完整藏文原文 · 德格版页 当前仅加载第 37 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྟེ། རླུང་གི་དཀྱིལ་འཁོར་བརྟན་པ་དང་། རླུང་གི་དཀྱིལ་འཁོར་གནས་པ་དང་། རླུང་གི་དཀྱིལ་འཁོར་མི་ཉམས་པ་དང་། རླུང་གི་དཀྱིལ་འཁོར་སྙིང་པོ་དང་ལྡན་པ་ཞེས་བྱ་བ་དག་སྟེ། རླུང་གི་དཀྱིལ་འཁོར་ཆེན་པོ་དེ་བཞི་ནི་རབ་ཏུ་ལྡིང་ཞིང་ཆུའི་ཕུང་པོ་
D44.037.0086b01.01འཛིན་ཏེ། ཆུའི་ཕུང་པོ་ལ་གནས་པའི་ས་ཆེན་པོ་ནི་མི་འཇིག །རྣམ་པར་མི་འཇིག་པས་དེའི་ཕྱིར་ས་ནི་ཆུ་ལ་གནས་སོ། །ཆུ་ནི་རླུང་ལ་གནས་སོ། །རླུང་ནི་ནམ་མཁའ་ལ་གནས་སོ། །ནམ་མཁའ་ནི་མི་གནས་པ་ཞེས་བྱ་སྟེ། སྟོང་གསུམ་གྱི་སྟོང་
D44.037.0086b02.01ཆེན་པོའི་འཇིག་རྟེན་གྱི་ཁམས་ནི་ཚུལ་དེ་ལྟ་བུར་གནས་སོ། །ཀྱེ་རྒྱལ་བའི་སྲས་དག །དེ་བཞིན་དུ་དེ་བཞིན་གཤེགས་པ་འབྱུང་བའི་ཚེ་དེ་བཞིན་གཤེགས་པའི་ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་ཤེས་རབ་ཀྱི་སྣང་བ་ཆགས་པ་མེད་པ་ལ་གནས་པ་
D44.037.0086b03.01བཞི་ལྡང་སྟེ། དེ་དག་ནི་འགྲོ་བ་ཐམས་ཅད་ཀྱི་དགེ་བའི་རྩ་བ་ཡོངས་སུ་འཛིན་ཏོ། །བཞི་གང་ཞེ་ན་འདི་ལྟ་སྟེ། དེ་བཞིན་གཤེགས་པའི་ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་བསྡུ་བས་སེམས་ཅན་ཡོངས་སུ་དགའ་བར་འགྱུར་བ་ཞེས་བྱ་བ་དང་། ཡེ་
D44.037.0086b04.01ཤེས་ཀྱི་རླུང་གི་དཀྱིལ་འཁོར་ཆེན་པོ་ཆོས་རྣམ་པར་དགོད་པ་ལ་འགྲོ་བ་མོས་པར་བྱེད་པ་ཞེས་བྱ་བ་དང་། ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་དགེ་བའི་རྩ་བ་ཐམས་ཅད་ཡོངས་སུ་སྲུང་བ་ཞེས་བྱ་བ་དང་། ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་འཁོར་བ་ཐམས་
D44.037.0086b05.01ཅད་ཟག་པ་མེད་པའི་དབྱིངས་སུ་ཁོང་དུ་ཆུད་པ་ཞེས་བྱ་བ་དག་སྟེ། ཀྱེ་རྒྱལ་བའི་སྲས་དག་བཞི་པོ་དེ་དག་ནི་ཤེས་རབ་ཀྱི་སྣང་བ་ཆགས་པ་མེད་པ་ལ་གནས་པའི་ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་རྣམས་ཏེ། དེ་དག་ནི་འགྲོ་བ་ཐམས་ཅད་བྱམས་པ་ཆེན་
D44.037.0086b06.01པོས་ཡོངས་སུ་བསྐྱབ་པ་དང་། ཐུགས་རྗེ་ཆེན་པོས་འགྲོ་བ་ཐམས་ཅད་ཡོངས་སུ་དགྲོལ་ཞིང་གཟུང་བའི་ཕྱིར་ལྡང་སྟེ། བྱམས་པ་ཆེན་པོ་དང་། སྙིང་རྗེ་ཆེན་པོ་ལ་གནས་པའི་བྱང་ཆུབ་སེམས་དཔའ་ནི། འགྲོ་བ་མང་པོ་རྣམ་པར་ཕྱེ་བ་འབྱམ་ཀླས་
D44.037.0086b07.01