完整藏文原文 · 德格版页 当前仅加载第 37 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
ཁོང་དུ་ཆུད་པར་བྱ་སྟེ། ཀྱེ་རྒྱལ་བའི་སྲས་དེ་ལྟར་དེ་དག་ལ་{སྩོགས་,སོགས་}པ་མངོན་པར་བསྒྲུབས་པ་ཐ་དད་པ་ཤིན་ཏུ་བསྟན་པ་བརྒྱ་སྟོང་མང་པོས། བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་
D44.037.0109a01.01ཡང་དག་པར་རྫོགས་པའི་སངས་རྒྱས་རྣམས་ཀྱི་གསུང་བརྗོད་པ་ཁོང་དུ་ཆུད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དོན་འདི་ཉིད་ཡང་བརྟག་པའི་ཕྱིར་ཚིགས་སུ་བཅད་པ་འདི་དག་སྨྲས་སོ། །འཇིག་རྟེན་
D44.037.0109a02.01འཇིག་པར་འགྱུར་ཚེ་གཞལ་མེད་སྒྲ་དབྱངས་བཞི། །སེམས་ཅན་དགེ་བའི་འབྲས་བུས་བར་སྣང་མཁའ་ལས་འབྱུང་། །བསམ་གཏན་བཞི་ནི་ཞི་བ་སྡུག་བསྔལ་མེད་པ་ཡོད། །དེ་སྐད་སྒྲ་ཐོས་འདོད་པའི་ཁམས་རྣམས་རྣམ་པར་སྤོང་། །དེ་བཞིན་སྟོབས་
D44.037.0109a03.01བཅུ་མངའ་གསུང་དམ་པ་ཚད་མེད་པ། །སེམས་ཅན་དོན་དུ་ཆོས་དབྱིངས་རྣམ་པར་བཀང་ཞིང་འབྱུང་། །དེས་ནི་སྲིད་པའི་མཚོ་ལས་འདའ་ཞིང་རྒལ་བར་འགྱུར། །བདེ་གཤེགས་གསུང་དེ་སྐུ་ལ་མེད་དེ་ཐུགས་ལ་མིན། །རི་དང་བྲག་དང་ལུང་སུལ་
D44.037.0109a04.01གནས་པའི་སྒྲ་བརྙན་ནི། །མི་ཡི་སྒྲ་བཞིན་སྒྲ་བརྙན་ཐམས་ཅད་རབ་ཏུ་བརྗོད། །གཞན་གྱི་སྒྲ་ཕྱུང་རྣམ་པར་དམིགས་པས་སྒྲ་དེ་འབྱུང་། །དེ་ལ་སྒྲ་རྟོག་རྣམ་པ་ཀུན་ཏུ་ཡོད་མ་ཡིན། །སྟོབས་བཅུ་མངའ་བའི་གསུང་དབྱངས་ཆོས་ཉིད་རྣམ་མི་རྟོག །གཞན་
D44.037.0109a05.01གྱི་སྤྱོད་དང་དབང་པོ་ཡོངས་སུ་སྨིན་པས་འབྱུང་། །སེམས་ཅན་མང་པོ་འདུལ་ཞིང་བསམ་པ་དགའ་བར་མཛད། །སྟོབས་བཅུ་མངའ་བ་རྣམས་ལ་རློམ་སེམས་བསྐྱོད་མི་མངའ། །ཇི་ལྟར་རྔ་ཆེན་ཆོས་ལ་བསྐུལ་བའི་སྒྲ་ལྡན་པ། །གང་ཚེ་ལྷ་རྣམས་འདོད་
D44.037.0109a06.01ལ་ཞེན་ཅིང་བག་མེད་པ། །དེ་ཚེ་མཁའ་ཡི་དབྱིངས་ལས་ཆོས་ཀྱི་སྒྲ་སྟོན་ཏེ། །སྒྲ་དེ་ཐོས་ཤིང་ལྷ་རྣམས་བག་ཡོད་སྤྱོད་པར་འགྱུར། །དེ་བཞིན་སྟོབས་བཅུ་མངའ་བའི་ཆོས་སྒྲ་ལྡན་པའི་རྔ། །ཕྱོགས་བཅུ་ཀུན་ཏུ་སེམས་ཅན་ཡང་དག་རབ་ཏུ་བསྐུལ། །
D44.037.0109a07.01