完整藏文原文 · 德格版页 当前仅加载第 37 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་སྟེ། ཀྱེ་མ་གྲོགས་པོ་དག་བསམ་གཏན་གསུམ་པ་འདི་ནི་དགའ་བ་མེད་པས་ཤིན་ཏུ་བདེ་བ་སྟེ། གྱ་ནོམ་སྣང་བའི་ལྷ་ལས་ཡང་དག་པར་འདའ་བའི་རྒྱུར་འགྱུར་རོ། །སྒྲ་དེ་ཐོས་ནས་ཀྱང་སེམས་ཅན་རྣམས་བསམ་གཏན་གསུམ་པ་བསྒྲུབས་ཏེ།
D44.037.0100b01.01གྱ་ནོམ་སྣང་བའི་ལྷ་ལས་འདས་ནས་དགེ་རྒྱས་ཀྱི་ལྷ་དང་སྐལ་བ་མཉམ་པར་སྐྱེའོ། །དེ་ནས་ཆོས་ཉིད་རབ་ཏུ་ཐོབ་པས་སྒྲ་ཆེན་པོའི་དབྱངས་ཆེན་པོ་བཞི་པ་འབྱུང་སྟེ། ཀྱེ་མ་གྲོགས་པོ་དག་བསམ་གཏན་བཞི་པ་འདི་ནི་ཤིན་ཏུ་ཞི་བ་སྟེ། དགེ་རྒྱས་ཀྱི་ལྷ་
D44.037.0100b02.01ལས་ཡང་དག་པར་འདའ་བའི་རྒྱུར་འགྱུར་རོ། །སྒྲ་དེ་ཐོས་ནས་ཀྱང་སེམས་ཅན་རྣམས་བསམ་གཏན་བཞི་པ་བསྒྲུབས་ཏེ། དགེ་རྒྱས་ཀྱི་ལྷ་ལས་འདས་ནས་འབྲས་བུ་ཆེ་བའི་ལྷ་དང་སྐལ་བ་མཉམ་པར་སྐྱེའོ། །ཀྱེ་རྒྱལ་བའི་སྲས་དེ་ལྟར་འཇིག་རྟེན་
D44.037.0100b03.01གྱི་ཁམས་འཇིག་པར་འགྱུར་བའི་ཚེ། ཆོས་ཉིད་རབ་ཏུ་ཐོབ་པས། སྒྲ་ཆེན་པོའི་དབྱངས་ཆེན་པོ་དེ་བཞི་འབྱུང་བར་འགྱུར་ཏེ། དེ་ལ་བདག་པོའམ། རྗོད་པར་བྱེད་པ་གང་ཡང་མེད་མོད་ཀྱི། དེ་ལྟར་ཚད་མེད་པའི་ཡོན་ཏན་དང་ལྡན་པའི་སྒྲ་རྣམས་
D44.037.0100b04.01འབྱུང་བར་འགྱུར་རོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་གསུང་ལ་འང་བདག་པོ་གང་ཡང་མེད་དེ། རྗོད་པར་བྱེད་པ་མེད་དོ། །འཕྲོ་བར་བྱེད་པ་མེད་དོ། །ལེན་པ་མེད་དོ། །གཏོང་བ་མེད་དོ། །འོན་ཀྱང་དེ་བཞིན་གཤེགས་པའི་
D44.037.0100b05.01ཆོས་ཉིད་ཐོབ་པས་སྒྲ་ཆེན་པོའི་དབྱངས་ཆེན་པོ་བཞི་འབྱུང་བར་འགྱུར་ཏེ། བཞི་གང་ཞེ་ན་འདི་ལྟ་སྟེ། དེ་བཞིན་གཤེགས་པའི་ཆོས་ཉིད་ཐོབ་པས་སྒྲ་ཆེན་པོ་གཅིག་འབྱུང་བ་ནི། ཀྱེ་མ་འདུས་བྱས་འདི་དག་སྡུག་བསྔལ་བ་ཏེ། སེམས་ཅན་དམྱལ་
D44.037.0100b06.01བ་ནི་སྡུག་བསྔལ་ལོ། །བྱོལ་སོང་གི་སྐྱེ་གནས་ནི་སྡུག་བསྔལ་ལོ། །གཤིན་རྗེའི་འཇིག་རྟེན་ནི་སྡུག་བསྔལ་ལོ། །བསོད་ནམས་མ་བྱས་པ་ནི་སྡུག་བསྔལ་ལོ། །བདག་གིར་འཛིན་པ་ནི་སྡུག་བསྔལ་སྟེ། སྡིག་པའི་ལས་སྤྱོད་པ་ནི་སྡུག་བསྔལ་
D44.037.0100b07.01