完整藏文原文 · 德格版页 当前仅加载第 37 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུན་མི་གཅོད་དེ། དེ་ལྟར་ཚུལ་ཕུན་སུམ་ཚོགས་པ་དང་། འགྲོ་བ་ཐམས་ཅད་དུ་དགེ་བའི་བཤེས་གཉེན་བསྟེན་པ་ལས་ཕྱིར་མི་ལྡོག་ཅིང་དེ་བཞིན་གཤེགས་པ་ལ་རིམ་གྲོ་བྱ་བ་རྒྱུན་མི་གཅོད་པ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་སྟེ། འདི་ནི་བྱང་ཆུབ་
D44.037.0209b01.01སེམས་དཔའི་ཆོས་མ་འདྲེས་པ་བཅུ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཆོས་མ་འདྲེས་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཆོས་མ་འདྲེས་པ་བླ་ན་མེད་པ་འཐོབ་པར་འགྱུར་བ་དག་གོ །
D44.037.0209b02.01ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལས་ཏེ། བཅུ་གང་ཞེ་ན། འདི་ལྟར་འཇིག་རྟེན་གྱི་ཁམས་ཐམས་ཅད་ཡོངས་སུ་སྦྱང་བའི་ལས་དང་། སངས་རྒྱས་ཐམས་ཅད་བསྙེན་བཀུར་བའི་ལས་དང་། བྱང་ཆུབ་སེམས་དཔའི་གྲོགས་ཐམས་
D44.037.0209b03.01ཅད་དང་དགེ་བའི་རྩ་བ་གཅིག་ཏུ་བྱ་བའི་ལས་དང་། སེམས་ཅན་གྱི་ཁམས་ཐམས་ཅད་ཡོངས་སུ་སྨིན་པར་བྱ་བའི་ལས་དང་། མ་འོངས་པའི་དུས་ཐམས་ཅད་ཀྱི་ཕྱི་མའི་མཐའི་མུར་ཐུག་བར་ཡོངས་སུ་གཟུང་བའི་ལས་དང་། འཇིག་རྟེན་གྱི་ཁམས་ཐམས་ཅད་དུ་འགྲོ་ཡང་འཇིག་
D44.037.0209b04.01རྟེན་གྱི་ཁམས་གཅིག་ནས་མི་གཡོ་བའི་རྫུ་འཕྲུལ་གྱི་ལས་དང་། ཁ་དོག་མཐའ་ཡས་པའི་འོད་གཟེར་དགྱེ་བའི་འོད་ཀྱི་ལས་དང་། པད་མོའི་སྙིང་པོ་ལ་བྱང་ཆུབ་སེམས་དཔའི་གཟུགས་འཁོད་པ་ཡོངས་སུ་བསྟན་པའི་འོད་གཟེར་གྱི་ལས་དང་། མྱ་ངན་ལས་འདས་
D44.037.0209b05.01པའི་སངས་རྒྱས་བཅོམ་ལྡན་འདས་རྣམས་ཀྱི་བསྟན་པ་གཟུང་བས་དཀོན་མཆོག་གསུམ་གྱི་རིགས་རྒྱུན་མི་གཅད་པའི་ལས་དང་། འཇིག་རྟེན་ཐམས་ཅད་དུ་རྒྱུ་ཞིང་ཆོས་བསྟན་པ་དང་། སེམས་ཅན་གདུལ་བ་ཡང་དག་པར་བསྒྲུབ་པའི་སྤྲུལ་པའི་ལས་དང་། ནམ་
D44.037.0209b06.01འདོད་པ་དང་ནམ་སེམས་བསྐྱེད་པ་ན་སྨོན་ལམ་ཡོངས་སུ་རྫོགས་པར་སེམས་ཅན་ལ་ཡང་དག་པར་སྟོན་པའི་བྱིན་གྱི་རླབས་ཀྱི་ལས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལས་ཏེ། དེ་དག་ལ་
D44.037.0209b07.01