完整藏文原文 · 德格版页 当前仅加载第 37 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པ་ཐོབ་པས་ངོ་མཚར་འདུ་ཤེས་གནས་པ་རྣམས། །སྤྱོད་པ་མཆོག་དང་ལྡན་ཞིང་བྱམས་པའི་རྗེས་སོང་བརྩོན་འགྲུས་བརྟན་པས་རྣམ་གནོན་ཅིང་། །ཚུལ་ཁྲིམས་{མྱི་,མི་}གཡོ་དབུགས་ཕྱིན་དེ་དག་འགྲོ་བ་ཐམས་ཅད་ཡོངས་སུ་སྨིན་པར་བྱེད། །ལུང་བསྟན་རབ་ཏུ་ཐོབ་
D44.037.0271b01.01ནས་རྒྱལ་སྲས་རྣམས་ཀྱི་སྤྱོད་པ་ཚུལ་བཞིན་ཐོབ་པར་བྱེད། །སངས་རྒྱས་ཡོན་ཏན་དག་ལ་ཞུགས་ཀྱང་སེམས་ཅན་སེམས་དང་ཞིང་ལ་སེམས་པ་བྱེད། །བསྐལ་པའི་དུས་ལ་འཇུག་པའི་ཡེ་ཤེས་ལྡན་ཞིང་མཁས་པ་སྐྱོ་བའི་འདུ་ཤེས་{མྱེད,མེད}། །གཟུངས་ཀྱི་ཚུལ་
D44.037.0271b02.01དང་ཡང་དག་ཐ་དད་སྟོབས་རྣམས་ཐོབ་ཅིང་ཡང་དག་དོན་གྱིས་རྒལ། །བསྟན་པ་མཚུངས་{མྱེད་,མེད་}སེམས་ཀྱིས་མཁས་པ་བྱང་ཆུབ་ཞི་བ་རྣམ་པར་འཚང་ཡང་རྒྱ། །སེམས་ཀྱི་སྤྱོད་པ་ཐམས་ཅད་བཟང་པོའི་ཡོན་ཏན་སྤྱོད་པའི་མཆོག་ཏུ་སྨོན་པར་བྱེད། །སྙིང་རྗེའི་རྐྱེན་དང་
D44.037.0271b03.01བྱམས་པ་མཆོག་སྟེན་བྱང་ཆུབ་དམ་པ་སྤྱོད་པར་བྱེད་དང་ལྡན། །བརྩོན་པས་ཕ་རོལ་ཕྱིན་རྟོགས་རབ་ཏུ་མཁས་ཤིང་སྐྱོ་བའི་ཕ་རོལ་ཕྱིན་གྱུར་པས། །ཁྱུ་མཆོག་མོས་དང་རབ་ཏུ་རྟོགས་པའི་སྟོབས་ཐོབ་བྱང་ཆུབ་དམ་པ་མངོན་འཚང་རྒྱ། །མཉམ་པ་ཉིད་ཀྱིས་མཉམ་པ་ཐོབ་
D44.037.0271b04.01ཅིང་ཡེ་ཤེས་ཚུལ་གྱིས་ཆོས་མཆོག་སྟོན་བྱེད་པ། །ཡོན་ཏན་ཐོབ་བྱེད་སྤོབས་དང་ལྡན་པ་དེ་དག་ཆོས་ཀྱི་དབང་ཕྱུག་མཆོག་ཏུ་འགྱུར། །དབང་ལ་གནས་ཀྱང་གནས་པ་{མྱེད་,མེད་}པས་མཉམ་པ་{མྱེད་,མེད་}པའི་སེམས་ཀྱི་འབྲུག་སྒྲ་སྒྲོག །ཡེ་ཤེས་མཆོག་དང་དེ་བཞིན་སྤྲུལ་
D44.037.0271b05.01པ་སྒྲུབ་ཅིང་བྱང་ཆུབ་ཉེ་བར་འགྲོ། །མཁས་པ་དེ་དག་བསྐལ་པ་འབྱམ་ཀླས་བྱིན་རླབས་ཤེས་པས་དབུགས་ཕྱིན་རབ་ཏུ་འཐོབ། །ཟབ་ལ་གནས་པས་བརྟན་པར་འགྲོ་ན་གནས་ཤིང་ནེམ་ནུར་བསྩལ་བས་མཁས་པ་རྣམས། ཡེ་ཤེས་བསམ་གྱིས་མི་
D44.037.0271b06.01ཁྱབ་ཆོས་ཀྱི་དགོངས་པ་མཁས་ཤིང་རྣམ་ཕྱེ་ཕ་རོལ་ཕྱིན། །སྙོམས་པར་འཇུག་པའི་ཡེ་ཤེས་ཡུལ་ལ་ཞུགས་ནས་ཐམས་ཅད་མཁྱེན་པར་འཚང་ཡང་རྒྱ། །ཡེ་ཤེས་རྣམ་ཐར་ཀུན་གྱི་ཕ་རོལ་ཕྱིན་ཅིང་མངོན་པར་ཤེས་པས་རྣམས་པར་རྩེན། །རིག་པའི་སྣང་
D44.037.0271b07.01