完整藏文原文 · 德格版页 当前仅加载第 37 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ། སེམས་ཅན་གྱི་གཙོ་བོ་མཐའ་ཡས་པ་ཐམས་ཅད་སྐྲའི་རྩེ་མོ་གཅིག་ལ་བཞུགས་པར་མཐོང་སྟེ། ཡང་དག་པར་ཡོངས་སུ་གཟུང་ཞིང་སེམས་ཅན་གྱི་བསམ་པས་རྣམ་པར་རིག་པར་བྱ་བ་ལ་འཇུག་པས་སངས་རྒྱས་རྗེས་སུ་དྲན་པ་དང་།
D44.037.0221a01.01དེ་བཞིན་གཤེགས་པ་གཅིག་གི་འཁོར་གྱི་དཀྱིལ་འཁོར་ནས་མ་གཡོས་པར་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མངོན་དུ་ཞལ་ནས་ཆོས་བསྟན་པ་བསྒྲགས་པ་མི་ཟད་པས་འགྲོ་བ་ཐམས་ཅད་ཀྱི་བསམ་པ་དང་། དབང་པོ་ཇི་ལྟ་བ་བཞིན་དུ་
D44.037.0221a02.01རྣམ་པར་རིག་པར་བྱ་བ་ལ་འཇུག་པས་ཆོས་རྗེས་སུ་དྲན་པ་དང་། ཕྱིར་མི་ལྡོག་པའི་བྱང་ཆུབ་སེམས་དཔའི་ཚོགས་མཐོང་བ་དང་མི་འབྲལ་ཞིང་འགྲོ་བ་ཐམས་ཅད་ལ་བྱང་ཆུབ་སེམས་དཔའི་ལུས་ཡོངས་སུ་སྟོན་པས་དགེ་འདུན་རྗེས་སུ་དྲན་པ་དང་། བྱང་ཆུབ་སེམས་
D44.037.0221a03.01དཔའ་ཐམས་ཅད་ཀྱི་སྦྱིན་པ་ཡོངས་སུ་གཏོང་བ་ལ་ཡང་དག་པར་གཞོལ་ཞིང་གཏོང་བ་ཆེན་པོས་རྣམ་པར་སྤེལ་བ་ཡིད་ལ་བྱེད་པས་གཏོང་བ་རྗེས་སུ་དྲན་པ་དང་། བྱང་ཆུབ་ཀྱི་སེམས་དང་མི་འབྲལ་བས་དགེ་བའི་རྩ་བ་ཐམས་ཅད་འགྲོ་བ་ཐམས་ཅད་ལ་སྟོབས་པས། ཚུལ་
D44.037.0221a04.01ཁྲིམས་རྗེས་སུ་དྲན་པ་དང་། དགའ་ལྡན་གྱི་ཕོ་བྲང་གི་མཆོག་ན་བྱང་ཆུབ་སེམས་དཔའ་ཚེ་གཅིག་གིས་ཐོགས་པ་བཞུགས་པ་རྗེས་སུ་དྲན་པས་ལྷ་རྗེས་སུ་དྲན་པ་དང་། ཐབས་ཀྱི་ཡེ་ཤེས་ཆེན་པོས་འགྲོ་བ་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་རྒྱུན་
D44.037.0221a05.01མི་འཆད་པ་ལ་ཞུགས་ཏེ། སེམས་ཅན་རྗེས་སུ་དྲན་པའི་ཕྱིར་དགེ་འདུན་རྗེས་སུ་དྲན་པས་བྱང་ཆུབ་སེམས་དཔའི་ལམ་རྗེས་སུ་དྲན་པ་བདུན་གྱིས་མངོན་པར་བསྒྲུབས་པ་དང་། འདི་ལྟ་སྟེ་ལོག་པར་ལྟ་བ་ཐམས་ཅད་ཡོངས་སུ་སྤངས་པས་ཡང་དག་པའི་ལྟ་བའི་ལམ་དུ་
D44.037.0221a06.01འབྱུང་བ་དང་། རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོགས་པ་དང་བྲལ་བས་ཐམས་ཅད་མཁྱེན་པ་ཉིད་དང་མཐུན་ཞིང་དོན་ཡོད་ལ་ཡིད་ལ་བྱ་བ་མེད་པས་བྱུང་བ་དང་། ངག་གི་ཉེས་པ་བཞི་དང་བྲལ་བས་འཕགས་པ་དང་མཐུན་
D44.037.0221a07.01