完整藏文原文 · 德格版页 当前仅加载第 37 函德格 341a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱང་ཤེས་སོ། །འཕགས་པའི་སྐད་དང་མིང་རྣམས་ཀྱང་ཤེས་སོ། །འཕགས་པ་མ་ཡིན་པའི་སྐད་དང་མིང་རྣམས་ཤེས་སོ། །བྱང་ཆུབ་སེམས་དཔའ་རྣམས་ཀྱི་ཚིག་དང་བརྡ་དང་། ངེས་པའི་ངག་སེམས་ཅན་
D44.037.0341a01.01གྱི་བསམ་པ་བཞིན་དུ་འབྱུང་བ་ཡང་ཤེས་སོ། །སེམས་ཀྱི་སྐད་ཅིག་རེ་རེ་ལ་ཡང་དུས་གསུམ་དུ་གཤེགས་པའི་དེ་བཞིན་གཤེགས་པ་རྣམས་ཀྱི་དབྱངས་ཀྱི་ཡན་ལག་དང་གསུང་རྒྱ་མཚོ་སེམས་ཅན་ཐམས་ཅད་ཀྱི་མིང་དང་གཏམ་གྱི་སྒྲ་དང་། ཚིག་ཏུ་
D44.037.0341a02.01ལྡན་པ་ཡང་རྟོགས་ཤིང་ཁོང་དུ་ཆུད་དོ། །ཇི་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་སེམས་ཅན་རྣམས་ཀྱི་བརྡ་དང་ངེས་པའི་ཚིག་དང་སྐད་དང་མིང་རྒྱ་མཚོ་ལ་འཇུག་ཅིང་ཤེས་པ་དེ་བཞིན་དུ་ཤར་ཕྱོགས་ཀྱི་འཇིག་རྟེན་གྱི་ཁམས་བྱེ་བ་
D44.037.0341a03.01ཁྲག་ཁྲིག་བརྒྱ་སྟོང་ཚད་མེད་པ། གྲངས་མེད་པ། བསམ་གྱིས་མི་ཁྱབ་པ། མཚུངས་པ་མེད་པ། ཀུན་ཏུ་མཐའ་ཡས་པ་མུ་མེད་པ། ས་མཚམས་མེད་པ་གཞལ་དུ་མེད་པ། བརྗོད་དུ་མེད་པའི་ཡང་བརྗོད་དུ་མེད་པ་དང་། དེ་བཞིན་དུ་ལྷོ་ཕྱོགས་དང་། ནུབ་ཕྱོགས་
D44.037.0341a04.01དང་བྱང་ཕྱོགས་དང་། བྱང་ཤར་གྱི་ཕྱོགས་མཚམས་དང་། ཤར་ལྷོའི་ཕྱོགས་མཚམས་དང་། ལྷོ་ནུབ་ཀྱི་ཕྱོགས་མཚམས་དང་། ནུབ་བྱང་གི་ཕྱོགས་མཚམས་དང་། འོག་དང་སྟེང་གི་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་
D44.037.0341a05.01ཚད་མེད་པ་ནས་བརྗོད་དུ་མེད་པའི་ཡང་བརྗོད་དུ་མེད་པའི་བར་གྱི་སེམས་ཅན་རྣམས་ཀྱི་བརྡ་དང་། ངེས་པའི་ཚིག་དང་སྐད་དང་མིང་རྒྱ་མཚོ་ཐམས་ཅད་ལ་འཇུག་ཅིང་ཤེས་ཏེ། འདི་ལྟར་ལྷ་རྣམས་ཀྱི་ལྷའི་སྐད་ཀྱང་ཤེས་སོ། །ཚངས་པ་རྣམས་
D44.037.0341a06.01ཀྱི་ཚངས་པའི་སྐད་ཀྱི་བར་དུའང་ཤེས་སོ། །རིགས་ཀྱི་བུ་ཁོ་བོས་ནི་བྱང་ཆུབ་སེམས་དཔའ་རྣམས་ཀྱི་གཟུངས་སྣང་བ་དབྱངས་དང་ལྡན་པ་འདི་ཤེས་པར་ཟད་ན། ཁོ་བོས་བྱང་ཆུབ་སེམས་དཔའ་འགྲོ་བ་སྣ་ཚོགས་ཀྱི་བརྡའི་རྣམ་པ་རྒྱ་མཚོ་
D44.037.0341a07.01