完整藏文原文 · 德格版页 当前仅加载第 37 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལས་དེ་བཞིན་གཤེགས་པའི་ཡུལ་དཔེར་བླང་གི །དེ་བཞིན་གཤེགས་པའི་ཡེ་ཤེས་རྒྱ་མཚོའི་ཡུལ་ལ་དཔེ་ཡོད་པ་མ་ཡིན་ཏེ། ཀྱེ་རྒྱལ་བའི་སྲས་དེ་བཞིན་གཤེགས་པའི་ཡེ་ཤེས་རྒྱ་མཚོའི་ཡུལ་ནི་དཔེ་ལས་འདས་པའོ། །
D44.037.0123a01.01ཀྱེ་རྒྱལ་བའི་སྲས་དེ་བཞིན་གཤེགས་པའི་ཡེ་ཤེས་རྒྱ་མཚོའི་ཡུལ་དེ་ལྟ་བུ་ནི་འདི་ལྟ་སྟེ། ཐུགས་དང་པོ་བསྐྱེད་པ་ནས། བྱང་ཆུབ་སེམས་དཔའི་སྤྱོད་པ་ཐམས་ཅད་རྒྱུན་མ་ཆད་པའི་ཕྱིར་ཡང་དག་པར་བསྒྲུབས་པས་ཀྱང་ཚད་མེད་པར་ཁོང་དུ་ཆུད་པར་བྱའོ། །
D44.037.0123a02.01བྱང་ཆུབ་ཀྱི་ཕྱོགས་ཀྱི་ཆོས་དང་རིན་པོ་ཆེ་གསུམ་གྱི་རྒྱུན་མི་གཅོད་པས་རིན་པོ་ཆེའི་ཕུང་པོས་ཀྱང་ཚད་མེད་པར་ཁོང་དུ་ཆུད་པར་བྱའོ། །སློབ་པ་དང་མི་སློབ་པ་དང་། རང་སངས་རྒྱས་ཐམས་ཅད་ཉེ་བར་འཚོ་བས། འབྱུང་པོ་གནས་པས་ཀྱང་། ཚད་
D44.037.0123a03.01མེད་པར་ཁོང་དུ་ཆུད་པར་བྱའོ། །ས་དང་པོ་ལ་གནས་པའི་བྱང་ཆུབ་སེམས་དཔའ་ཡན་ཅད་ཆགས་པ་མེད་པའི་མཐར་ཐུག་པའི་ས་ལ་གནས་པའི་བར་གྱི་བྱང་ཆུབ་སེམས་དཔའ་ཐམས་ཅད་གནས་པས། འབྱུང་པོ་ཆེན་པོའི་ལུས་རྣམ་པ་ཐ་དད་པས་
D44.037.0123a04.01ཀྱང་ཚད་མེད་པར་ཁོང་དུ་ཆུད་པར་བྱ་སྟེ། ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་དེ་བཞིན་གཤེགས་པའི་ཡེ་ཤེས་རྒྱ་མཚོའི་ཡུལ་འགྲོ་བ་ཐམས་ཅད་ཉེ་བར་འཚོ་བ་ནི་ཚད་མེད་པའི་ཡེ་ཤེས་དང་ལྡན་པའི་ཚུལ་གྱིས་
D44.037.0123a05.01ཁོང་དུ་ཆུད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། དོན་དེ་ཉིད་ཡང་བརྟག་པར་བྱ་བའི་ཕྱིར་ཚིགས་སུ་བཅད་པ་འདི་དག་སྨྲས་སོ། །རྡུལ་མེད་རྣམས་ཀྱི་ཡུལ་ནི་ཚད་མེད་གཞལ་དུ་མེད། །སེམས་
D44.037.0123a06.01ཀྱི་ཡུལ་བཞིན་རྣམ་པ་ཀུན་ཏུ་ཚད་མེད་དེ། །སེམས་ཀྱིས་མངོན་བསྒྲུབས་ཡིད་ཀྱི་ཡུལ་ནི་ཇི་ལྟ་བ། །དེ་བཞིན་སྟོབས་བཅུ་རྣམས་ཀྱི་ཡུལ་ཡང་ཤེས་པར་བྱ། །ཀླུའི་དབང་པོའི་གནས་ནས་ནམ་ཡང་མི་གཡོ་བར། །སེམས་ཀྱི་མཐུས་ནི་ཆར་ཆེན་རྒྱུན་
D44.037.0123a07.01