完整藏文原文 · 德格版页 当前仅加载第 37 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་དེ་ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་འབྱུང་བའི་བཏང་སྙོམས་དང་། དེ་བཞིན་གཤེགས་པའི་ཆོས་ཐམས་ཅད་རབ་ཏུ་རྟོགས་པའི་བཟོད་པ་དང་དེས་པའི་དབང་དང་ལྡན་པའི་ཕྱིར་ཏེ། འདི་ནི་བླ་ན་མེད་པ་ཡང་དག་
D44.037.0181b01.01པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་ལྔ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་བསོད་ནམས་ཀྱིས་དབང་བསྒྱུར་བ་ཆེན་པོ་དང་ལྡན་པ་ཡིན་ཏེ། ལྷ་ལ་དབང་བསྒྱུར་བ་དང་། མི་ལ་དབང་བསྒྱུར་བ་དང་།
D44.037.0181b02.01གཟུགས་ལ་དབང་བསྒྱུར་བ་དང་། སྟོབས་ལ་དབང་བསྒྱུར་བ་དང་། འཁོར་ལ་དབང་བསྒྱུར་བ་དང་འདོད་པ་ལ་དབང་བསྒྱུར་བ་དང་། རྒྱལ་སྲིད་ལ་དབང་བསྒྱུར་བ་དང་། དབང་ཕྱུག་ལ་དབང་བསྒྱུར་བ་དང་། ཡོན་ཏན་ལ་དབང་བསྒྱུར་བ་དང་། ཤེས་རབ་ལ་དབང་
D44.037.0181b03.01བསྒྱུར་བ་ཆེན་པོ་དང་ལྡན་པ་ཡིན་ཏེ། དེ་རྒྱལ་སྲིད་ཀྱི་བདེ་བའི་དབང་དུ་མི་འགྱུར། །འདོད་པའི་བདེ་བའི་དབང་དུ་མི་འགྱུར། ལོངས་སྤྱོད་ཀྱི་བདེ་བའི་དབང་དུ་མི་འགྱུར། །འཁོར་གྱི་བདེ་བའི་དབང་དུ་མི་འགྱུར་ཏེ། གཞན་དུ་ན་ཆོས་འདོད་པ་ཆོས་ལ་གཞོལ་བ་ཆོས་ལ་འབབ་
D44.037.0181b04.01པ། ཆོས་ཀྱི་མཐར་ཐུག་པ། ཆོས་ལ་བརྟེན་པ་ཆོས་ལ་སྐྱབས་ཚོལ་བ། ཆོས་ལ་དཔུང་གཉེན་ཚོལ་བ་ཆོས་ལ་གནས་པ། ཆོས་ལ་དོན་དུ་གཉེར་བ་ཆོས་ལ་མངོན་པར་དགའ་བ། ཆོས་ལ་ཚོལ་བ་ཡིན་ཏེ། ཆོས་ཉིད་ལ་བསམ་གཏན་འཆའ་ཞིང་
D44.037.0181b05.01གནས་པ་ཡིན་ཏེ། རྣམ་པ་དེ་ལྟ་བུའི་བདེ་བའི་བྱེ་བྲག་དང་འགྲོགས་པས་བདུད་ཀྱི་ཡུལ་ལ་གནས་པ་མ་ཡིན། ཀྱེ་རྒྱལ་བའི་སྲས་དེ་ཡང་ཅིའི་ཕྱིར་ཞེ་ན། དེ་ནི་བྱང་ཆུབ་སེམས་དཔས་སྔོན་སེམས་ཅན་ཐམས་ཅད་བདག་གིས་བདུད་ཀྱི་ཡུལ་ལས་
D44.037.0181b06.01རྣམ་པར་བཟློག་པར་བྱའོ། །སངས་རྒྱས་ཀྱི་ཡུལ་ལ་དགོད་པར་བྱའོ། །ཞེས་སེམས་བསྐྱེད་པའི་ཕྱིར་ཏེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་དྲུག་པའོ། །ཀྱེ་རྒྱལ་བའི་སྲས་གཞན་ཡང་
D44.037.0181b07.01