完整藏文原文 · 德格版页 当前仅加载第 37 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཡི་གནས་རྣམས་རྣམ་བཀོད་དེ། །དེ་ནས་ཀླུ་དང་དྲི་ཟ་འགྲོ་བ་ཀུན་གྱི་གནས། །དེ་བཞིན་སྟོབས་བཅུ་མངའ་བ་དེ་དག་འབྱུང་བའི་ཚེ། །ཐོག་མར་བྱང་ཆུབ་སེམས་དཔའི་སྤྱོད་པ་མུ་མེད་འབྱུང་། །དེ་ནས་ཞི་དགའ་རང་རྒྱལ་
D44.037.0090a01.01ཐེག་ལ་གནས་པ་རྣམས། །དེ་ནས་དབང་དུ་གྱུར་པའི་དེ་ནས་འགྲོ་ཀུན་གྱི། །ཇི་ལྟར་པད་མོ་སངས་རྒྱས་སྐྱེ་བའི་ལྟས་གྱུར་པས། །སྔོན་ཆད་སངས་རྒྱས་མཐོང་བའི་ལྷ་རྣམས་དགར་འགྱུར་ཞིང་། །ཆུ་ལས་བརྟེན་ཅིང་འོད་གསལ་གཞལ་མེད་ཁང་ཡང་
D44.037.0090a02.01འབྱུང་། །རླུང་ལས་འཇིག་རྟེན་རིས་རིས་ཆ་ཆར་འགོད་པ་བྱེད། །སངས་རྒྱས་སྔོན་གྱི་དགེ་བའི་འོད་གསལ་ལྟས་ཡིན་ཏེ། །དེས་ནི་སངས་རྒྱས་རྒྱལ་སྲས་ཀུན་གྱི་ཐུགས་ཆུད་འགྱུར། །ཡེ་ཤེས་ཡོངས་དག་དཀྱིལ་འཁོར་མཁའ་ལྟར་རྣམ་དག་པའི། །
D44.037.0090a03.01སྟོབས་བཅུ་ཐ་དད་ཇི་སྙེད་སངས་རྒྱས་ཆོས་འབྱུང་མཁྱེན། །རླུང་ནི་ཆུ་ཕུང་མ་ལུས་ཀུན་གྱི་གནས་ཡིན་ཏེ། །དེ་ཕྱིར་ས་སྟེང་གནས་རྣམས་འཇིག་པར་མི་འགྱུར་རོ། །ས་ཡང་ཤིང་དང་གེལ་པ་སྨན་གྱི་གནས་ཡིན་ཏེ། །མཁའ་ལ་གནས་སུ་བྱ་བ་
D44.037.0090a04.01གང་ཡང་མེད་པ་ཡིན། །མགོན་པོ་རྣམས་ཀྱང་ཤེས་རབ་ཡེ་ཤེས་གཞི་ལ་བཞུགས། །ཡེ་ཤེས་ཐུགས་རྗེ་བྱམས་པ་ཐབས་ཀྱིས་ཡོངས་སུ་བཟུང་། །རྒྱལ་བའི་ཆོས་རྣམས་ཇི་སྙེད་དེ་དག་ཐབས་སུ་འདུས། །རྡུལ་མེད་ཤེས་རབ་དེ་ནི་གནས་མེད་
D44.037.0090a05.01ལུས་ཀྱང་མེད། །འཇིག་རྟེན་བྱུང་ནས་ཚད་མེད་མང་པོ་ཀུན་ཀྱང་འཚོ། །ས་ལ་གནས་དང་ཆུ་ལ་གནས་པ་ཐམས་ཅད་དང་། །ནམ་མཁའི་ལྷ་རྫས་གཞལ་མེད་ཁང་ལ་གནས་པ་དང་། །རྐང་གཉིས་རྐང་བཞི་སེམས་ཅན་ཐམས་ཅད་ཉེ་བར་
D44.037.0090a06.01འཚོ། །དེ་བཞིན་སྐྱེས་མཆོག་དབང་པོ་ཆོས་ཀྱི་རྒྱལ་སྐྱེས་པ། །འགྲོ་བ་མ་ལུས་ཐམས་ཅད་ཉེ་བར་འཚོ་བ་ཡིན། །མཐོང་ཞིང་ཐོས་པར་གྱུར་དང་མཆོད་པས་དེ་བཞིན་ཏེ། ཉོན་མོངས་བསྩལ་བས་སེམས་ཅན་ཐམས་ཅད་ཉེ་བར་འཚོ། །འབྱུང་བ་
D44.037.0090a07.01