完整藏文原文 · 德格版页 当前仅加载第 37 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གྱི་ཁམས་ཐམས་ཅད་ཀྱི་སེམས་ཅན་ཕ་རོལ་གྱི་བསམ་པ་ལ། སངས་རྒྱས་ཀྱི་བྱིན་གྱི་རླབས་ཡང་དག་པར་བསྟན་པ་མ་ལུས་པ་ཐུགས་སུ་ཆུད་པ་དང་། ཆོས་ཀྱི་དབྱིངས་ཐམས་ཅད་ཀྱི་སེམས་ཅན་རྣམས་འདུལ་བ་ཇི་
D44.037.0040a01.01ལྟ་བ་བཞིན་དུ་ཉེ་བར་ལེན་པ་མེད་པའི་སངས་རྒྱས་ཉིད་དུ་འགྱུར་བར། གདམས་ངག་དང་རྗེས་སུ་བསྟན་པས། དེ་བཞིན་གཤེགས་པ་འབྱུང་བ་བསྟན་པ་མ་ལུས་པར་ཐུགས་སུ་ཆུད་པ་དང་། ཆོས་ཀྱི་དབྱིངས་ཐམས་ཅད་ཀྱི་སེམས་ཅན་ཐམས་ཅད་ཀྱི་
D44.037.0040a02.01ཐམས་ཅད་དུ་འགྲོ་བ་དང་། དེ་དང་དེར་འགྲོ་བའི་ལམ་ལ་ལུས་པར་དགོངས་པའི་སྐད་ཅིག་གཅིག་གིས་ཐུགས་སུ་ཆུད་པ་དང་། ཆོས་ཀྱི་དབྱིངས་ཐམས་ཅད་ཀྱི་སེམས་ཅན་རྣམས་ཀྱིས། སངས་རྒྱས་རྗེས་སུ་དྲན་པ་ཕྱོགས་ཐམས་ཅད་དུ་བཏང་བའི་
D44.037.0040a03.01ཚུལ་མ་ལུས་པར་དགོངས་པའི་སྐད་ཅིག་གཅིག་གིས་ཐུགས་སུ་ཆུད་པ་དང་། ཆོས་ཀྱི་དབྱིངས་ཐམས་ཅད་ཀྱི་སེམས་ཅན་རྣམས་ཀྱི་མོས་པ་དང་། སེམས་ཀྱི་ཚད་ཇི་ལྟ་བ་བཞིན་དུ་སངས་རྒྱས་ཀྱི་སྐུ་ཁ་དོག་མུ་མེད་པ་དབྱིབས་མཐའ་ཡས་པ་
D44.037.0040a04.01བསྟན་པ་མ་ལུས་པར་དགོངས་པའི་སྐད་ཅིག་གཅིག་གིས་ཐུགས་སུ་ཆུད་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐམས་ཅད་མཁྱེན་པ་ཉིད་ཀྱི་རྣམ་པར་སྤྱོད་པའོ། །
D44.037.0040a05.01ཀྱེ་རྒྱལ་བའི་སྲས་བཅུ་པོ་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སངས་རྒྱས་ཀྱི་ཏིང་ངེ་འཛིན་ཚད་མེད་བསམ་གྱིས་མི་ཁྱབ་པ་རྣམས་ཏེ། བཅུ་གང་ཞེ་ན། འདི་ལྟར་སངས་རྒྱས་བཅོམ་ལྡན་
D44.037.0040a06.01འདས་རྣམས་ནི་ཆོས་ཐམས་ཅད་ལ་རྟག་ཏུ་མཉམ་པར་བཞག་ཀྱང་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་སེམས་ཅན་རྣམས་ལའང་སྐད་ཅིག་གཅིག་ཏུ་ཆོས་སྟོན་པ་མཛད་དོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་དབྱིངས་མ་ལུས་པ་
D44.037.0040a07.01