完整藏文原文 · 德格版页 当前仅加载第 37 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་མ་དད་པ་ཞིག་བྱས་ན་ཡང་དེ་དག་གི་མཐོང་བའི་དགེ་བའི་རྩ་བ་དེ་ནི་ཡོངས་སུ་མྱ་ངན་ལས་འདའ་བའི་བར་དུ་དོན་ཡོད་དོ་ཞེས་བདག་སྨྲའོ། །ཀྱེ་རྒྱལ་བའི་སྲས་དེ་བཞིན་གཤེགས་པ་མཐོང་བ་དང་ཐོས་པ་དང་དེ་དག་དང་འགྲོགས་པའི་དགེ་བའི་རྩ་བ་སྐྱེ་བ་ནི། བྱང་ཆུབ་སེམས་
D44.037.0136b01.01དཔའ་སེམས་དཔའ་ཆེན་པོས་མི་དགེ་བའི་ཆོས་ཐམས་ཅད་སྤང་བ་དང་། དགེ་བའི་ཆོས་ཐམས་ཅད་མངོན་ཏུ་བྱ་ཞིང་ཡོངས་སུ་རྫོགས་པར་འགྱུར་བའི་རྒྱུར་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་དཔེ་རྣམ་པར་དགོད་པ་ཐམས་ཅད་ཀྱིས་དེ་བཞིན་
D44.037.0136b02.01གཤེགས་པ་རྣམ་པ་ཐམས་ཅད་དུ་ཤེས་པར་མི་རུང་སྟེ། ཅིས་ཀྱང་དཔེར་བྱ་བ་མ་ཡིན་ནོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དེ་བཞིན་གཤེགས་པ་རྣམས་ནི་སེམས་ཀྱི་ལས་ཐམས་ཅད་ལས་ཤིན་ཏུ་འདས་པས་བསམ་གྱིས་མི་ཁྱབ་པ་སྟེ། འོན་ཀྱང་
D44.037.0136b03.01སེམས་ཅན་རྣམས་ཀྱི་བསམ་པ་ཡོངས་སུ་ཚིམ་པར་བྱ་བའི་ཕྱིར་དེ་བཞིན་གཤེགས་པ་རྣམས་ནི་བྱང་ཆུབ་སེམས་དཔའ་རྣམས་ལ་དཔེས་སྟོན་པ་མངོན་པར་གནང་བ་མཛད་ཀྱི་དེ་ལྷུར་བླང་བའི་ཕྱིར་ནི་མ་ཡིན་ནོ། །ཀྱེ་རྒྱལ་བའི་སྲས་ཆོས་ཀྱི་རྣམ་གྲངས་རྣམ་པ་འདི་ལྟ་བུ་དག་ནི་
D44.037.0136b04.01དེ་བཞིན་གཤེགས་པའི་གསང་བའི་གནས་ཤེས་བྱའོ། །འཇིག་རྟེན་ཐམས་ཅད་ཀྱིས་ཤེས་པར་དཀའ་བ་ཞེས་བྱའོ། །དེ་བཞིན་གཤེགས་པའི་ཕྱག་རྒྱ་དང་ལྡན་པ་ཞེས་བྱའོ། །ཡེ་ཤེས་ཀྱི་མཐུ་ཆེན་པོ་བརྗོད་པ་ཞེས་བྱའོ། །དེ་བཞིན་གཤེགས་པའི་རིགས་
D44.037.0136b05.01སྟོན་པ་ཞེས་བྱའོ། །བྱང་ཆུབ་སེམས་དཔའ་ཐམས་ཅད་ཡང་དག་པར་སྒྲུབ་པ་ཞེས་བྱའོ། །འགྲོ་བ་ཐམས་ཅད་ཀྱིས་མི་འཕྲོགས་པ་ཞེས་བྱའོ། །ཤིན་ཏུ་ངེས་པར་དེ་བཞིན་གཤེགས་པའི་སྤྱོད་ཡུལ་གྱིས་རྗེས་སུ་སོང་བ་ཞེས་བྱའོ། །སེམས་ཅན་གྱི་ཁམས་
D44.037.0136b06.01མ་ལུས་པ་ཐམས་ཅད་རྣམ་པར་སྦྱོང་བ་ཞེས་བྱའོ། །དེ་བཞིན་གཤེགས་པ་ཐམས་ཅད་ཀྱིས་བསྟན་པའི་རྩ་བ་ཞེས་བྱའོ། །ཤིན་ཏུ་མཐར་ཐུག་པའི་མུར་ཕྱིན་པ་ཞེས་བྱ་བའི་བར་དུ་སྟེ། ཀྱེ་རྒྱལ་བའི་སྲས་ཆོས་ཀྱི་རྣམ་གྲངས་རྣམ་པ་འདི་ལྟ་བུ་དག་
D44.037.0136b07.01