པ་དང་། སངས་རྒྱས་ཀྱི་ཆོས་ཐམས་ཅད་མཚན་ཉིད་གཅིག་ཏུ་མོས་པས་སངས་རྒྱས་ཀྱི་ཆོས་ཐམས་ཅད་མངོན་
D44.037.0157a03.01པར་རྫོགས་པར་འཚང་རྒྱ་བར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རབ་ཏུ་རྟོགས་པ་སྟེ། བཅུ་གང་ཞེན་འདི་ལྟར་ཆོས་ཐམས་ཅད་ལ་ཚུལ་གཅིག་ཏུ་རྟོགས་པ་དང་། ཆོས་ཐམས་ཅད་ལ་ཚུལ་ཐ་དད་པར་
D44.037.0157a04.01རྟོགས་པ་དང་། ཆོས་ཐམས་ཅད་ལ་མཚན་ཉིད་གཅིག་ཏུ་རྟོགས་པ་དང་། སེམས་ཅན་གྱི་སེམས་དང་། བསམ་པ་ཐམས་ཅད་ལ་ཆགས་པ་མེད་པའི་ཡེ་ཤེས་སུ་རྟོགས་པ་དང་། སེམས་ཅན་ཐམས་ཅད་ཀྱི་དབང་པོ་མཉམ་པ་ཉིད་དུ་རྟོགས་པ་དང་། སེམས་
D44.037.0157a05.01ཅན་ཐམས་ཅད་ཀྱི་ཉོན་མོངས་པ་དང་། བག་ཆགས་ཀྱི་སྤྱོད་པ་རྟོགས་པ་དང་། སེམས་ཅན་ཐམས་ཅད་ཀྱི་བསམ་པ་དང་། བག་ལ་ཉལ་བའི་སྤྱོད་པ་རྟོགས་པ་དང་། སེམས་ཅན་ཐམས་ཅད་ཀྱི་དགེ་བ་དང་། མི་དགེ་བའི་སྤྱོད་པ་ཐམས་ཅད་རྟོགས་པ་དང་།
D44.037.0157a06.01བྱང་ཆུབ་སེམས་དཔའི་སྤྱོད་པ་དང་། སྨོན་ལམ་དང་རྣམ་པར་རྩེ་བ་དང་། འཕྲུལ་པ་དང་། བྱིན་གྱི་རླབས་ཐམས་ཅད་རྟོགས་པ་དང་། དེ་བཞིན་གཤེགས་པའི་སྟོབས་བཅུ་མ་ལུས་པར་མངོན་པར་སངས་རྒྱས་པའི་བྱིན་གྱི་རླབས་རྟོགས་པའོ། །
D44.037.0157a07.01