完整藏文原文 · 德格版页 当前仅加载第 37 函德格 354a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་དགོད་པ་དང་། མ་བྱིན་པར་ལེན་པ་དང་། རབ་ཏུ་དབྲལ་བ་དང་། རྒྱན་གྱིས་ཤིན་ཏུ་བརྒྱན་པའི་བུ་མོ་བྱེ་བ་ཁྲག་ཁྲིག་བརྒྱ་སྟོང་ཡོངས་སུ་གཏང་བ་དང་། འདོད་པས་ལོག་པར་གཡེམ་པ་ལས་རྣམ་པར་བཟློག་པ་དང་།
D44.037.0354a01.01ཚངས་པའི་སྤྱོད་པ་ལ་རབ་ཏུ་དགོད་པ་དང་། {བརྫུན་,རྫུན་}དུ་སྨྲ་བ་ལས་རྣམ་པར་བཟློག་པ་དང་། བསླུ་བ་{མྱེད་,མེད་}པ་ལ་གཞོལ་བར་རབ་ཏུ་དགོད་པ་དང་། ཕྲ་མའི་ཚིག་ལས་རྣམ་པར་བཟློག་པ་དང་། གཞན་འདུམ་པར་བརྩོན་པའི་ཚིག་རབ་ཏུ་བརྗོད་པ་དང་།
D44.037.0354a02.01ཞེ་གཅོད་པའི་ཚིག་ལས་འཇིག་རྟེན་རྣམ་པར་བཟློག་པ་དང་། འཇམ་ཞིང་ཡིད་དུ་འོང་བའི་ཚིག་རབ་ཏུ་བརྗོད་པ་དང་། གནོད་པའི་ཆོས་དང་ལྡན་པའི་བྱུང་རྒྱལ་དུ་སྨྲ་བ་ལས་སེམས་ཅན་རྣམ་པར་བཟློག་པ་དང་། དོན་ཟབ་མོའི་ཚིག་
D44.037.0354a03.01རབ་ཏུ་དབྱེ་བ་གདོན་མི་ཟ་བ་ལ་ཡང་དག་པར་དགོད་པ་དང་། ངག་གི་ཉེས་པ་ཐམས་ཅད་ལས་འཇིག་རྟེན་རྣམ་པར་བཟློག་པ་དང་། སྙིང་རྗེ་དང་ལྡན་པའི་ཚིག་རབ་ཏུ་བརྗོད་པར་བྱ་བ་དང་། འཇིག་རྟེན་གྱི་སྙིང་གི་དྲི་མ་ཡོངས་སུ་སེལ་ཅིང་འདོད་པ་ཆུང་བ་
D44.037.0354a04.01དང་། ཆོག་ཤེས་པ་ལ་བརྩོན་པར་སེམས་ཅན་རབ་ཏུ་དགོད་པ་དང་། ཆགས་སེམས་ལས་འཇིག་རྟེན་རྣམ་པར་བཟློག་པ་དང་། གཞན་གྱི་སེམས་ཀྱི་རྒྱུད་དགའ་བར་བྱེད་པ་ལ་རབ་ཏུ་དགོད་པ་དང་། ལྟ་བའི་དྲ་བ་ཐམས་ཅད་ལས་འཇིག་རྟེན་རབ་
D44.037.0354a05.01ཏུ་གདོན་པ་དང་། ཡིད་གཉིས་ཀྱི་ར་བ་ཐམས་ཅད་རྣམ་པར་གཏོར་བ་དང་། ཐེ་ཙོམ་གྱི་སྤོ་ཐམས་ཅད་ཡང་རབ་ཏུ་གཞོམ་པ་དང་། ནེམ་ནུར་དང་སོམ་ཉིའི་རབ་རིབ་ཡོངས་སུ་བསྩལ་བ་དང་། ཆོས་རྣམ་པར་དབྱེ་བའི་འཇིག་རྟེན་དུ་རབ་ཏུ་དབྱེ་
D44.037.0354a06.01བ་དང་། རྐྱེན་ལས་བྱུང་བ་རབ་ཏུ་བརྗོད་པ་དང་། རང་བཞིན་གྱིས་བདེན་པའི་ཚུལ་ལ་སེམས་ཅན་རབ་ཏུ་དགོད་པ་དང་། སྒྲིབ་པ་ཐམས་ཅད་རྣམ་པར་བཟློག་པ་དང་། སྒྲིབ་པ་མེད་པའི་ཚུལ་ལ་གཟུང་བ་དང་། སངས་རྒྱས་ཀྱི་དོན་གྱི་ཚུལ་སྣ་ཚོགས་བརྗོད་
D44.037.0354a07.01