完整藏文原文 · 德格版页 当前仅加载第 37 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་རོ། །ཡལ་གའི་འོད་ཀྱིས་ཡལ་ག་ཆགས་པར་འགྱུར་རོ། །ལོ་མའི་འོད་ཀྱིས་ལོ་མ་ཆགས་པར་འགྱུར་རོ། །མེ་ཏོག་གི་འོད་ཀྱིས་མེ་ཏོག་ཆགས་པར་འགྱུར་རོ། །འབྲས་བུའི་འོད་ཀྱིས་འབྲས་བུ་ཆགས་པར་འགྱུར་རོ། །སྨན་ཀྱི་རྒྱལ་པོ་ཆེན་པོ་
D44.037.0114b01.01དེའི་རྩ་བ་ལས་སྙིང་པོ་འགྲུབ་བོ། །སྙིང་པོ་ལས་རྩ་བ་འགྲུབ་བོ། །དེ་ཅིའི་ཕྱིར་ཞེ་ན། རྩ་བ་མ་གྲུབ་པ་ཞེས་བྱ་སྟེ། སྨན་གྱི་རྒྱལ་པོ་ཆེན་པོ་དེ་ནི་གནས་རྣམ་པ་གཉིས་སུ་{མྱི་,མི་}སྐྱེ་སྟེ། གཉིས་གང་ཞེ་ན། འདི་ལྟ་སྟེ། སེམས་ཅན་དམྱལ་བའི་ནང་དང་ཆུའི་ཕུང་པོ་ལས་མི་སྐྱེའོ། །
D44.037.0114b02.01གཉིས་ལས་མི་སྐྱེ་ཞེས་ཡོངས་སུ་མི་སྐྱེ་བའི་ཆོས་ཅན་ཡང་མ་ཡིན་ཏེ། འདི་ལྟར་སའི་དཀྱིལ་འཁོར་ཇི་ཙམ་དུ་མཉམ་ཞིང་སྐབས་ཡོད་པ་དེ་ཙམ་དུ་སྨན་གྱི་རྒྱལ་པོ་ཆེན་པོ་སྐྱེ་བའི་ཆོས་ཡོད་དོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་ཡེ་ཤེས་སྨན་གྱི་རྒྱལ་པོ་
D44.037.0114b03.01ཆེན་པོ་རྩ་བ་མ་གྲུབ་པ་ཡང་སྔོན་གྱི་ལྷག་པའི་དགོངས་པ་དང་། ཐུགས་རྗེ་ཆེན་པོས་རྩ་བ་བརྟན་པར་བྱུང་ཞིང་། རྩ་བ་གནས་པ་མེད་པ། དེ་བཞིན་གཤེགས་པ་ཐམས་ཅད་ཀྱི་རིགས་སུ་བྱུང་བ། དུས་གསུམ་གྱི་དགེ་བའི་རྩ་བ་ཐམས་ཅད་ཀྱིས་ཡེ་ཤེས་ཀྱི་
D44.037.0114b04.01ཤིང་ཡང་དག་པར་གྲུབ་པ། འཇིག་རྟེན་གྱི་ཁམས་མ་ལུས་པ་ཐམས་ཅད་དུ་དགེ་བའི་རྩ་བས་ཀུན་ཏུ་ཁྱབ་པ། ངན་སོང་ཐམས་ཅད་རྣམ་པར་ཟློག་པ་དགེ་བའི་རྣམ་པས་བྱུང་བ། ཐབས་མཁས་པ་བརྟན་ཞིང་སྲ་ལ་མི་གཡོ་བའི་སྡོང་པོ་ཅན།
D44.037.0114b05.01ཕ་རོལ་ཏུ་ཕྱིན་པས་ཆོས་ཀྱི་དབྱིངས་རྒྱས་པར་འགེངས་པའི་ཡལ་ག་ཅན་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་ལོ་མ་ཀུན་ཏུ་འགེབས་པ་ཅན། གཟུངས་དང་། སྤོབས་པ་དང་། བྱང་ཆུབ་ཀྱི་ཡན་
D44.037.0114b06.01ལག་གི་མེ་ཏོག་ཤིན་ཏུ་རྒྱས་པ་ཅན། ཐམས་ཅད་མཁྱེན་པའི་རྣམ་པར་གྲོལ་བ་རྟོག་པ་དང་བྲལ་བའི་འབྲས་བུ་ཅན་ཏེ། ཀྱེ་རྒྱལ་བའི་སྲས་དེ་བཞིན་གཤེགས་པའི་ཡེ་ཤེས་སྨན་གྱི་རྒྱལ་པོ་ཆེན་པོ་རྩ་བ་མ་གྲུབ་པ་ཞེས་བྱ་བ་དེ་ལ། ཅིའི་ཕྱིར་རྩ་བ་མ་གྲུབ་
D44.037.0114b07.01