完整藏文原文 · 德格版页 当前仅加载第 37 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བར་ངེད་ཀྱིས་ལུང་བསྟན་ཏོ། །ཆོས་བསྟན་པ་འདི་ཡང་མ་འོངས་པའི་བྱང་ཆུབ་སེམས་དཔའ་རྣམས་ཀྱིས་མ་ཐོས་པའི་ཆོས་ཐོས་པར་བྱ་བའི་ཕྱིར་ངེད་ཀྱིས་བྱིན་གྱིས་བརླབས་སོ། །གླིང་བཞི་པའི་འཇིག་རྟེན་གྱི་ཁམས་
D44.037.0140a01.01འདིར་སེམས་ཅན་རྣམས་ཀྱིས་ཇི་ལྟར་ཤེས་པར་གྱུར་ཅིང་དུལ་བར་གྱུར་པ་དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་གྲངས་མེད་པ་བསམ་གྱིས་མི་ཁྱབ་པ་མཚུངས་པ་མེད་པ་མཐའ་ཡས་པ་མུ་མེད་པས་མཚམས་མེད་པ་དཔག་ཏུ་མེད་
D44.037.0140a02.01པ་བརྗོད་དུ་{མྱེད་,མེད་}པ་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་དབྱིངས་ཀྱི་མཐས་གཏུགས་པ་ཐམས་ཅད་མ་ལུས་པ་དག་ཏུ་ཡང་སེམས་ཅན་རྣམས་རྣམ་པར་དུལ་བར་གྱུར་ཏོ། །སངས་རྒྱས་ཀྱི་མཐུ་དང་བཅོམ་ལྡན་འདས་དེ་བཞིན་གཤེགས་པ་རྣམ་པར་
D44.037.0140a03.01སྣང་མཛད་ཀྱི་སྔོན་གྱི་སྨོན་ལམ་གྱི་བྱིན་གྱི་རླབས་དང་། ཆོས་ཉིད་རབ་ཏུ་ཐོབ་པ་དང་། དགེ་བའི་རྩ་བའི་མཐུ་དང་། དེ་བཞིན་གཤེགས་པའི་ཡེ་ཤེས་ཉམས་པ་{མྱེད་,མེད་}པ་ལས་{མྱི་,མི་}འགྱུར་བ་དང་། སངས་རྒྱས་ཀྱི་སྐུ་འཐོབ་པ་ལས་གཞན་
D44.037.0140a04.01དུ་མི་འགྱུར་བ་དང་། དུས་ལ་ཇི་ལྟར་བབ་པ་བཞིན་དུ་བྱང་ཆུབ་སེམས་དཔའ་ཡང་དག་པར་བསྐུལ་བ་དང་། སྔོན་མངོན་པར་བསྒྲུབ་པ་ཆུད་མ་ཟོས་པ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་མཐུ། ཤིན་ཏུ་ཡངས་
D44.037.0140a05.01པ་དང་། ཐམས་ཅད་མཁྱེན་པའི་ཡེ་ཤེས་ཀྱི་མངའ་བསྒྱུར་བ་ཡང་དག་པར་བསྟན་པའི་མཐུས་ཕྱོགས་བཅུའི་འཇིག་རྟེན་གྱི་ཁམས་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་{མྱེད་,མེད་}པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ཕ་རོལ་ནས། བྱང་
D44.037.0140a06.01ཆུབ་སེམས་དཔའ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཕྱོགས་བཅུའི་ཆོས་ཀྱི་དབྱིངས་རྒྱས་པར་འགེངས་ཤིང་བྱང་ཆུབ་སེམས་དཔའི་རྒྱན་ཆེན་པོ་རབ་ཏུ་བསྟན་པ་དང་། འོད་གཟེར་གྱི་དྲ་བ་ཆེན་པོ་རབ་
D44.037.0140a07.01