完整藏文原文 · 德格版页 当前仅加载第 37 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
སྲས་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱོད་པ་ཡང་ཡོངས་སུ་རྫོགས་ལ་སེམས་ཅན་ཐམས་ཅད་ཀྱི་དོན་དུ་འགྱུར་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་མི་རྒྱ་ཞིང་ཇི་སྲིད་ཇི་སྲིད་དུ་འཁོར་བ་དེ་སྲིད་དེ་སྲིད་
D44.037.0179a01.01དུ་སེམས་ཅན་གྱི་དོན་གྱི་ཕྱི་ཕྱིར་ཞིང་ཚད་མེད་པ་བྱ་བར་འགྱུར་རོ། །སངས་རྒྱས་ཀྱི་བྱང་ཆུབ་ཏུ་དགོད་པར་འགྱུར་རོ། །སྙམ་པ་འདི་ནི་བྱང་ཆུབ་སེམས་དཔའི་གནས་མཚུངས་པ་མེད་པ་བཅུ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་
D44.037.0179a02.01སེམས་དཔའི་གནས་མཚུངས་པ་མེད་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་ལ་ཡེ་ཤེས་ཆེན་པོ་མཚུངས་པ་མེད་པས་གནས་པ་བླ་ན་མེད་པ་འཐོབ་པར་འགྱུར་བ་དག་གོ། །།སངས་རྒྱས་
D44.037.0179a03.01རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཅུ་དྲུག་པ། ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་བྱང་ཆུབ་ཏུ་ཞུམ་པ་མེད་པའི་སེམས་བསྐྱེད་པ་སྟེ། བཅུ་གང་ཞེ་ན། ཀྱེ་རྒྱལ་བའི་
D44.037.0179a04.01སྲས་འདི་ལ་བྱང་ཆུབ་སེམས་དཔས་འདི་ལྟར་བདུད་དང་བདུད་ཀྱི་རིས་ཀྱི་ལྷ་ཐམས་ཅད་རབ་ཏུ་འཕམ་པར་བྱའོ། །སྙམ་སྟེ་ཞུམ་པ་མེད་པའི་སེམས་བསྐྱེད་པ་དང་། མུ་སྟེགས་ཅན་གཞན་དང་། ཕས་ཀྱི་རྒོལ་བ་ཐམས་ཅད་ཆོས་དང་མཐུན་པར་ཚར་གཅད་དོ་སྙམ་སྟེ། ཞུམ་
D44.037.0179a05.01པ་མེད་པའི་སེམས་བསྐྱེད་པ་དང་། ལེགས་པར་བཤད་པས་སེམས་ཅན་ཀྱི་ཁམས་ཐམས་ཅད་ཚིམ་པར་བྱའོ་སྙམ་སྟེ། ཞུམ་པ་མེད་པའི་སེམས་བསྐྱེད་པ་དང་། ཆོས་ཀྱི་དབྱིངས་ཡོངས་སུ་རྫོགས་པར་བྱ་བས་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བ་
D44.037.0179a06.01ཐམས་ཅད་ཡོངས་སུ་རྫོགས་པར་བྱའོ་སྙམ་སྟེ། ཞུམ་པ་མེད་པའི་སེམས་བསྐྱེད་པ་དང་། འགྲོ་བ་ཐམས་ཅད་ཀྱི་བསོད་ནམས་ཀྱི་ཕུང་པོ་ཡོངས་སུ་རྫོགས་པར་བྱ་བ་ཡོངས་སུ་རྫོགས་པར་བྱའོ། །ཡང་དག་པར་བསྡུ་བར་བྱའོ། །སྙམ་སྟེ་ཞུམ་པ་མེད་པའི་
D44.037.0179a07.01