完整藏文原文 · 德格版页 当前仅加载第 37 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཐ་མི་དད་པ་ཕུན་སུམ་ཚོགས་པར་གྱུར་ཅིག །ཕུན་སུམ་ཚོགས་པར། འགྱུར་རམ་འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག་ཅེས་བྱའོ། །ཀྱེ་རྒྱལ་བའི་སྲས་བཅུ་པོ་དེ་དག་
D44.037.0194b01.01ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་ཡོངས་སུ་བསྔོ་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དགེ་བའི་རྩ་བ་ཡོངས་སུ་བསྔོ་བ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི།
D44.037.0194b02.01བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཁོང་དུ་ཆུད་པ་སྟེ། བཅུ་གང་ཞེ་ན། འདི་ལྟར་གཏོང་བའི་སེམས་ཀྱིས་རྣམ་པར་འཕྲུལ་པའི་ཡེ་ཤེས་ཁོང་དུ་ཆུད་པ་དང་། སངས་རྒྱས་ཀྱི་ཆོས་ཐམས་ཅད་ལ་མོས་པའི་ཡེ་ཤེས་ཁོང་དུ་ཆུད་པ་
D44.037.0194b03.01དང་། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་མཐའ་དང་དབུས་མེད་པ་ལ་འཇུག་པའི་ཡེ་ཤེས་ཁོང་དུ་ཆུད་པ་དང་། དྲིས་པ་ཐམས་ཅད་ཀྱི་ཐེ་ཙོམ་གཅོད་པའི་ཡེ་ཤེས་ཁོང་དུ་ཆུད་པ་དང་། དོན་ཤེས་པ་ལ་འཇུག་པའི་ཡེ་ཤེས་ཁོང་དུ་
D44.037.0194b04.01ཆུད་པ་དང་། དེ་བཞིན་གཤེགས་པ་ཐམས་ཅད་ཀྱི་གསུང་ལ་མཁས་པས། སངས་རྒྱས་ཀྱི་ཆོས་ཐམས་ཅད་ལ་ཡིད་ཆེས་པར་འཇུག་པའི་ཡེ་ཤེས་ཁོང་དུ་ཆུད་པ་དང་། སངས་རྒྱས་ལ་བསྐྱེད་པའི་དགེ་བའི་རྩ་བ་ཆུང་ཡང་རུང་སྟེ། ཐམས་
D44.037.0194b05.01ཅད་དེ་བཞིན་གཤེགས་པའི་ཡེ་ཤེས་ཚད་མེད་པར་འགྱུར་བར་ཡིད་ཆེས་པར་བྱས་ཤིང་། ཆོས་དཀར་པོ་ཐམས་ཅད་ཡོངས་སུ་རྫོགས་པར་བྱེད་པའི་ཡེ་ཤེས་ཁོང་དུ་ཆུད་པ་དང་། བྱང་ཆུབ་སེམས་དཔའི་རྣམ་པར་སྤྱོད་པ་བསམ་གྱིས་མི་ཁྱབ་
D44.037.0194b06.01པ་ཡོངས་སུ་རྫོགས་པར་བྱ་བའི་ཡེ་ཤེས་ཁོང་དུ་ཆུད་པ་དང་། སེམས་ཀྱི་སྐད་ཅིག་གཅིག་གིས་སངས་རྒྱས་ཀྱི་ཞིང་བརྗོད་དུ་མེད་པར་འགྲོ་ཞིང་གནས་པར་བྱ་བའི་ཕྱིར། སེམས་ཀྱི་སྐད་ཅིག་གི་ཡེ་ཤེས་ཁོང་དུ་ཆུད་པ་དང་། སངས་རྒྱས་
D44.037.0194b07.01