完整藏文原文 · 德格版页 当前仅加载第 37 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
མི་སྙན་པ་ཐོས་ན་ཁོང་ཁྲོ་བ་སྤོང་བ་དང་། ཉན་ཐོས་དང་རང་སངས་རྒྱས་ཀྱི་གཏམ་ཐོས་ན་འདོད་པ་མེད་ཅིང་མི་སྨོད་པ་དང་། བྱང་ཆུབ་སེམས་དཔའ་འབྱུང་བའི་གཏམ་ཐོས་ན་དགའ་བ་དང་མོས་པ་དང་སྤྲོ་བ་ཆེན་པོ་སྐྱེ་བ་དང་། སེམས་ཅན་
D44.037.0229b01.01དམྱལ་བ་དང་། །བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་དང་། {ཡི་དགས་,ཡི་དྭགས་}དང་། ལྷ་མ་ཡིན་དང་། མི་ཁོམ་པ་དང་། དབུལ་པོར་སྐྱེས་པ་ཐོས་ན་སྙིང་རྗེ་ཆེན་པོའི་གོ་སྟོན་པ་དང་། ལྷ་དང་མིའི་རྒྱུད་ཀྱི་བྱེ་བྲག་ཐོས་ན།
D44.037.0229b02.01རྟག་ཏུ་ཆོས་ལ་གཟུང་བའི་བློར་འགྱུར་བ་དང་། སངས་རྒྱས་ཀྱི་ཡོན་ཏན་དང་། བསྔགས་པ་ཐོས་ན་དེའི་ཡོན་ཏན་དང་། བསྔགས་པ་ཡོངས་སུ་རྫོགས་པར་བྱ་བའི་བརྩོན་འགྲུས་དང་། ཕ་རོལ་ཏུ་ཕྱིན་པ་དང་། བསྡུ་བའི་དངོས་པོ་དང་། བྱང་
D44.037.0229b03.01ཆུབ་སེམས་དཔའི་སྡེ་སྣོད་ཀྱི་གཏམ་ཐོས་ན་ཐམས་ཅད་ཀྱི་ཕ་རོལ་ཏུ་འགྲོ་བ་དང་། ཀྱེ་རྒྱལ་བའི་སྲས་བྱང་ཆུབ་སེམས་དཔའི་རྣ་བའི་དབང་པོ་ལ་ནི་ཕྱོགས་བཅུའི་འཇིག་རྟེན་གྱི་ཁམས་ནས་བསྒྲགས་པའི་སྒྲ་ཐམས་ཅད་ཀྱང་གྲག་ཅིང་ཐོས་པར་འགྱུར་ཏེ།
D44.037.0229b04.01སྒྲ་ཐམས་ཅད་སྒྲ་བརྙན་ལྟ་བུར་བརྗོད་དུ་མེད་པའི་དོན་དུ་ཁོང་དུ་ཆུད་ཅིང་ཤེས་པ་དང་། ཀྱེ་རྒྱལ་བའི་སྲས་བྱང་ཆུབ་སེམས་དཔའ་ཆོས་ཀྱི་རྣ་བ་མཉམ་པར་གཞག་པ་དང་ལྡན་ཏེ་ཐོག་མ་སེམས་བསྐྱེད་པ་ནས། སྙིང་པོ་བྱང་ཆུབ་ཀྱི་བར་དུ་བྱང་ཆུབ་སེམས་དཔའི་
D44.037.0229b05.01ལམ་དང་མི་གནས་ཀྱང་སེམས་ཅན་ཡོངས་སུ་སྨིན་པར་བྱ་བ་མི་འདོར་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྣ་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་
D44.037.0229b06.01པོའི་སྙན་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྣ་སྟེ། བཅུ་གང་ཞེ་ན། འདི་ལྟར་འཐུན་པའི་དྲི་ལ་མི་མཐུན་པར་གནས་པ་དང་། མི་མཐུན་པའི་དྲི་ལ་འཐུན་པར་
D44.037.0229b07.01