完整藏文原文 · 德格版页 当前仅加载第 37 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ནང་ན་ཐབས་མཁས་པ་ལ་གནས་པའི་བྱམས་པ་ཆེན་པོས། སེམས་ཅན་ཐམས་ཅད་ཉེ་བར་འཚོ་བ་ཡིན་ཏེ། ཀྱེ་རྒྱལ་བའི་སྲས་དག་དེ་བཞིན་གཤེགས་པ་འབྱུང་བ་ནི་ཚུལ་དེ་ལྟ་བུར་འགྲུབ་ཅིང་། དེ་ལྟར་གནས་པ་ཡིན་ཏེ།
D44.037.0087a01.01ཤེས་རབ་ཀྱི་སྣང་བ་ཆགས་པ་མེད་པ་ནི་མི་གནས་པའོ། །ཀྱེ་རྒྱལ་བའི་སྲས་དག་ཁོང་དུ་ཆུད་པར་བྱ་བའི་སྒོ་དགུ་པ་འདིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་
D44.037.0087a02.01ཀྱི་སྐྱེ་བ་འབྱུང་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དག་གཞན་ཡང་འདི་ལྟ་སྟེ་དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲུབ་པ་ནི་ཚད་མེད་པའི་སེམས་ཅན་རྣམས་ཡོངས་སུ་སྤྱོད་པ་རྣམ་པ་ཐ་དད་པས་ཉེ་བར་འཚོ་བ་ཡིན་ཏེ།
D44.037.0087a03.01འདི་ལྟར་ཆུ་ལ་གནས་པའི་སེམས་ཅན་རྣམས་ཀྱང་གནས་ཀྱིས་ཉེ་བར་འཚོ་བ་ཡིན། སེམས་ཅན་སའི་སྟེང་ན་འཁོད་པ་རྣམས་ཀྱང་སའི་སྟེང་ན་ཡོད་པའི་རྣམ་པ་ཚད་མེད་པས་ཉེ་བར་འཚོ་བ་ཡིན། གཞལ་མེད་ཁང་ན་གནས་པ་རྣམས་ཀྱང་གཞལ་མེད་ཁང་
D44.037.0087a04.01གིས། ཉེ་བར་འཚོ་བ་ཡིན། ནམ་མཁའ་ལ་གནས་པ་རྣམས་ཀྱང་བར་སྣང་གི་གནས་ཀྱིས་ཉེ་བར་འཚོ་བ་ཡིན། ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པ་ཡང་དག་པར་འགྲུབ་པ་ཡང་རྣམ་པ་ཚད་མེད་པས་འགྲོ་བ་ཐམས་ཅད་ཉེ་བར་འཚོ་
D44.037.0087a05.01བ་ཡིན་ཏེ། འདི་ལྟར་མཐོང་བར་དགའ་བ་དང་། དད་ཅིང་མོས་པར་གྱུར་བའི་སེམས་ཅན་རྣམས་ཀྱང་སངས་རྒྱས་མཐོང་བས་ཉེ་བར་འཚོ་བ་ཡིན། ཚུལ་ཁྲིམས་ཀྱི་སྟོབས་ཀྱི་མཐུ་ལ་གནས་པ་རྣམས་ཀྱང་སངས་རྒྱས་ཀྱི་ཚུལ་ཁྲིམས་ཀྱིས་ཉེ་བར་འཚོ་བ་ཡིན །
D44.037.0087a06.01བསམ་གཏན་དང་ཚད་མེད་པ་ལ་གནས་པ་རྣམས་ཀྱང་འཕགས་པའི་འཇིག་རྟེན་ལས་འདས་པའི་མངོན་པར་ཤེས་པས་ཉེ་བར་འཚོ་བ་ཡིན། ཆོས་ཀྱི་སྒོ་སྣང་བ་ལ་གནས་པ་རྣམས་ཀྱང་རྒྱུ་ཆུད་མི་ཟ་བས་ཉེ་བར་འཚོ་བ་ཡིན། སྣང་བ་མེད་པ་ལ་གནས་པ་རྣམས་ཀྱང་
D44.037.0087a07.01