完整藏文原文 · 德格版页 当前仅加载第 37 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་རྣམ་པས་ཉེ་བར་འཚོ་སྟེ། འདི་ལྟར་རི་ལ་བབ་ཅིང་རྩྭ་དང་ནགས་ཚལ་སྐྱེ་བར་བྱེད་པས་ཀྱང་ཉེ་བར་འཚོ་བ་ཡིན། མུན་པའི་མུན་ནག་ཡོངས་སུ་སེལ་ཅིང་སྣང་བར་བྱེད་པས་ཀྱང་ཉེ་བར་འཚོ་བ་ཡིན། ས་ལ་བབ་ཅིང་འདམ་རྫབ་ཡོངས་སུ་སྐོམ་པས་
D44.037.0091b01.01ཀྱང་ཉེ་བར་འཚོ་བ་ཡིན། ལོ་ཐོག་ལ་བབ་ཅིང་ཡོངས་སུ་སྨིན་པར་བྱེད་པས་ཀྱང་ཉེ་བར་འཚོ་བ་ཡིན། ནགས་ཚལ་དང་གེལ་པ་དང་སྨན་ལ་བབ་ཅིང་སྐྱེ་བ་དང་རྣམ་པར་འཕེལ་བར་བྱེད་པས་ཀྱང་ཉེ་བར་འཚོ་བ་ཡིན། །ནམ་མཁའ་ལ་བབ་པས་ཀྱང་བར་
D44.037.0091b02.01སྣང་ལ་སྤྱོད་པའི་སེམས་ཅན་རྣམས་ཉེ་བར་འཚོ་བ་ཡིན། པད་མོའི་ནགས་ཚལ་ལ་བབ་ཀྱང་ཁ་འབྱེ་ཞིང་རྒྱས་པར་བྱེད་པས་ཉེ་བར་འཚོ་བ་ཡིན། གྲོང་དང་གྲོང་ཁྱེར་དང་། ལྗོངས་དང་ཕོ་བྲང་འཁོར་དང་། རྒྱལ་བོའི་གནས་ལ་བབ་ཀྱང་གཟུགས་
D44.037.0091b03.01སྣ་ཚོགས་གསལ་བར་སྟོན་པས་ཉེ་བར་འཚོ་བ་ཡིན། ཆུ་ལ་བབ་ཀྱང་ཆུ་ལ་གནས་པའི་སེམས་ཅན་ཡོངས་སུ་ལོངས་སྤྱོད་པས་ཉེ་བར་འཚོ་བ་ཡིན། ལས་ཀྱི་རྣམ་པ་སྣ་ཚོགས་ལ་བབ་ཀྱང་དགོས་པ་བརྩམས་པ་ཡོངས་སུ་གྲུབ་པར་བྱེད་པས་ཉེ་བར་འཚོ་
D44.037.0091b04.01བ་ཡིན། དེ་ཅིའི་ཕྱིར་ཞེ་ན། དེ་ནི་ཉི་མའི་དཀྱིལ་འཁོར་གྱིས་འོད་ཟེར་ཚད་མེད་པ་བཀྱེ་བའི་ཕྱིར་རོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་སྐུ་བལྟར་ཡོད་པའི་ཉི་མ་ཡང་རྣམ་པ་ཚད་མེད་པས། སེམས་ཅན་ཐམས་ཅད་ཉེ་བར་འཚོ་
D44.037.0091b05.01བ་ཡིན་ཏེ། འདི་ལྟར་དགེ་བའི་ལས་ཡོངས་སུ་བསྐྱེད་ཅིང་སྡིག་པའི་ལས་རྣམ་པར་ཟློག་པས་ཀྱང་ཉེ་བར་འཚོ་བ་ཡིན། ཤེས་རབ་ཀྱི་འོད་སྣང་བར་མཛད་ཅིང་གཏི་མུག་གི་མུན་པ་རྣམ་པར་སེལ་བས་ཀྱང་ཉེ་བར་འཚོ་བ་ཡིན། འགྲོ་བ་ཐམས་ཅད་
D44.037.0091b06.01ཡོངས་སུ་སྐྱོབ་ཅིང་བྱམས་པ་ཆེན་པོ་དང་ལྡན་པས་ཀྱང་ཉེ་བར་འཚོ་བ་ཡིན། འགྲོ་བ་ཐམས་ཅད་ཡོངས་སུ་འགྲེལ་ཅིང་ཐུགས་རྗེ་ཆེན་པོ་དང་ལྡན་པས་ཀྱང་ཉེ་བར་འཚོ་བ་ཡིན། དབང་པོ་དང་སྟོབས་དང་། བྱང་ཆུབ་ཀྱི་ཡན་ལག་འཕེལ་བར་མཛད་ཅིང་།
D44.037.0091b07.01