完整藏文原文 · 德格版页 当前仅加载第 37 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཙམ་ན་མཐོང་བར་འགྱུར་གྱིས། བདག་གིས་སངས་རྒྱས་མཐོང་བ་ནི་རྒྱུན་ཆད་པར་མི་འགྱུར་རོ། །དེ་བཞིན་གཤེགས་པ་མངོན་དུ་འགྱུར་བ་ནི་རྒྱུན་ཆད་པར་མི་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D44.037.0162b01.01སངས་རྒྱས་ཨུ་དུམ་ཝ་རའི་མེ་ཏོག་ལྟ་བུར་བསྐལ་པ་ཐམས་ཅད་དུ་སྐྱེ་ཞིང་མཐོང་བར་དཀའ་བ་རྣམས་ལས་ཆོས་མཉན་པའང་རྒྱུན་མི་འཆད་པར་འགྱུར་ཏེ། དེ་ལྟར་བདག་གིས་བསམ་པ་ཡོངས་སུ་དག་པས་སེམས་བསྐྱེད་པ། གཡོ་ཐམས་
D44.037.0162b02.01ཅད་ཡོངས་སུ་སྤངས་པ་དྲང་བའི་ངང་ཚུལ་དང་ལྡན་པ་སྒྱུའི་རྣམ་པ་མེད་པས་སེམས་ཀྱི་སྐད་ཅིག་རེ་རེ་ལ་སངས་རྒྱས་མཐོང་བའི་བྱིན་གྱི་རླབས་དང་ལྡན་པར་འགྱུར་རོ། །ཞེས་དབུགས་ཕྱིན་པ་ཆེན་པོ་རབ་ཏུ་འཐོབ་བོ། །ཀྱེ་རྒྱལ་བའི་སྲས་གཞན་
D44.037.0162b03.01ཡང་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་རྒྱ་བ་དེའི་ཚེ། འཇིག་རྟེན་གྱི་ཁམས་ཐམས་ཅད་སངས་རྒྱས་ཀྱི་ཞིང་རྣམ་པར་འཕྲུལ་པས་རྒྱས་པར་དགང་ངོ་། །བླ་
D44.037.0162b04.01ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ནས་ཀྱང་འགྲོ་བ་ཐམས་ཅད་རེ་རེར་སངས་རྒྱས་སྐྱེ་བ་ཡོངས་སུ་བསྟན་པར་བྱའོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ནས་ཆོས་ཀྱི་རྔ་
D44.037.0162b05.01ཆེན་པོ་བརྡུང་བར་བྱའོ། །ཆོས་ཀྱི་སྤྲིན་གྱི་ཆར་ཆེན་པོ་མངོན་པར་དབབ་པ་དང་། ཆོས་ཀྱི་སྦྱིན་པ་ཆེན་པོ་སྦྱིན་པ་དང་། མི་འཇིགས་པ་ཆེན་པོ་རྣམ་པར་དག་པར་བྱ་བའི་ཕྱིར། སེང་གེའི་ང་རོ་ཆེན་པོས་རྣམ་པར་སྤེལ་བའི་སྨོན་ལམ་ཆེན་པོས་ཆོས་
D44.037.0162b06.01ཀྱི་དབྱིངས་སུ་གནས་པའི་བསྐལ་པར་ཆོས་བསྟན་པར་བྱའོ། །འོན་ཀྱང་སྙིང་རྗེ་ཆེན་པོའི་བྱིན་གྱི་རླབས་ཀྱིས་བདག་གི་ལུས་ལ་དུབ་པ་མེད་པར་འགྱུར། ངག་དང་སེམས་ལ་དུབ་པ་མེད་པར་འགྱུར་རོ། །ཞེས་དབུགས་ཕྱིན་པ་ཆེན་པོ་རབ་ཏུ་
D44.037.0162b07.01