完整藏文原文 · 德格版页 当前仅加载第 37 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་ལ་གནས་ཤིང་བྱང་ཆུབ་སེམས་དཔའི་མཐུ་དང་ཆེ་བ་ཉིད་ཡོངས་སུ་བསྟན་པའི་ཕྱིར་བཙུན་མོའི་འཁོར་ཉེ་བར་སྟོན་པ་དང་། སྔོན་གྱི་སྨོན་ལམ་དང་ལྡན་པའི་སེམས་ཅན་རྣམས་ཀྱི་བསམ་པ་ཡོངས་སུ་རྫོགས་པར་བྱ་བའི་ཕྱིར་བཙུན་
D44.037.0259a01.01མོའི་འཁོར་ཉེ་བར་སྟོན་པ་དང་། ཕ་དང་མ་དང་གཉེན་པའི་ཚོགས་ཀྱི་བསམ་པ་ཡོངས་སུ་རྫོགས་པར་བྱ་བའི་ཕྱིར་བཙུན་མོའི་འཁོར་ཉེ་བར་སྟོན་པ་དང་། ཆོས་ཀྱི་དབྱིངས་ཆེན་པོ་དང་ལྡན་པའི་རོལ་མོ་བརྡུང་བ་དང་། དཀྲོལ་བའི་སྒྲས་དེ་བཞིན་གཤེགས་པ་
D44.037.0259a02.01ཐམས་ཅད་མཆོད་ཅིང་བསྙེན་བཀུར་བ་ཡོངས་སུ་གྲུབ་པར་བྱ་བའི་ཕྱིར། བཙུན་མོའི་འཁོར་ཉེ་བར་སྟོན་པ་དང་། བཙུན་མོའི་འཁོར་གྱི་ནང་ནས་བྱང་ཆུབ་སེམས་དཔའི་ཏིང་ངེ་འཛིན་ལ་གནས་ཤིང་ཤིན་ཏུ་ཕྲ་བའི་མངོན་པར་རྫོགས་པར་འཚང་རྒྱ་བ་ནས་ཡོངས་སུ་
D44.037.0259a03.01མྱ་ངན་ལས་འདས་པ་ཆེན་པོའི་བར་དུ་བསྟན་པའི་ཕྱིར། བཙུན་མོའི་འཁོར་ཉེ་བར་སྟོན་པ་དང་། ཆོས་ཀྱི་སྐྱབས་དང་ལྡན་པ་ཡང་དག་པར་བསྟན་པའི་ཕྱིར། བཙུན་མོའི་འཁོར་ཉེ་བར་སྟོན་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་
D44.037.0259a04.01རྣམས་ཀྱི་བཙུན་མོའི་འཁོར་ཉེ་བར་སྟོན་པ་སྟེ། དེ་དག་ནི་སྲིད་པ་ཐ་མ་པའི་བྱང་ཆུབ་སེམས་དཔས་ཡོངས་སུ་བསྟན་ནས་དེའི་འོག་ཏུ་མངོན་པར་འབྱུང་བར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མངོན་པར་འབྱུང་བ་སྟེ།
D44.037.0259a05.01བཅུ་གང་ཞེ་ན། འདི་ལྟར་ཁྱིམ་གྱི་གནས་སྨད་པའི་ཕྱིར། བྱང་ཆུབ་སེམས་དཔའ་རྣམས་མངོན་པར་འབྱུང་བ་དང་། གནས་ལ་དགའ་བའི་སེམས་ཅན་གྱེན་དུ་བསྐྱོད་པའི་ཕྱིར་བྱང་ཆུབ་སེམས་དཔའ་རྣམས་མངོན་པར་འབྱུང་བ་དང་། འཕགས་པ་དང་མཐུན་པའི་
D44.037.0259a06.01ལམ་གྱི་ལེགས་པ་ཡོངས་སུ་བསྟན་པའི་ཕྱིར། བྱང་ཆུབ་སེམས་དཔའ་རྣམས་མངོན་པར་འབྱུང་བ་དང་། རབ་ཏུ་བྱུང་བའི་ཡོན་ཏན་དང་། ལེགས་པ་ཡང་དག་པར་བསྔགས་པའི་ཕྱིར། བྱང་ཆུབ་སེམས་དཔའ་རྣམས་མངོན་པར་འབྱུང་བ་དང་།
D44.037.0259a07.01