完整藏文原文 · 德格版页 当前仅加载第 37 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་མངའ་ཆེ་བ་སྟེ། དེ་ལ་ཆོས་ཐམས་ཅད་མངོན་པར་སངས་མ་རྒྱས་པ་གང་ཡང་མེད་ལ། གང་མངོན་པར་སངས་རྒྱས་པ་གང་ཡང་མེད་ལ། གང་གིས་མངོན་པར་སངས་
D44.037.0015b01.01རྒྱས་པའང་མེད་དེ། །མངོན་པར་འཚང་རྒྱ་བར་འགྱུར་བ་མེད་ཀྱང་སློབ་པའི་ས་ལ་གནས་ཤིང་། མངོན་པར་འཚང་རྒྱ་བར་ཡང་མི་བརྗོད་པ་དང་། སངས་རྒྱས་ཀྱི་ཆོས་ཐམས་ཅད་ཀྱང་བསྒྲིབས་པ་མེད་པར་རྟོགས་པར་ཐུགས་སུ་ཆུད་པས་
D44.037.0015b02.01སེམས་ཅན་ཐམས་ཅད་གདུལ་བའི་དོན་དུ་ཡེ་ཤེས་ཚད་མེད་པའི་ཚུལ་གྱིས་སངས་རྒྱས་ཀྱི་རྣམ་པར་འཕྲུལ་པ་ཆེན་པོའི་ཡུལ་ཡོངས་སུ་རྒྱུན་མི་གཅོད་པ་འདི་ནི། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མངའ་ཆེན་པོས་མངའ་
D44.037.0015b03.01བསྒྱུར་བའི་ཆོས་བདུན་པའོ། །སངས་རྒྱས་བཅོམ་ལྡན་འདས་རྣམས་ནི་སྤྱན་གྱི་སྐྱེ་མཆེད་ཀྱིས་སངས་རྒྱས་ཀྱི་ཕྲིན་ལས་གང་བསྒྲུབ་པ་དེ་སྙན་གྱི་སྐྱེ་མཆེད་ཀྱིས་ཡོངས་སུ་གྲུབ་པར་མཛད་དོ། །སྙན་གྱི་སྐྱེ་མཆེད་ཀྱིས་སངས་རྒྱས་ཀྱི་ཕྲིན་ལས་
D44.037.0015b04.01གང་བསྒྲུབ་པ་དེ་ཤངས་ཀྱི་སྐྱེ་མཆེད་ཀྱིས་ཡོངས་སུ་གྲུབ་པར་མཛད་དོ། །ཤངས་ཀྱི་སྐྱེ་མཆེད་ཀྱིས་སངས་རྒྱས་ཀྱི་ཕྲིན་ལས་གང་བསྒྲུབ་པ་དེ་ལྗགས་ཀྱི་སྐྱེ་མཆེད་ཀྱིས་ཡོངས་སུ་གྲུབ་པར་མཛད་དོ། །ལྗགས་ཀྱི་སྐྱེ་མཆེད་ཀྱིས་སངས་རྒྱས་
D44.037.0015b05.01ཀྱི་ཕྲིན་ལས་གང་བསྒྲུབ་པ་དེ་ནི་སྐུའི་སྐྱེ་མཆེད་ཀྱིས་ཡོངས་སུ་གྲུབ་པར་མཛད་དོ། །སྐུའི་སྐྱེ་མཆེད་ཀྱིས་སངས་རྒྱས་ཀྱི་ཕྲིན་ལས་གང་བསྒྲུབ་པ་དེ་ཐུགས་ཀྱི་སྐྱེ་མཆེད་ཀྱིས་ཡོངས་སུ་གྲུབ་པར་མཛད་དོ། །ཐུགས་ཀྱི་སྐྱེ་མཆེད་ཀྱིས་སངས་རྒྱས་ཀྱི་
D44.037.0015b06.01ཕྲིན་ལས་གང་བསྒྲུབ་པ་དེ་འཇིག་རྟེན་གྱི་ཁམས་མ་ལུས་པ་ཐམས་ཅད་ཀྱི་དམིགས་པ་འཇིག་རྟེན་པ་དང་། འཇིག་རྟེན་ལས་འདས་པ་སྣ་ཚོགས་རྣམ་པར་ཕྱེ་བ་ཐམས་ཅད་དུ་གྲུབ་པར་མཛད་དོ། །དེ་བཞིན་དུ་དམིགས་པ་ཐམས་ཅད་རེ་རེ་ཡང་སྣྲེལ་
D44.037.0015b07.01