完整藏文原文 · 德格版页 当前仅加载第 37 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ལ་ཆགས་པ་མེད་པར་འཇུག་པའི་ཚུལ་དང་། ཆད་པ་མེད་པར་འཇུག་པའི་ཚུལ་དང་། རྟག་པ་མེད་པར་འཇུག་པའི་ཚུལ་དང་། ཚད་མེད་པར་འཇུག་པའི་ཚུལ་དང་། འཇུག་པ་མེད་པར་འཇུག་པའི་ཚུལ་དང་། ལྡོག་པ་མེད་པར་འཇུག་པའི་ཚུལ་
D44.037.0183b01.01དང་། འཇུག་པ་ཐམས་ཅད་ཡོངས་སུ་ཤེས་པའི་ཚུལ་གྱིས་ཤིན་ཏུ་ཞུགས་པ་ཡིན་ཏེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་བཞི་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་
D44.037.0183b02.01ནི་དགེ་བའི་རྩ་བ་ཐམས་ཅད་ཡང་དག་པར་སྡུད་ཅིང་ཡོངས་སུ་{སྩོགས་,སོགས་}ཏེ། འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་ཐམས་ཅད་དང་། བྱང་ཆུབ་སེམས་དཔའ་དང་ཆོས་སྨྲ་བ་དང་། ཉན་ཐོས་དང་། རང་སངས་རྒྱས་
D44.037.0183b03.01རྣམས་དང་། སོ་སོའི་སྐྱེ་བོ་ཐམས་ཅད་ལ་དགེ་བའི་རྩ་བ་ཇི་སྙེད་ཅིག་བྱས་པ་དང་། བྱེད་པ་དང་བྱེད་པར་འགྱུར་བ་དང་། དགེ་བའི་རྩ་བ་གང་གིས་འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་བླ་ན་མེད་པ་ཡང་
D44.037.0183b04.01དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པ་དང་། འཚང་རྒྱ་བ་དང་། འཚང་རྒྱ་བར་འགྱུར་བ་དང་། ཆོས་གང་འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་བསྟན་པ་དང་། སྟོན་པ་
D44.037.0183b05.01དང་། སྟོན་པར་འགྱུར་བ་དང་། སེམས་ཅན་ཇི་སྙེད་ཅིག་ཆོས་བསྟན་པ་དེ་དག་ལ་གྲུབ་པ་དང་། འགྲུབ་པ་དང་འགྲུབ་པར་འགྱུར་བ་དང་། སེམས་ཅན་ཇི་སྙེད་ཅིག་དུལ་བ་དང་། འདུལ་བ་དང་འདུལ་བར་འགྱུར་བ་དེ་ལྟ་བུའི་དགེ་བའི་རྩ་བ་
D44.037.0183b06.01ཐམས་ཅད་རབ་ཏུ་ཤེས་སོ། །མོས་པར་བྱེད་དོ། །རྗེས་སུ་ཡི་རང་བར་བྱེད་དོ། །དགེ་བའི་རྩ་བ་ཡོངས་སུ་བཙལ་བས་ཀྱང་སྐྱོ་བར་མི་བྱེད་སྐྱོ་བར་མི་སྐྱེད་དེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་
D44.037.0183b07.01