完整藏文原文 · 德格版页 当前仅加载第 37 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོགས་པ་མེད་ཅིང་དོན་ཡོད་པས་ཡོངས་སུ་དག་པའི་བརྩོན་འགྲུས་དང་། འདོད་ཆགས་དང་ཞེ་སྡང་དང་གཏི་མུག་དང་འདོད་པའི་འཁྲུག་པ་དང་། ཉོན་མོངས་པ་དང་ལྟ་བ་དང་། ཀུན་ནས་བསྐོར་བ་དང་། སྒྲིབ་པ་དང་བར་དུ་གཅོད་པ་ཡོངས་སུ་ཆད་པའི་ཕྱིར། བདུད་ཀྱི་
D44.037.0237b01.01སྒྲ་ཐམས་ཅད་དང་བྲལ་བ་ཡོངས་སུ་དག་པའི་བརྩོན་འགྲུས་དང་། ཤེས་པ་དང་རབ་ཏུ་ཤེས་པ་དང་། ཤིན་ཏུ་ཁོང་དུ་ཆུད་པ་དང་། ལེགས་པར་བྱས་པས་འགྱོད་པ་མེད་པར་བརྩམས་པ་ཐམས་ཅད་མཐར་ཕྱིན་པར་བྱ་བ་དང་། སངས་རྒྱས་ཀྱི་ཆོས་
D44.037.0237b02.01མ་འདྲེས་པ་རབ་ཏུ་འཐོབ་པར་བྱ་བའི་ཕྱིར། ཡེ་ཤེས་སྣང་བ་ཡོངས་སུ་བསྒྲུབས་པས་ཡོངས་སུ་དག་པའི་བརྩོན་འགྲུས་དང་སེམས་ཀྱི་འཛིན་པ་དང་། ཡོངས་སུ་འཛིན་པ་ཐམས་ཅད་སྤངས་པས་ལུས་དང་ངག་དང་སེམས་ཀྱིས་བརྩམས་པ་མཚན་དང་མཚན་མ་མེད་
D44.037.0237b03.01པ་མཉམ་པས། སྒོ་ཀུན་དང་ལྡན་པའི་ཆོས་ཀྱི་དབྱིངས་ཤིན་ཏུ་རྟོགས་ཤིང་ཇི་ལྟ་བ་བཞིན་དུ་ཤེས་པས་ཁོང་དུ་ཆུད་པའི་ཕྱིར་བླང་བ་མེད་པ་དང་། དོར་བ་མེད་པས་ཡོངས་སུ་དག་པའི་བརྩོན་འགྲུས་དང་། །ས་དང་ས་མ་ཡིན་པ་ལས་ཡང་དག་པར་འདས་ཏེ།
D44.037.0237b04.01སངས་རྒྱས་ཐམས་ཅད་ཀྱིས་དབང་བསྐུར་བ་ཡང་དག་པར་མནོད་པ་དང་། སངས་རྒྱས་ཐམས་ཅད་ཀྱི་སྐུ་ཟག་པ་མེད་པ་དང་། འཆི་འཕོ་དང་སྐྱེ་བ་དང་འབྱུང་བ་དང་། རྣམ་པར་འཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་
D44.037.0237b05.01འདའ་བ་ཆེན་པོ་ཡོངས་སུ་བསྟན་པ་དང་། ཀུན་ཏུ་བཟང་པོའི་རྣམ་པ་ཡོངས་སུ་རྫོགས་པའི་ཕྱིར་ཆོས་ཀྱི་སྣང་བ་ཡོངས་སུ་རྫོགས་པས་ཡོངས་སུ་དག་པའི་བརྩོན་འགྲུས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བརྩོན་འགྲུས་ཡོངས་སུ་དག་པ་སྟེ།
D44.037.0237b06.01དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་བརྩོན་འགྲུས་ཆེན་པོ་བླ་ན་མེད་པ་ཡོངས་སུ་དག་པ་འཐོབ་པར་འགྱུར་བ་དག་གོ། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ཉི་ཤུ་གཅིག་པ།
D44.037.0237b07.01