德格《甘珠尔》D44

བཅུ་གང་ཞེ་ན། འདི་ལྟར་ལྷའི་དབང་པོ་ལ་{སྩོགས་,སོགས་}པ་ལྷ་ཐམས་ཅད་ཀྱིས་ཡོངས་སུ་གཟུང་བར་འབྱུང་བ་ཡིན། ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། དྲི་ཟའི་དབང་པོ་དང་། ལྷ་མ་ཡིན་གྱི་དབང་པོ་དང་། ནམ་མཁའ་ལྡིང་

གི་དབང་པོ་དང་། མིའམ་ཅིའི་དབང་པོ་དང་། ལྟོ་འཕྱེ་ཆེན་པོའི་དབང་པོ་དང་། ཚངས་པའི་དབང་པོ་ལ་{སྩོགས་,སོགས་}པ་ཚངས་པའི་རིས་སུ་གཏོགས་པའི་ལྷ་ཐམས་ཅད་ཀྱིས་ཡོངས་སུ་གཟུང་བར་འབྱུང་བ་ཡིན། དེ་བཞིན་གཤེགས་པ་ཆོས་ཀྱི་དབང་པོ་ལ་{སྩོགས་,སོགས་}

པ་ཆོས་སྨྲ་བ་ཐམས་ཅད་ཀྱིས་ཡོངས་སུ་གཟུང་བར་འབྱུང་བ་ཡིན་ཏེ། ཀྱེ་རྒྱལ་བའི་སྲས་བྱང་ཆུབ་སེམས་དཔའི་དག་ནི་ཡོངས་སུ་འཛིན་པ། བཅུ་པོ་དེ་དག་གིས་ཤིན་ཏུ་གཟུང་བར་འབྱུང་ངོ་། །ཀྱེ་རྒྱལ་བའི་སྲས་བྱང་ཆུབ་སེམས་དཔའི་ངག་དེ་ལྟར་ཤིན་ཏུ་

གཟུང་བར་འབྱུང་བ་དེ་ཡང་དགོས་པ་བཅུ་ཡོངས་སུ་གྲུབ་པར་བྱེད་དེ། བཅུ་གང་ཞེ་ན། འདི་ལྟར་སེམས་ཅན་གྱི་ཁམས་མངོན་པར་དགའ་བར་བྱེད་དོ། །འཇིག་རྟེན་གྱི་ཁམས་སུ་གོ་བར་བྱེད་དོ། །དབང་པོའི་ཁམས་ལ་འཇུག་པར་བྱེད་དོ། །

མོས་པའི་ཁམས་རྣམ་པར་དག་པར་བྱེད་དོ། །ཉོན་མོངས་པའི་ཁམས་སེལ་བར་བྱེད་དོ། །བག་ཆགས་ཀྱི་ཁམས་སྤོང་བར་བྱེད་དོ། །བསམ་པའི་ཁམས་སྦྱོང་བར་བྱེད་དོ། །ལྷག་པའི་བསམ་པའི་ཁམས་རྣམ་པར་འཕེལ་བར་བྱེད་དོ། །ཆོས་

ཀྱི་ཁམས་རྒྱས་པར་བྱེད་དོ། །མྱ་ངན་ལས་འདས་པའི་ཁམས་ཡང་དག་པར་རྟོགས་པར་བྱེད་དོ། །དགོས་པ་བཅུ་པོ་དེ་དག་ཡོངས་སུ་སྒྲུབ་བོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཏེ། བཅུ་གང་ཞེ་ན། འགྲོ་

བ་ཐམས་ཅད་ཀྱི་དགེ་བའི་རྩ་བ་ཡང་དག་པར་འཛིན་ཅིང་རྟོན་པས་བྱང་ཆུབ་སེམས་དཔའ་རྣམས་ཀྱི་སེམས་ནི་ས་ལྟ་བུའོ། །སངས་རྒྱས་ཐམས་ཅད་ཀྱི་ཡེ་ཤེས་རྒྱ་ཆེན་པོའི་རྒྱ་མཚོ་མཐའ་དང་དབུས་མེད་པ་ལ་ཞུགས་པས། བྱང་ཆུབ་སེམས་དཔའ་