完整藏文原文 · 德格版页 当前仅加载第 37 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུ་ཀུན་ན་གང་རྣམས་ཇི་སྙེད་མཆིས་པའི། །ཞིང་རྣམས་ཐམས་ཅད་མ་ལུས་རབ་ཏུ་བསྐྱོད་ཀྱང་། །ཐུགས་རྗེ་ལྡན་པས་སུ་ལའང་འཇིགས་པར་མི་མཛད། །ཁྱོད་ཀྱི་རྫུ་འཕྲུལ་མཐུ་ནི་དེ་འདྲ་དེ་ཚུལ། །ནམ་མཁའི་དབྱིངས་
D44.037.0077a01.01ལ་མཉམ་པ་ཉིད་དུ་རབ་ཞུགས། །དེ་བཞིན་ཆོས་དབྱིངས་མཉམ་པ་ཉིད་ཀྱང་བརྙེས་གྱུར། །སེམས་ཅན་སྟོང་ཕྲག་བྱེ་བ་གྲོལ་བར་མཛད་ཅིང་། །སེམས་ཅན་ཀུན་གྱི་སྡིག་ཆེན་རབ་ཏུ་ཞི་མཛད། །བསྐལ་པ་སྟོང་དུ་བརྟུལ་ཞུགས་དམ་པོ་སྤྱད་དེ། །
D44.037.0077a02.01བྱང་ཆུབ་མཆོག་གི་ལམ་ནི་ཡང་དག་བསྒྲུབས་ནས། །ཆགས་པ་མེད་པའི་ཡེ་ཤེས་སྤྱོད་ཡུལ་འདི་བརྙེས། །སངས་རྒྱས་ཀུན་དང་རང་བཞིན་གཅིག་ཏུ་རབ་གྱུར། །རྣམ་པར་འདྲེན་པ་ཁྱོད་ཀྱིས་འདི་ནས་འོད་བཀྱེ། །འཇིག་རྟེན་ཐམས་ཅད་མ་ལུས་
D44.037.0077a03.01ཀུན་ཏུ་བསྐྱོད་ནས། །ཆོ་འཕྲུལ་མཐའ་ཡས་ཡང་དག་བསྟན་པར་བགྱིས་ཏེ། །བདག་གི་ལུས་འདིར་དེ་དག་མ་ལུས་ཞུགས་གྱུར། །དེ་ལ་བདག་གི་བློ་གྲོས་འདི་ལྟར་སྐྱེས་ཏེ། །ཆོས་རྗེ་ཁྱོད་ལ་བདག་གིས་ཞུ་བའི་དུས་བབ། །ཤིན་ཏུ་ངེས་
D44.037.0077a04.01པའི་ཆོས་ལ་རབ་ཏུ་བསླབས་པའི། །བྱང་ཆུབ་སེམས་དཔའ་རྣམས་ཀྱང་འདུས་པར་གྱུར་སྙམ། །ཚོགས་འདི་དག་པ་འདུས་པས་རྣམ་པར་དག་པ། །འཇིག་རྟེན་སློབ་དཔོན་མགོན་པོས་རབ་ཏུ་བསྔགས་པ། །ཡེ་ཤེས་མཐའ་ཡས་ལྡན་པ་ཡུལ་ལ་
D44.037.0077a05.01ཆགས་མེད། །དེ་འདྲའི་མཐུ་ཆེན་དཔའ་བོ་འདི་དག་འདིར་ཕྱིན། །དེའི་དོན་འཇིག་རྟེན་སློབ་དཔོན་དྲང་སྲོང་ཆེན་པོ། །ཡེ་ཤེས་སྟོབས་དང་བརྩོན་འགྲུས་མཐའ་ཡས་བྱུང་གྱུར། །བྱང་ཆུབ་སེམས་དཔའ་འདི་དག་སྣང་བར་མཛད་གསོལ། །ཆོས་རབ་
D44.037.0077a06.01བདག་གིས་གང་ཞུས་དེ་ཡང་བཤད་གསོལ། །དྲང་སྲོང་ཆེན་པོའི་སྤྱོད་ཡུལ་འདི་དག་བསྟན་ཅིང་། །ཡང་དག་མ་ནོར་བརྗོད་པར་ནུས་པ་གང་ལགས། །སྐྱེས་བུ་ཁྱུ་མཆོག་རྣམས་ཀྱི་སྲས་ནི་གང་ལགས། །འཇིག་རྟེན་མགོན་གྱི་གཙོ་བོ་ཁྱོད་ཀྱིས་
D44.037.0077a07.01