完整藏文原文 · 德格版页 当前仅加载第 37 函德格 375b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ་སྟོན་པར་འགྱུར་རོ། །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}དགེ་བསྙེན་མ་ཡིད་བཞིན་གྱི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། དགེ་བསྙེན་མ་ཡིད་བཞིན་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས། ཡང་དང་
D44.037.0375b01.01ཡང་བལྟས་ཏེ་ཕྱག་འཚལ་ནས། ངོ་མཆི་མས་གང་བར་ངུས་ཏེ། བྱང་ཆུབ་མཆོག་ཏུ་དཀོན་པ་རྗེས་སུ་སེམས་ཤིང་དགེ་བའི་བཤེས་གཉེན་རིམ་གྲོར་བྱ་བ་དཀོན་པ་རྗེས་སུ་བསམ་པ་དང་། སྐྱེས་བུ་དམ་པ་དང་འཕྲད་པ་དཀོན་པ་རྗེས་སུ་བསམ་པ་དང་།
D44.037.0375b02.01བྱང་ཆུབ་སེམས་དཔའི་དབང་པོ་འཐོབ་པར་བྱ་བ་རྗེས་སུ་བསམ་པ་དང་། བྱང་ཆུབ་སེམས་དཔའི་བསམ་པ་ཡོངས་སུ་དག་པ་དཀོན་པ་རྗེས་སུ་བསམ་པ་དང་། སྐལ་བ་མཉམ་པའི་དགེ་བའི་བཤེས་གཉེན་དང་ཕྲད་པ་དཀོན་པ་རྗེས་སུ་བསམ་པ་དང་།
D44.037.0375b03.01བྱང་ཆུབ་ཏུ་ཡང་དག་པ་ཇི་ལྟ་བ་བཞིན་དུ་མངོན་པར་མོས་ཤིང་སེམས་ངེས་པར་གཞོག་པ་དཀོན་པ་རྗེས་སུ་བསམ་པ་དང་། མི་མཉམ་པ་མེད་པའི་ཆོས་ཀྱི་ཚུལ་རྗེས་སུ་བསྟན་པའི་སྦྱོར་བ་དཀོན་པ་རྗེས་སུ་བསམ་པ་དང་། སེམས་དྲི་མ་མེད་
D44.037.0375b04.01ཅིང་མི་འཕྲོགས་པའི་སྦྱོར་བ་ཡང་དག་པར་བསྒྲུབ་པར་དཀའ་བ་རྗེས་སུ་བསམ་པ་དང་། ཐམས་ཅད་མཁྱེན་པ་ཉིད་དུ་ཤུགས་དྲག་པོ་རྣམ་པར་བསྐྱེད་པའི་ཆོས་ཀྱི་སྣང་བ་དཀོན་པ་རྗེས་སུ་བསམ་པ་བྱེད་ཅིང་། དགེ་བསྙེན་མ་ཡིད་བཞིན་གྱི་
D44.037.0375b05.01དྲུང་ནས་སོང་ངོ་། དེ་ནས་ཚོང་དཔོན་གྱི་བུ་ནོར་{བཟངས་,བཟང་}བྱང་ཆུབ་སེམས་དཔའི་གདམས་ངག་གི་རྗེས་སུ་སོང་བའི་སེམས་དང་ལྡན་པ། བྱང་ཆུབ་སེམས་དཔའི་སྤྱོད་པ་ཡོངས་སུ་དག་པར་བྱེད་པའི་རྗེས་སུ་སོང་བའི་སེམས་དང་ལྡན་པ་
D44.037.0375b06.01བྱང་ཆུབ་སེམས་དཔའི་བསོད་ནམས་ཀྱི་སྟོབས་རྣམ་པར་འཕེལ་བར་བྱ་བའི་སེམས་དང་ལྡན་པ། སངས་རྒྱས་བལྟ་བའི་ཤུགས་དྲག་པོས་རབ་ཏུ་སྣང་བར་བྱ་བའི་སེམས་དང་ལྡན་པ། ཆོས་ཀྱི་གཏེར་འཐོབ་པར་བྱ་བ་ལ་ཤུགས་དྲག་པོ་སྐྱེས་པའི་
D44.037.0375b07.01