完整藏文原文 · 德格版页 当前仅加载第 37 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་ཤིན་ཏུ་ཟབ་པར་ཤེས་པར་བྱའོ། །ཆོས་ཀྱི་དབྱིངས་ལ་ཞེན་པས་ཅིས་ཀྱང་མི་ཚུགས་པར་ཤེས་པར་བྱའོ། །ཆོས་ཉིད་ལ་ཡང་དག་པར་གཞོལ་བས་རྒྱུན་མི་འཆད་པར་ཤེས་པར་བྱའོ། །ཤིན་ཏུ་གཏན་ལ་ཕེབས་
D44.037.0100a01.01པའི་མཐར་ཐུག་པས་སྐྱོར་མེད་པར་ཤེས་པར་བྱ་སྟེ། དེ་བཞིན་གཤེགས་པའི་གསུང་བརྗོད་པ་ནི། །བདག་པོ་ཡོད་པ་ཡང་མ་ཡིན། བདག་པོ་མེད་པ་ཡང་མ་ཡིན་པ་དང་། རྣམ་པར་དམིགས་པ་ཡང་མ་ཡིན། རྣམ་པར་མི་དམིགས་པ་ཡང་མ་ཡིན་པར་
D44.037.0100a02.01ཤེས་པར་བྱའོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། འཇིག་རྟེན་གྱི་ཁམས་འཇིག་པར་འགྱུར་བའི་ཚེ། ཆོས་ཉིད་ཐོབ་པས་སྒྲ་ཆེན་པོའི་དབྱངས་ཆེན་པོ་བཞི་འབྱུང་བར་འགྱུར་ཏེ། དེ་དག་ལ་བདག་པོ་མེད་ཅིང་ཡོངས་སུ་
D44.037.0100a03.01འཛིན་པ་མེད་དོ། །བཞི་གང་ཞེ་ན། ཀྱེ་རྒྱལ་བའི་སྲས་འཇིག་རྟེན་གྱི་ཁམས་འཇིག་པར་འགྱུར་བའི་ཚེ། སྒྲ་ཆེན་པོའི་དབྱངས་ཆེན་པོ་ཐོག་མ་རྣམ་པ་འདི་ལྟ་བུ་འབྱུང་སྟེ། ཀྱེ་མ་གྲོགས་པོ་དག་བསམ་གཏན་དང་པོ་ནི་འདོད་པ་དང་། གནོད་
D44.037.0100a04.01སེམས་མེད་པས་ཤིན་ཏུ་བདེ་བ་སྟེ། འདོད་པའི་ཁམས་ལས་ཡང་དག་པར་འདའ་བའི་རྒྱུར་འགྱུར་རོ། །སྒྲ་དེ་ཐོས་ནས་སེམས་ཅན་རྣམས་བསམ་གཏན་དང་པོ་བསྒྲུབས་ཏེ། འདོད་པའི་ཁམས་ལས་འདས་ནས་ཚངས་པའི་འཇིག་རྟེན་དུ་སྐྱེའོ། །དེ་ནས་
D44.037.0100a05.01ཆོས་ཉིད་ཐོབ་པས་སྒྲ་ཆེན་པོའི་དབྱངས་ཆེན་པོ་གཉིས་པ་འབྱུང་སྟེ། ཀྱེ་མ་གྲོགས་པོ་དག་བསམ་གཏན་གཉིས་པ་འདི་ནི་རྣམ་པར་རྟོག་པ་མེད་ཅིང་། རྣམ་པར་དཔྱོད་པ་མེད་པས་ཤིན་ཏུ་བདེ་བ་སྟེ་ཚངས་རིས་ཀྱི་ལྷ་ལས་ཡང་དག་པར་འདའ་བའི་རྒྱུར་འགྱུར་རོ། །
D44.037.0100a06.01སྒྲ་དེ་ཐོས་ནས་ཀྱང་སེམས་ཅན་རྣམས་བསམ་གཏན་གཉིས་པ་བསྒྲུབས་ཏེ། ཚངས་པའི་འཇིག་རྟེན་ལས་འདས་ནས། གྱ་ནོམ་སྣང་བའི་ལྷ་དང་སྐལ་བ་མཉམ་པར་སྐྱེའོ། །དེ་ནས་ཆོས་ཉིད་རབ་ཏུ་ཐོབ་པས། སྒྲ་ཆེན་པོའི་དབྱངས་ཆེན་པོ་གསུམ་པ་
D44.037.0100a07.01