完整藏文原文 · 德格版页 当前仅加载第 37 函德格 385b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་སུ་མངོན་པར་སྤྲུལ་ཏེ། འདི་སྐད་ཅེས་འཛེར་ཏོ། །རིགས་ཀྱི་བུ་འཕགས་པ་འདི་དཀའ་ཐུབ་ལྔས་ཡོངས་སུ་གདུང་བ་མཛད་པའི་ཚེ། མེའི་ཕུང་པོ་འདི་དག་ལས་འོད་ཆེན་པོ་བྱུང་སྟེ། བདག་ཅག་གི་གནས་སྣང་བར་བྱས་ནས། ཡོངས་
D44.037.0385b01.01སུ་གཡོ་བར་བྱེད་དོ། །དེས་བདག་ཅག་ཀྱང་འཇིགས་ཤིང་སྐྲག་སྟེ། སྐྱོ་བའི་ཡིད་དང་ལྡན་པར་གྱུར་ནས་འཕགས་པ་འདིའི་དྲུང་དུ་འདོང་ངོ་། །འཕགས་པ་འདི་ཡང་བདག་ཅག་ལ་ཆོས་སྟོན་ཅིང་། བྱམས་པ་ཆེན་པོ་ལ་ཡང་དག་པར་
D44.037.0385b02.01སྦྱོར་བ་མཛད་དོ། །སྙིང་རྗེ་ཆེན་པོ་ལ་ཡང་དག་པར་དགོད་པ་མཛད་དོ། །འཁོར་བའི་རྒྱ་མཚོར་འཇུག་པ་ལ་ཡང་ཡང་དག་པར་སྦྱོར་བ་མཛད་དོ། །འདོད་པའི་འདམ་དུ་བྱིང་བའི་སེམས་ཅན་མངོན་པར་གདོན་པར་བྱ་བ་ལའང་ཡོངས་སུ་སྦྱོར་བ་མཛད་
D44.037.0385b03.01དོ། །ལྷག་པའི་བསམ་པའི་སྒོ་རྣམ་པར་དག་པར་བྱ་བ་ལའང་རབ་ཏུ་སྦྱོར་བ་མཛད་དོ། །ཤེས་རབ་དང་ཐབས་ཤིན་ཏུ་གསལ་བ་ལའང་ཡང་དག་པར་སྦྱོར་བ་མཛད་དོ། །རྣམ་པ་ཇི་ལྟ་བུར་ཡོངས་སུ་སྨྱིན་པར་བྱ་བའི་སེམས་ཅན་རྣམས་གདུལ་བར་བྱ་བ་ལའང་
D44.037.0385b04.01རབ་ཏུ་སྦྱོར་བ་མཛད་དོ། །མིའམ་ཅིའི་དབང་པོ་སྟོང་ཕྲག་བཅུ་ཡང་སྟེང་གི་བར་སྣང་ལ་འཁོད་དེ་འདི་སྐད་ཅེས་འཛེར་ཏོ། །རིགས་ཀྱི་བུ་འཕགས་པ་འདི་དཀའ་ཐུབ་ལྔས་ཡོངས་སུ་གདུང་བ་མཛད་པའི་ཚེ། ཁོ་བོ་ཅག་གི་གནས་ན་འཁོད་པའི་
D44.037.0385b05.01ཤིང་ཏ་ལའི་ཕྲེང་བ་ལས་དྲིལ་བུའི་དྲ་བ་རིན་པོ་ཆེའི་སྲད་བུས་ལྡ་ལྡིར་བརྒྱུས་པའི་སིལ་སྙན་དང་། རོལ་མོའི་ཡོ་བྱད་དང་། རིན་པོ་ཆེའི་རྒྱན་དང་། ཁྱིམ་གྱི་ལོངས་སྤྱོད་ཐམས་ཅད་ལས་སངས་རྒྱས་ཀྱི་སྒྲ་བྱུང་ངོ་། །ཆོས་ཀྱི་སྒྲ་དང་
D44.037.0385b06.01ཕྱིར་མི་ལྡོག་པའི་བྱང་ཆུབ་སེམས་དཔའི་དགེ་འདུན་གྱི་སྒྲ་དང་། བྱང་ཆུབ་ཏུ་ཡང་དག་པར་ཞུགས་པའི་སྨོན་ལམ་གྱི་སྒྲ་བྱུང་ངོ་། །འཇིག་རྟེན་གྱི་ཁམས་ཀྱི་གྲངས་སུ་བྱ་བ་ཆེ་གེ་མོ་ཞིག་ན་ནི་བྱང་ཆུབ་སེམས་དཔའ་{མྱིང་,མིང་}འདི་དང་འདི་ཞེས་
D44.037.0385b07.01