完整藏文原文 · 德格版页 当前仅加载第 37 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་དེ་ལ་ཅི་སྟེ་དེ་བཞིན་གཤེགས་པའི་ཡེ་ཤེས་ཀྱི་རླུང་མར་ཆེན་པོའི་དཀྱིལ་འཁོར་དེ་མེད་དུ་ཟིན་ན། དེའི་བྱང་ཆུབ་སེམས་དཔའ་ཚད་མེད་གྲངས་མེད་པ་ཞིག །ཉན་ཐོས་དང་རང་སངས་རྒྱས་ཀྱི་སར་ལྟུང་བར་འགྱུར་རོ། །ཡེ་ཤེས་ཀྱི་རླུང་མར་ཆེན་པོ་
D44.037.0116b01.01ཐབས་མཁས་པས་ཡང་དག་པར་འཛིན་པ་དེའི་མཐུས། བྱང་ཆུབ་སེམས་དཔའ་རྣམས་ཉན་ཐོས་དང་། རང་སངས་རྒྱས་ཀྱིས་ལས་འདས་ཏེ། རང་འབྱུང་དེ་བཞིན་གཤེགས་པ་ཉིད་ལ་རབ་ཏུ་འཁོད་དོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་དགུ་
D44.037.0116b02.01པ་འདིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་སྐྱེ་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་དེ་བཞིན་གཤེགས་པའི་ཡེ་ཤེས་ནི་ཐམས་ཅད་
D44.037.0116b03.01དུ་ཁྱབ་པ་སྟེ། དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་སེམས་ཅན་གྱི་རིས་ན། དེ་བཞིན་གཤེགས་པའི་ཡེ་ཤེས་ཀྱིས་ཐམས་ཅད་དུ་མ་ཁྱབ་པ་དེ་ལྟ་བུ་གང་ཡང་མེད་དེ། དེ་ཡང་ཅིའི་ཕྱིར་ཞེ་ན། དེ་བཞིན་གཤེགས་པའི་ཡེ་ཤེས་ནི་འདུ་ཤེས་སུ་འཛིན་པས་
D44.037.0116b04.01རྣམ་པར་དགོད་པ་མ་ཡིན་ཏེ། ཐམས་ཅད་མཁྱེན་པའི་ཡེ་ཤེས་རང་འབྱུང་གི་ཡེ་ཤེས་ཆགས་པ་མེད་པའི་ཡེ་ཤེས་ནི་འདུ་ཤེས་དང་། རྣམ་པར་བྲལ་བས་རབ་ཏུ་འབྱུང་ངོ་། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན་རི་མོའི་གཞི་ཆེན་པོ་སྟོང་གསུམ་གྱི་སྟོང་ཆེན་
D44.037.0116b05.01པོའི་འཇིག་རྟེན་གྱི་ཁམས་ཙམ་ཞིག་ཡོད་པར་གྱུར་ལ། རི་མོའི་གཞི་ཆེན་པོ་དེ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིལ་གྱིས་རྫོགས་པར་བྲིས་ཏེ། འདི་ལྟར་ཁོར་ཡུག་ཆེན་པོའི་ཚད་དུ་ནི་ཁོར་ཡུག་ཆེན་པོ་བྲིས། ས་ཆེན་པོའི་ཚད་དུ་ནི་ས་
D44.037.0116b06.01ཆེན་པོ་བྲིས། སྟོང་གཉིས་པའི་འཇིག་རྟེན་གྱི་ཁམས་ཀྱི་ཚད་དུ་ནི་སྟོང་གཉིས་པའི་འཇིག་རྟེན་གྱི་ཁམས་བྲིས། སྟོང་གི་འཇིག་རྟེན་གྱི་ཁམས་ཀྱི་ཚད་དུ་ནི་སྟོང་གི་འཇིག་རྟེན་གྱི་ཁམས་བྲིས། གླིང་བཞི་པའི་འཇིག་རྟེན་གྱི་ཁམས་ཀྱི་ཚད་དུ་ནི་གླིང་བཞི་པའི་
D44.037.0116b07.01