完整藏文原文 · 德格版页 当前仅加载第 37 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ཤེས་པར་བྱའོ། །ཆོས་ཀྱི་འཁོར་ལོ་བསྐོར་བ་ནི་ཆོས་ཀྱི་ཚུལ་གྱི་རང་བཞིན་གྱིས་སྒྲ་བརྙན་གྱི་སྒྲ་དང་། དབྱངས་ཀྱི་རང་བཞིན་དུ་ཤེས་པར་བྱའོ། །ཆོས་ཀྱི་འཁོར་ལོ་བསྐོར་བ་ནི་བདག་པོ་ཡོད་ནས་མེད་པའི་ཕྱིར་སྒྲ་ཐམས་ཅད་སྒྲ་གཅིག་ཏུ་ཁོང་དུ་ཆུད་
D44.037.0129b01.01པར་བྱའོ། །ཆོས་ཀྱི་འཁོར་ལོ་བསྐོར་བ་ནི་ཕྱི་དང་ནང་འབྲེལ་བ་མེད་པས་ཡི་གེ་ཟད་མི་ཤེས་པར་ཤེས་པར་བྱའོ། །ཆོས་ཀྱི་འཁོར་ལོ་བསྐོར་བ་ནི་ཆོས་ཉིད་ཁོང་དུ་ཆུད་པའི་ཚུལ་གྱིས་ཡོང་གིས་མ་སྐྱེས་མ་འགགས་པར་ཤེས་པར་བྱའོ། །ཀྱེ་རྒྱལ་བའི་སྲས་འདི་ལྟ་སྟེ།
D44.037.0129b02.01དཔེར་ན། ཡི་གེ་འགྲངས་པ་ཐམས་ཅད་ནི་བསྟན་པ་ཐམས་ཅད་ཀྱིས་ཤིན་ཏུ་བསྟན་ཀྱང་མི་འཕེལ་མི་འགྲིབ་སྟེ། སྔོན་གྱི་མཐའི་བསྐལ་པའི་མུར་ཐུག་པ་ནས། ཡི་གེ་ཐམས་ཅད་བརྗོད་ཀྱང་མ་འཕེལ་མ་འགྲིབ་པ་ཡིན་ནོ། །ཀྱེ་རྒྱལ་བའི་སྲས་དེ་བཞིན་དུ་
D44.037.0129b03.01དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བ་ཡང་ཡི་གེ་རྣམ་པར་དམིགས་པར་བསྟན་པ་ཐམས་ཅད་ཀྱིས་ཤིན་ཏུ་བསྟན་ཀྱང་མི་འཕེལ་མི་འགྲིབ་སྟེ། སྔོན་གྱི་མཐའི་མུར་བྱུང་བའི་སངས་རྒྱས་རྣམས་ཀྱི་ཆོས་ཀྱི་འཁོར་ལོ་བསྐོར་ཀྱང་ཆོས་
D44.037.0129b04.01ཀྱི་འཁོར་ལོ་མ་ཟད་པ་ཡིན་ཏེ། དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བ་དེ་ནི་དགོས་པ་ཐམས་ཅད་དང་། སྤྱོད་པ་འགྲངས་པ་ཐམས་ཅད་དང་། འཇིག་རྟེན་པ་དང་། འཇིག་རྟེན་ལས་འདས་པའི་དགོས་པ་ཐམས་ཅད་ཀྱི་ནང་དུ་འདུས་ཀྱང་གང་ལ་ཡང་མི་
D44.037.0129b05.01གནས་པར་ཤེས་པར་བྱའོ། །ཀྱེ་རྒྱལ་བའི་སྲས་འདི་ལྟ་སྟེ། དཔེར་ན་ཡི་གེའི་འབྲུ་འགྲངས་པ་དགོས་པ་ཐམས་ཅད་དང་། སྤྱོད་པ་འགྲངས་པ་ཐམས་ཅད་དང་། བགྲང་བ་འགྲངས་པ་ཐམས་ཅད་དང་། འཇིག་རྟེན་པ་དང་འཇིག་རྟེན་ལས་འདས་པའི་
D44.037.0129b06.01གནས་ཐམས་ཅད་དུ་ཁྱབ་པར་འདུག་ཀྱང་ཅི་ལའང་མི་གནས་པར་ཤེས་པར་བྱའོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བ་ཡང་སེམས་ཅན་དང་། ཆོས་དང་ལས་དང་རྣམ་པར་སྨིན་པ་ཐམས་ཅད་དུ་ཁྱབ་ཀྱང་
D44.037.0129b07.01