sangs rgyas phal po che zhes bya ba shin tu rgyas pa chen po'i mdo/
当前为德格木刻版 378a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 378a
- 可引用原文
- 7 行
- 全文规模
- 全经 21606 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 37 函 · 德格 378a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁོ་བོ་ནི་བྱང་ཆུབ་སེམས་དཔའི་རྣམ་པར་ཐར་པ་གཞན་གྱི་མི་ཐུབ་པའི་རྒྱལ་མཚན་ཐོབ་པའོ། །ནོར་{བཟངས་ཀྱིས་,བཟང་གིས་}སྨྲས་པ། བྱང་ཆུབ་སེམས་དཔའི་རྣམ་པར་ཐར་པ་གཞན་གྱིས་མི་ཐུབ་པ་འདིའི་ཡུལ་ཇི་ལྟ་བུ་ཞིག་མཆིས། །དེ་ནས་དྲང་སྲོང་འཇིགས་མཆོག་དབྱངས་ཀྱིས་ལག་པ་གཡས་པ་བརྐྱང་སྟེ། ཚོང་དཔོན་གྱི་བུ་ནོར་{བཟངས་ཀྱི་,བཟང་གི་}མགོ་ལ་བྱུགས་ནས་ལག་པ་གཡས་པས་བཟུང་ངོ་། །ཚོང་དཔོན་གྱི་བུ་ནོར་{བཟངས་,བཟང་}ལ་དྲང་སྲོང་
འཇིགས་མཆོག་དབྱངས་ཀྱིས་ལག་པ་གཡས་པས་བཟུང་མ་ཐག་ཏུ་དེའི་མོད་ལ་ཚོང་དཔོན་གྱི་བུ་ནོར་{བཟངས་ཀྱིས,བཟང་གིས}། ཕྱོགས་བཅུར་སངས་རྒྱས་ཀྱི་ཞིང་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སངས་རྒྱས་ཀྱི་ཞིང་མཐོང་བར་གྱུར་ཏེ། དེ་དག་གི་དེ་བཞིན་གཤེགས་པ་སངས་རྒྱས་ཀྱི་ཞིང་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཞབས་ཀྱི་དྲུང་ན་བདག་ཉིད་འདུག་པར་ཤེས་པར་གྱུར་ཏོ། །སངས་རྒྱས་ཀྱི་ཞིང་དེ་དག་ཀྱང་རྣམ་པ་གྲངས་མེད་པར་རྣམ་པར་དག་པའི་རྒྱན་དང་ལྡན་པར་མཐོང་ངོ་། །དེ་དག་ནའང་དེ་
བཞིན་གཤེགས་པའི་འཁོར་གྱི་དཀྱིལ་འཁོར་རྒྱ་མཚོ་ཁ་དོག་སྣ་ཚོགས་ཅན་རྒྱན་རྣམ་པ་ཐ་དད་པ་དང་ལྡན་པ་དག་འཁོད་པ་མཐོང་ངོ་། །འཁོར་གྱི་དཀྱིལ་འཁོར་རྒྱ་མཚོ་དེ་དག་ན་འང་དེ་བཞིན་གཤེགས་པའི་སྐུ་མཚན་དང་དཔེ་བྱད་བཟང་པོ་འབར་བས་བརྒྱན་པ་དག་བཞུགས་པ་མཐོང་ངོ་། །དེ་དག་ལས་ཀྱང་ཚིག་དང་ཡི་གེ་གཅིག་ལས་ཀྱང་ཕྱིར་ཕྱོགས་པ་མེད་པར་ཆོས་བསྟན་པ་ཉན་ཏོ། །དེ་བཞིན་གཤེགས་པའི་ཆོས་ཀྱི་འཁོར་ལོ་དེ་དག་ཀྱང་ཕན་ཚུན་མ་འདྲེས་པར་ཡང་དག་པར་འཛིན་ཏོ། །ཆོས་ཀྱི་
སྤྲིན་གྱི་ཆར་སེམས་ཅན་གྱི་བསམ་པ་སྣ་ཚོགས་ལ་འབབ་པ་དེ་དག་ཀྱང་ཡང་དག་པར་འཛིན་ཏོ། །དེ་བཞིན་གཤེགས་པ་དེ་དག་གི་སྔོན་གྱི་སྨོན་ལམ་མོས་པ་སྣ་ཚོགས་ཀྱི་སྟོབས་ཀྱིས་རྣམ་པར་སྦྱངས་པ་རྒྱ་མཚོ་ལ་ཡང་ཞུགས་སོ། །སངས་རྒྱས་ཀྱི་ཡང་དག་པར་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D44
- 德格版页
- 378a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0044 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。