完整藏文原文 · 德格版页 当前仅加载第 37 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་རྣམས་ནི་གྲོང་དང་གྲོང་ཁྱེར་དང་གྲོང་རྡལ་དང་། རྒྱལ་པོའི་གནས་སུ་གཤེགས་པས་ཀྱང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་མཛད་དེ། མིའི་རྒྱལ་པོའི་གནས་དང་། ལྷའི་རྒྱལ་པོའི་གནས་དང་། ཀླུའི་
D44.037.0024b01.01རྒྱལ་པོའི་གནས་དང་། གནོད་སྦྱིན་གྱི་རྒྱལ་པོའི་གནས་དང་། དྲི་ཟའི་རྒྱལ་པོའི་གནས་དང་། ལྷ་མ་ཡིན་གྱི་རྒྱལ་པོའི་གནས་དང་། ནམ་མཁའ་ལྡིང་གི་རྒྱལ་པོའི་གནས་དང་། མིའམ་ཅིའི་རྒྱལ་པོའི་གནས་དང་། ལྟོ་འཕྱེ་ཆེན་པོའི་རྒྱལ་པོའི་
D44.037.0024b02.01གནས་དང་། སྲིན་པོའི་རྒྱལ་པོའི་གནས་དང་། ཤ་ཟའི་རྒྱལ་པོའི་གནས་དག་ཏུ་གཤེགས་པས་ཀྱང་སངས་རྒྱས་བཅོམ་ལྡན་འདས་རྣམས་ནི་སངས་རྒྱས་ཀྱི་ཕྲིན་ལས་མཛད་དེ། འདི་ལྟ་སྟེ། གྲོང་ཁྱེར་གྱི་སྒོར་བྱོན་ནས་གཡོ་བ་དང་། འོད་ཟེར་སྣང་
D44.037.0024b03.01བ་དང་། ལོང་བ་རྣམས་མིག་འཐོབ་པ་དང་། འོན་པ་རྣམས་སྒྲ་ཐོས་པར་འགྱུར་བ་དང་། སྨྱོན་པ་རྣམས་དྲན་པ་འཐོབ་པར་འགྱུར་བ་དང་། གོས་མེད་པ་རྣམས་གོས་འཐོབ་པར་འགྱུར་བ་དང་། སྡུག་བསྔལ་བ་རྣམས་བདེ་བ་འཐོབ་པ་དང་།
D44.037.0024b04.01རོལ་མོའི་ཆ་བྱད་མ་དཀྲོལ་མ་བརྡུངས་པར་སྒྲ་ཡིད་དུ་འོང་བ་རང་འབྱིན་པ་དང་། རྒྱན་སྣོད་ན་འདུག་པ་དང་། གནས་ནས་མ་ཕོག་པ་དང་། མ་བསྐྱོད་མ་དཀྲོལ་བར་བསྐྱོད་ཅིང་དཀྲོལ་བའི་སྒྲ་འབྱུང་བ་དང་། བྱ་སྣ་ཚོགས་མང་པོའི་སྒྲ་སྐད་ཡིད་
D44.037.0024b05.01དུ་འོང་བ་འབྱུང་བ་དང་། བལྟ་ན་གཏང་མི་བྲ་ཞིང་མི་མཐུན་པ་མེད་པའི་སྐུ་མཐོང་བས་ཀྱང་། སངས་རྒྱས་བཅོམ་ལྡན་འདས་རྣམས་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་མཛད་དོ། །མཚན་དང་དཔེ་བྱད་བཟང་པོ་བསྟན་པས་ཀྱང་སངས་
D44.037.0024b06.01རྒྱས་བཅོམ་ལྡན་འདས་རྣམས་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་མཛད་དེ། ཡོངས་སུ་གཟིགས་པ་དང་། རྣམ་པར་གཟིགས་པ་དང་། བརྐྱང་བ་དང་། བསྐུམ་པས་ཀྱང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་མཛད་དོ། །
D44.037.0024b07.01