完整藏文原文 · 德格版页 当前仅加载第 37 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་དང་། ཆོས་ཟབ་མོ་ཐ་མི་དད་པ་ལ་མཁས་པའི་སེམས་ཀྱི་བསམ་པ་ལ་གནས་པ་དང་། དོགས་པ་ཐམས་ཅད་ལན་མེད་པར་བྱ་བའི་སེམས་ཀྱི་བསམ་པ་ལ་གནས་པ་དང་། དུས་ཐམས་ཅད་ཐ་མི་དད་ཅིང་
D44.037.0067a01.01མཉམ་པའི་སེམས་ཀྱི་བསམ་པ་ལ་གནས་པ་དང་། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་མཉམ་པ་ཉིད་ཀྱི་སེམས་ཀྱི་བསམ་པ་ལ་གནས་པ་དང་། སངས་རྒྱས་ཐམས་ཅད་ཀྱི་སྟོབས་ཚད་མེད་པའི་སེམས་
D44.037.0067a02.01ཀྱི་བསམ་པ་ལ་གནས་པ་སྟེ། ཀྱེ་རྒྱལ་བའི་སྲས་དག །སེམས་ཀྱི་བསམ་པ་བཅུ་པོ་དེ་དག་ལ་གནས་ཏེ། བྱང་ཆུབ་སེམས་དཔས་ཡང་དག་པར་གཟུད་པ་བཅུ་པོ་དེ་དག་རྣམ་པར་དཔྱད་པར་བྱའོ། །དེ་སེམས་ཀྱི་བསམ་པ་བཅུ་པོ་དེ་དག་
D44.037.0067a03.01ལ་གནས་པས་སངས་རྒྱས་ཀྱི་ཆོས་ལ་མཁས་པའི་སྣང་བ་བཅུ་འཐོབ་བོ། །བཅུ་གང་ཞེ་ན་འདི་ལྟ་སྟེ། སངས་རྒྱས་ཀྱི་ཆོས་ཟབ་མོ་སྣང་བ་ལ་མཁས་པ་རབ་ཏུ་འཐོབ་བོ། །སངས་རྒྱས་ཀྱི་ཆོས་ཡངས་པ་མངོན་པར་བསྒྲུབ་པ་ལ་མཁས་པ་རབ་
D44.037.0067a04.01ཏུ་འཐོབ་བོ། །སངས་རྒྱས་ཀྱི་ཆོས་སྣ་ཚོགས་ཤིན་ཏུ་བསྟན་པ་ལ་མཁས་པ་རབ་ཏུ་འཐོབ་བོ། །སངས་རྒྱས་ཀྱི་ཆོས་མཉམ་པ་ཉིད་ལ་འཇུག་པ་ལ་མཁས་པ་རབ་ཏུ་འཐོབ་བོ། །སངས་རྒྱས་ཀྱི་ཆོས་ཐ་དད་པའི་སྣང་བ་ལ་འཇུག་པར་
D44.037.0067a05.01མཁས་པ་རབ་ཏུ་འཐོབ་བོ། །སངས་རྒྱས་ཀྱི་ཆོས་ཐ་མི་དད་པ་ལ་འཇུག་པར་མཁས་པ་རབ་ཏུ་འཐོབ་བོ། །སངས་རྒྱས་ཀྱི་ཆོས་ཀྱི་རྒྱན་ལ་འཇུག་པར་མཁས་པ་རབ་ཏུ་འཐོབ་བོ། །སངས་རྒྱས་ཀྱི་ཚུལ་གཅིག་པའི་མོས་པ་ལ་འཇུག་
D44.037.0067a06.01པར་མཁས་པ་རབ་ཏུ་འཐོབ་བོ། །སངས་རྒྱས་ཀྱི་ཆོས་མཐའ་ཡས་པའི་ཚུལ་ལ་འཇུག་པར་མཁས་པ་རབ་ཏུ་འཐོབ་བོ། །སངས་རྒྱས་ཀྱི་ཆོས་ཐམས་ཅད་རང་གི་སེམས་ལ་རག་ལུས་པས་རང་གི་སྟོབས་དང་མཐུ་ཕྱིར་མི་ལྡོག་པ་ལ་མཁས་པ་རབ་ཏུ་འཐོབ་
D44.037.0067a07.01