完整藏文原文 · 德格版页 当前仅加载第 37 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་ཕྲག་སྟོང་དུ་དེ་ཡི་སྒྲ་དཀོན་ནོ། །གང་རྣམས་བརྩོན་འགྲུས་བློ་ལྡན་ཤིན་ཏུ་དུལ་གྱུར་པ། །དེ་འདྲའི་སྐྱེ་བུས་སངས་རྒྱས་གསང་བ་འདི་འདྲ་ཐོས། །གང་གིས་འདི་ཐོས་གྱུར་ནས་རབ་ཏུ་དགའ་འགྱུར་བ། །དེ་ནི་སྔོན་ཅད་སངས་རྒྱས་བརྒྱ་
D44.037.0141b01.01སྟོང་བཀུར་ཅིང་མཆོད། །བདེ་གཤེགས་རྣམས་ཀྱིས་བྱིན་བརླབས་རྒྱལ་བས་ཡོངས་སུ་བཟུང་། །ལྷ་དང་མིས་བསྟོད་མཁས་པས་རིམ་གྲོ་བྱ་བ་ཡིན། །འདི་ནི་བདེ་གཤེགས་འཇིག་རྟེན་འདས་པ་ཀུན་གྱིས་དཀོར། །རྒྱལ་བ་སེམས་ཅན་
D44.037.0141b02.01སྒྲོལ་བ་ཀུན་ཀྱང་འདི་ལས་འབྱུང་། །འདི་ནི་དཀར་པོའི་ལམ་མངའ་ཀུན་གྱི་མཐའ་ཡས་རིགས། །དེ་ཕྱིར་བག་ཡོད་གྱིས་ཏེ་འདི་ནི་གཟུང་བར་གྱིས། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་མངོན་པར་གནང་
D44.037.0141b03.01སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་དེ་བཞིན་གཤེགས་པའི་རིགས་སུ་བྱུང་བའི་དཔལ་ཡིད་དགའ་སྟེ། བྱང་ཆུབ་སེམས་དཔའི་འཁོར་དེ་དག་ཐམས་ཅད་དང་ལྷ་དང་
D44.037.0141b04.01མི་དང་། ལྷ་མ་ཡིན་དང་། ཀླུ་དང་། གནོད་སྦྱིན་དང་། དྲི་ཟ་དང་། བརྒྱ་བྱིན་དང་། ཚངས་པ་དང་། འཇིག་རྟེན་གྱི་མགོན་པོ་དང་། དབང་ཕྱུག་ཆེན་པོ་དང་གཙང་མའི་གནས་ཀྱི་འཁོར་དུ་བཅས་པ་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་
D44.037.0141b05.01པོ་ཀུན་ཏུ་བཟང་པོས་བཤད་པ་ལ་མངོན་པར་དགའ་འོ། །ཤིན་ཏུ་རྒྱས་པ་ཆེན་པོའི་མདོ་སངས་རྒྱས་ཕལ་པོ་ཆེ་ཞེས་བྱ་བ་ལས་དེ་བཞིན་གཤེགས་པ་སྐྱེ་བ་འབྱུང་བ་བསྟན་པའི་ལེའུ་སྟེ་བཞི་བཅུ་རྩ་གསུམ་པའོ།། །།སངས་རྒྱས་རྨད་ག་
D44.037.0141b06.01ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།། །།བམ་པོ་བཅུ་གསུམ་པ། བཅོམ་ལྡན་འདས་འདས་ཤིན་ཏུ་རྣམ་པར་སངས་རྒྱས་པའི་དགོངས་པ་མངའ་བ་མི་གཉིས་པ་ལ་ཡང་དག་པར་སྤྱོད་པ། མཚན་ཉིད་མེད་པའི་ཆོས་ལ་རབ་ཏུ་བརྟེན་པ།
D44.037.0141b07.01