完整藏文原文 · 德格版页 当前仅加载第 37 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཞེ་ན། འདི་ལྟར་སེམས་ཅན་ཐམས་ཅད་ཀྱི་ལུས་རང་གི་ལུས་སུ་བྱིན་གྱིས་རློབ་ཅིང་། མོས་པར་བྱེད་པ་ལ་འཇུག་པའི་རྣམ་པར་འཕྲུལ་པ་དང་། རང་གི་ལུས་སེམས་ཅན་ཐམས་ཅད་ཀྱི་ལུས་ཀྱི་འདུ་ཤེས་སུ་བྱིན་གྱིས་རློབ་
D44.037.0198b01.01པའི་རྣམ་པར་འཕྲུལ་པ་དང་། སངས་རྒྱས་ཐམས་ཅད་ཀྱི་སྐུ་སངས་རྒྱས་གཅིག་གི་སྐུར་མོས་ཤིང་འཇུག་པའི་རྣམ་པར་འཕྲུལ་པ་དང་། སངས་རྒྱས་གཅིག་གི་སྐུ་སངས་རྒྱས་མ་ལུས་པ་ཐམས་ཅད་ཀྱི་སྐུར་འཇུག་ཅིང་གཞན་ལ་ཡོངས་
D44.037.0198b02.01སུ་སྟོན་པའི་རྣམ་པར་འཕྲུལ་པ་དང་། ཞིང་ཐམས་ཅད་དུ་ནམ་མཁའ་བྱིན་གྱིས་རློབ་པའི་རྣམ་པ་འཕྲུལ་པ་དང་། དུས་གསུམ་ཐམས་ཅད་ཆོས་ཀྱི་སྐུ་གཅིག་གིས་ཡོངས་སུ་རྒྱས་པར་སེམས་ཅན་ལ་སྟོན་པའི་རྣམ་པར་འཕྲུལ་
D44.037.0198b03.01དང་། ལུས་གཅིག་ཏུ་ཏིང་ངེ་འཛིན་ལ་མཉམ་པར་བཞག་ཅིང་ལུས་མཐའ་ཡས་པ་ལས་རྣམ་པར་ལྡང་བའི་རྣམ་པར་འཕྲུལ་པ་དང་། ལུས་གཅིག་གིས་མངོན་པར་སངས་རྒྱས་ཤིང་སེམས་ཅན་སྙེད་ཀྱི་ལུས་སུ་ཡོངས་སུ་སྟོན་པའི་རྣམ་
D44.037.0198b04.01པར་འཕྲུལ་པ་དང་། སེམས་ཅན་ཐམས་ཅད་ཀྱི་ལུས་སེམས་ཅན་གཅིག་གི་ལུས་སུ་སྟོན་པའི་རྣམ་པར་འཕྲུལ་པ་དང་། སེམས་ཅན་ཐམས་ཅད་ཀྱི་ལུས་ཆོས་ཀྱི་སྐུར་སྟོན་ཅིང་། ཆོས་ཀྱི་སྐུ་སེམས་ཅན་གྱི་ལུས་སུ་སྟོན་པའི་རྣམ་པར་འཕྲུལ་པ་སྟེ།
D44.037.0198b05.01ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལུས་ལ་རྣམ་པར་འཕྲུལ་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྨོན་ལམ་ལ་རྣམ་པར་འཕྲུལ་པ་སྟེ། བཅུ་གང་ཞེ་ན། འདི་
D44.037.0198b06.01ལྟར་བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་རང་གི་སྨོན་ལམ་དུ་བྱིན་གྱིས་རློབ་པའི་རྣམ་པར་འཕྲུལ་པ་དང་། སངས་རྒྱས་ཐམས་ཅད་ཀྱི་རྫོགས་པའི་བྱང་ཆུབ་ཀྱི་སྨོན་ལམ་གྱི་སྟོབས་དང་། མཐུ་མངོན་པར་རྫོགས་པར་བྱང་ཆུབ་པར་ཡོངས་སུ་
D44.037.0198b07.01