完整藏文原文 · 德格版页 当前仅加载第 37 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཆོས་ཀྱི་ཡེ་ཤེས་ཆེན་པོ་རྒྱ་མཚོ་ལྟ་བུ་བླ་ན་མེད་པ་ཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་སྤྱོད་པ་རིན་པོ་ཆེ་ལྟ་བུ་སྟེ། བཅུ་གང་ཞེ་ན། འདི་ལྟར་སངས་རྒྱས་བཞུགས་
D44.037.0186b01.01པའི་འཇིག་རྟེན་གྱི་ཁམས་གྲངས་མེད་པར་འགྲོ་ཞིང་དེ་བཞིན་གཤེགས་པ་རྣམས་བལྟ་བ་དང་། དེ་དག་ལ་ཕྱག་བྱ་བ་དང་། བསྙེན་བཀུར་བྱེད་པ་འདི་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་
D44.037.0186b02.01པོ་ཆེ་ལྟ་བུ་དང་པོའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་བསམ་གྱིས་མི་ཁྱབ་པའི་སངས་རྒྱས་བཅོམ་ལྡན་འདས་རྣམས་ལས་ཆོས་ཉན་ཅིང་ཐོས་ནས་ཀྱང་འཛིན་ཅིང་ཁོང་དུ་ཆུད་པར་བྱེད་དེ། དྲན་པས་ཡང་དག་པར་འཛིན་པ་དང་།
D44.037.0186b03.01བློ་གྲོས་ཀྱིས་རྣམ་པར་འབྱེད་པ་དང་། རྟོགས་པས་རྣམ་པར་འཕེལ་བར་བྱེད་པ་དང་། བློས་ཕྱོགས་བཅུར་ཚད་མེད་པར་འགེངས་པ་འདི་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་
D44.037.0186b04.01གཉིས་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་འདི་ནས་ཀྱང་འཕོས་པར་མ་གྱུར་ལ་གཞན་དུ་ཡང་ལུས་སྟོན་ལ། སངས་རྒྱས་ཀྱི་ཆོས་ལ་འང་མགོ་རྨོངས་པ་མེད་པ་འདི་ནི་བྱང་ཆུབ་སེམས་དཔའ་རྣམས་ཀྱི་བླ་ན་
D44.037.0186b05.01མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་གསུམ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ཆོས་གཅིག་ལ་རྣམ་པར་སྤྱད་པས་ཆོས་ཐམས་ཅད་ཤེས་ཤིང་ཆོས་ཐམས་ཅད་དོན་གཅིག་པ་དང་།
D44.037.0186b06.01དོན་ཐ་དད་པ་མ་ཡིན་པའི་མཐར་ཐུག་པའི་ཚུལ་གྱིས་ཆོས་ཐ་དད་པ་ཡང་དག་པར་བསྟན་པ་ཡང་རབ་ཏུ་ཤེས་པ་འདི་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་བཞི་པའོ། །ཀྱེ་རྒྱལ་བའི་
D44.037.0186b07.01