完整藏文原文 · 德格版页 当前仅加载第 37 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟར་མྱ་ངན་ལས་འདས་པའི་ས་དང་སྤྱོད་ཡུལ་དང་། ཡེ་ཤེས་ལ་སྤྱོད་ཅིང་རྟོག་པ་སྤྲོས་པ་ཐམས་ཅད་ཡོངས་སུ་ཆད་པ། སྤྱོད་པ་ཉེ་བར་གཟུང་བ་རྒྱུན་མི་འཆད་པས་སེམས་ཅན་ཐམས་ཅད་ཡང་དག་པར་གཟུང་བ་ལ་མཁས་པ། ཆོས་ཀྱི་ཚུལ་
D44.037.0142b01.01ལ་འཇུག་པར་བྱ་བ་མཐའ་དང་དབུས་མེད་པ་ལ་རབ་ཏུ་ཞུགས་པ། སེམས་ཅན་ཐམས་ཅད་ཀྱི་ལས་རྣམ་པར་སྨིན་པ་ཆུད་མི་ཟ་ཤིང་མི་དམིགས་པར་བརྟགས་ཤིང་དཔྱད་པ་ལ་ཤིན་ཏུ་མཁས་པ། སེམས་ཅན་ཐམས་ཅད་ཀྱི་བསམ་པ་དང་བག་ལ་ཉལ་
D44.037.0142b02.01བ་དང་། དབང་པོ་དང་། རྩོམ་པ་དང་སྦྱོར་བ་མཐོན་དམན་བརྟགས་ཅིང་དཔྱད་པ་ལ་རབ་ཏུ་མཁས་པ། འདས་པ་དང་མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་དོན་དང་ཚིག་དང་ཡི་གེ་གཟུང་ཞིང་བཅང་བ་དང་ཤེས་
D44.037.0142b03.01པར་བྱ་བ་དང་། མཉམ་པར་གཟུང་བ་དང་བརྟག་པར་བྱ་བ་ལ་ཤིན་ཏུ་མཁས་པ། འཇིག་རྟེན་དང་འཇིག་རྟེན་ལས་འདས་པའི་ཆོས་ཀྱི་ཚུལ་ལ་འཇུག་པར་བྱ་བ་མཐའ་དང་དབུས་མེད་པ་ལ་ཤིན་ཏུ་ཞུགས་པ། འདུས་བྱས་དང་། འདུས་མ་བྱས་
D44.037.0142b04.01དང་། དུས་རྣམ་པ་ཐ་དད་པའི་ཚུལ་བརྟག་པ་ལ་རབ་ཏུ་མཁས་པ། འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་དཀྱིལ་འཁོར་སྐད་ཅིག་གཅིག་གིས་དེ་མ་ཐག་ཏུ་རབ་ཏུ་ཐོབ་པ་ལ་རྣམ་པར་སྤྱོད་
D44.037.0142b05.01པ་སེམས་ཀྱི་སྐད་ཅིག་རེ་རེ་ལ་མངོན་པར་རྫོགས་པར་བྱང་ཆུབ་པ་ཡང་དག་པར་སྟོན་པ། སེམས་ཅན་ཐམས་ཅད་ཀྱི་སེམས་བསྐྱེད་པ་དང་མི་འབྲལ་བར་བྱང་ཆུབ་ཏུ་རྣམ་པར་འཚང་རྒྱ་བ་སེམས་ཅན་གཅིག་གི་སེམས་ཀྱི་དམིགས་པ་ལ་ཞུགས་པས་སེམས་ཅན་
D44.037.0142b06.01མ་ལུས་པ་ཐམས་ཅད་ཀྱི་སེམས་ཀྱི་དམིགས་པ་ལ་མཁས་པར་ཁོང་དུ་ཆུད་པ་རང་འབྱུང་གི་ཡེ་ཤེས་དང་ས་མངོན་དུ་གྱུར་པ་ལས་མི་ཉམས་པའི་བྱང་ཆུབ་སེམས་དཔའི་ལུས་དང་ལྡན་པ། ཐམས་ཅད་མཁྱེན་པའི་ས་ཐོབ་ཀྱང་རྒྱུན་མི་འཆད་པའི་
D44.037.0142b07.01