完整藏文原文 · 德格版页 当前仅加载第 37 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་པར་འཇུག་པ་དང་། རྣམ་པར་འཕྲུལ་བའི་རྒྱན་ཐམས་ཅད་ལ་དབང་བསྒྱུར་བ་དང་། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་སྔོན་གྱི་སྨོན་ལམ་གྱིས་ཡོངས་སུ་བཟུང་བས་ཤིན་ཏུ་བརྟན་པ་དང་། བྱང་ཆུབ་སེམས་དཔའ་
D44.037.0215a01.01རྣམས་ཀྱི་ལྷག་པའི་བསམ་པ་སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་ལ་རྒྱུན་མི་གཅོད་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་
D44.037.0215a02.01སངས་རྒྱས་ཐམས་ཅད་ཀྱི་ལྷག་པའི་དགོངས་པ་བླ་ན་མེད་པ་ཡོངས་སུ་དག་པ་འཐོབ་པར་འགྱུར་བ་དག་གོ། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཅུ་དགུ་པ། ཀྱེ་རྒྱལ་བའི་སྲས་
D44.037.0215a03.01བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྦྱོར་བ་སྟེ། བཅུ་གང་ཞེ་ན་འདི་ལྟར་རྣམ་པར་སྨིན་པ་ལ་རེ་བ་མེད་པར་བདོག་པ་ཐམས་ཅད་ཡོངས་སུ་གཏོང་བས་བྱང་ཆུབ་སེམས་དཔའ་རྣམས་ཀྱི་སྦྱིན་པའི་སྦྱོར་བ་དང་། གཞན་ལ་བརྙས་པ་མེད་པས་བྱང་
D44.037.0215a04.01ཆུབ་སེམས་དཔའ་རྣམས་ཀྱི་ཚུལ་ཁྲིམས་དང་། བསླབ་པ་དང་། སྦྱངས་པའི་ཡོན་ཏན་དང་། སྡོམ་པ་དང་། བརྟུལ་ཞུགས་དང་དཀའ་ཐུབ་ཐམས་ཅད་དུ་ཡི་དམ་བཅས་པ་ལ་ནན་ཏན་བྱེད་པའི་སྦྱོར་བ་དང་། བདག་དང་ཕ་རོལ་གྱི་འདུ་ཤེས་མེད་
D44.037.0215a05.01པས་བྱང་ཆུབ་སེམས་དཔའ་རྣམས་ཀྱི་གནོད་སེམས་ཀྱི་ཐ་བ་དང་། གཤེ་བ་ཐམས་ཅད་རྣ་ལ་གཟོན་ཅིང་སེམས་ཅན་གྱི་ངན་དུ་བྱས་པ་ཐམས་ཅད་བཟོད་པའི་སྦྱོར་བ་དང་། ལུས་དང་ངག་དང་སེམས་ཡང་དག་པར་བསྐུལ་བས་བརྩམས་པ་ཐམས་ཅད་མཐར་
D44.037.0215a06.01ཕྱིན་པར་བྱེད་པའི་ཕྱིར། །བྱང་ཆུབ་སེམས་དཔའ་རྣམས་ཀྱི་བརྩོན་འགྲུས་བརྩམས་པ་ཐམས་ཅད་ལས་ཕྱིར་མི་ལྡོག་པའི་སྦྱོར་བ་དང་། འདོད་པའི་འཁྲུག་པ་དང་ཉོན་མོངས་པའི་གཡོག་འཁོར་ཡོངས་སུ་མི་སྤོང་བས། བྱང་ཆུབ་སེམས་དཔའ་རྣམས་ཀྱི་བསམ་
D44.037.0215a07.01