完整藏文原文 · 德格版页 当前仅加载第 37 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གྱི་ཁམས་རྒྱ་མཚོ་ཐམས་ཅད་སྤོས་ཀྱི་ལྡ་ལྡི་དང་དྲ་བས་ཀུན་ཏུ་འབྲེལ་བར་བྱིན་གྱིས་བརླབ་པ་དང་། སངས་རྒྱས་ཀྱི་ཞིང་འབྱམ་ཀླས་པ་ཐམས་ཅད་རིན་པོ་ཆེ་སྣ་ཚོགས་ཀྱི་ལྡ་ལྡི་དང་དྲ་བ་ཆེན་པོས་ཀུན་ཏུ་འབྲེལ་བར་བྱིན་གྱིས་བརླབ་པ་དང་། སངས་
D44.037.0282a01.01རྒྱས་ཀྱི་ཞིང་གི་རྒྱུད་ཐམས་ཅད་མེ་ཏོག་ཐམས་ཅད་ཀྱི་ལྡ་ལྡི་དང་། ཕྲེང་བའི་དྲ་བས་ཀུན་ཏུ་འབྲེལ་བར་བྱིན་གྱིས་བརླབ་པ་དང་། སངས་རྒྱས་ཀྱི་ཞིང་གི་འཁོར་ཐམས་ཅད་ཕྲེང་བ་དང་ལྡ་ལྡི་དང་། སེ་མོ་དོའི་དྲ་བས་ཀུན་ནས་འབྲེལ་བར་བྱིན་གྱིས་བརླབ་པ་དང་། སངས་
D44.037.0282a02.01རྒྱས་ཀྱི་ཞིང་གི་དཀྱིལ་འཁོར་ཐམས་ཅད་འོག་གི་གཞི་རྟེན་རྡོ་རྗེ་ཐམས་ཅད་ཀྱི་ཕྲེང་བས་ཡོངས་སུ་གཟུང་བར་བྱིན་གྱིས་བརླབ་པ་དང་། སངས་རྒྱས་ཀྱི་ཞིང་གི་ཚུལ་ཐམས་ཅད་ནོར་བུ་རིན་པོ་ཆེ་སྣ་ཚོགས་ཀྱི་དྲ་བས་ཀུན་ནས་འབྲེལ་བར་བྱིན་གྱིས་བརླབ་པ་དང་། འཇིག་རྟེན་
D44.037.0282a03.01གྱི་ཁམས་ཐམས་ཅད་གོས་སྣ་ཚོགས་ཀྱི་ལྡ་ལྡིས་ཀུན་ནས་ཡོངས་སུ་བླངས་ཤིང་གཟུང་བར་བྱིན་གྱིས་བརླབ་པ་དང་། སངས་རྒྱས་ཀྱི་ཞིང་ཐམས་ཅད་རིན་པོ་ཆེ་སྣ་ཚོགས་ཀྱི་ལུས་ཀྱི་ཕྲེང་བ་དང་ལྡ་ལྡི་མང་པོའི་དྲ་བས་ཀུན་ནས་འབྲེལ་བར་མངོན་པར་བསྒྲུབ་པ་དང་། ཞིང་
D44.037.0282a04.01ཐམས་ཅད་ནོར་བུ་རིན་པོ་ཆེ་དཔལ་གྱི་འོད་ཟེར་གྱི་ལྡ་ལྡི་དང་། ཕྲེང་བའི་དྲ་བས་ཀུན་ནས་འབྲེལ་བར་བྱིན་གྱིས་བརླབ་པ་དང་། སངས་རྒྱས་ཀྱི་ཞིང་ཐམས་ཅད་རིན་པོ་ཆེ་རྣམ་པར་སྣང་བའི་ལྡ་ལྡི་དང་། དྲ་བས་ཀུན་ཏུ་འབྲེལ་བར་བྱིན་གྱིས་བརླབ་པ་དང་། འཇིག་
D44.037.0282a05.01རྟེན་གྱི་ཁམས་ཐམས་ཅད་ཀྱི་གཞི་ནོར་བུ་རིན་པོ་ཆེ་སེང་གེ་ཡིད་དུ་འོང་བའི་ཕྲེང་བ་དང་། ལྡ་ལྡིའི་དྲ་བས་ཡོངས་སུ་གཟུང་བར་བྱིན་གྱིས་བརླབ་པ་བྱེད་ཅིང་། {མྱི་,མི་}མཇེད་ཀྱི་འཇིག་རྟེན་གྱི་ཁམས་གང་ན་བ་དེར་ལྷགས་ནས་བཅོམ་ལྡན་འདས་གང་ན་བ་དེར་དོང་སྟེ། འཁོར་དང་
D44.037.0282a06.01བཅས་པས་བཅོམ་ལྡན་འདས་ལ་ཕྱག་འཚལ་ནས། ལྷོ་ཕྱོགས་སུ་བརྟེན་ཏེ། ནོར་བུ་རིན་པོ་ཆེ་འགྲོ་བ་ལ་རྣམ་པར་སྣང་བའི་ཁང་པ་བརྩེགས་པ་དང་། སེང་གེའི་ཁྲི་ནོར་བུ་རིན་པོ་ཆེ་ཕྱོགས་ཀུན་ཏུ་རྣམ་པར་སྣང་བའི་པདྨོའི་སྙིང་པོ་ཅན་དག་མངོན་པར་སྤྲུལ་ཏེ།
D44.037.0282a07.01