完整藏文原文 · 德格版页 当前仅加载第 37 函德格 360b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བཟོད་པར་བྱས་པ་དང་། བག་ལ་ཞ་བར་བྱས་པ་དང་བཏང་སྙོམས་སུ་བཞག་པའི་བྱང་ཆུབ་སེམས་དཔའི་བཟོད་པའི་སྤྱོད་པ་རྣམ་པར་འཕྲུལ་པའི་གཟུགས་བརྙན་གྱི་གཟུགས་དེ་ལྟ་བུ་དག་ཀྱང་མཐོང་ངོ་། །བ་སྤུའི་སྒོའི་འོད་ཟེར་གྱི་དྲ་བ་དང་།
D44.037.0360b01.01དཀྱིལ་འཁོར་ལ་ལ་ལས་ནི་བྱང་ཆུབ་སེམས་དཔའ་ཐམས་ཅད་ཀྱི་བརྩོན་འགྲུས་ཀྱི་སྤྱོད་པ་རྣམ་པ་ཐ་དད་པ་རྣམ་པར་ཕྱེ་བའི་གཟུགས་དང་། བྱང་ཆུབ་སེམས་དཔའ་འདས་པ་དང་། མ་འོངས་པ་དང་ད་ལྟར་བྱུང་བའི་བརྩོན་འགྲུས་ཀྱི་རྣམ་
D44.037.0360b02.01པར་འཕྲུལ་པ་འཇིག་རྟེན་ཡོངས་སུ་བསྐྱོད་པ་དང་རྒྱ་མཚོ་ཡོངས་སུ་བསྐྱོད་པ་དང་། སེམས་ཅན་ཡོངས་སུ་སྐྱོ་བར་བྱ་བ་དང་། མུ་སྟེགས་ཅན་ཐམས་ཅད་ཡོངས་སུ་ཚར་གཅད་པ་དང་། བདུད་ཐམས་ཅད་སྤ་དགོང་བ་དང་། ཆོས་ཀྱི་ཕྱོགས་སྣང་བར་
D44.037.0360b03.01བྱ་བའི་བྱང་ཆུབ་སེམས་དཔའི་མཐུ་ཆེན་པོར་རྣམ་པར་འཕྲུལ་པ་མཐོང་ངོ་། །བ་སྤུའི་སྒོའི་འོད་ཟེར་གྱི་དྲ་བ་དང་། དཀྱིལ་འཁོར་ལ་ལ་ལས་ནི་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་རྣམ་པར་རྒྱུ་བའི་རྣམ་གྲངས་ཇི་སྙེད་པ་དང་ལུས་ཉེ་བར་ལེན་པ་ཇི་
D44.037.0360b04.01སྙེད་པ་དང་། རིགས་སུ་སྐྱེ་བ་ཡོངས་སུ་བཟུང་བ་ཅི་སྙེད་པ་དང་། གཟུགས་ཀྱི་ལུས་ཡོངས་སུ་གྲུབ་པ་ཇི་སྙེད་པ་དང་། དགེ་བའི་བཤེས་གཉེན་གྱིས་རྗེས་སུ་བསྟན་པ་ཡོངས་སུ་བཟུང་བ་ཇི་སྙེད་པ་དང་། དགེ་བའི་བཤེས་གཉེན་གྱིས་མན་ངག་ལ་ནན་ཏན་དུ་བྱ་བའི་གནས་ཇི་སྙེད་པ་དང་། དེ་བཞིན་གཤེགས་པའི་བསམ་
D44.037.0360b05.01གཏན་གྱི་ཡན་ལག་ཡོངས་སུ་བསྒྲུབ་པ་དང་། འཐུན་པའི་གཙུག་ལག་ཁང་དང་། གནས་དང་། གཞལ་མེད་ཁང་དང་། ཡུལ་དང་། རིའི་སུ་ལ་ཇི་སྙེད་པ་དང་། བསམ་གཏན་གྱི་ཡན་ལག་དེ་དག་སུས་ཡོངས་སུ་བསྒྲུབ་པའི་དྲང་སྲོང་གི་ལུས་ཇི་སྙེད་པ་དང་། རྒྱལ་པོའི་ཐབས་ཇི་སྙེད་
D44.037.0360b06.01པ་དང་། འབྱུང་བ་ལ་མངོན་པར་མོས་པ་ཇི་སྙེད་པ་དང་། བརྟུལ་ཞུགས་དང་ཡི་དམ་དང་། ཚུལ་དང་སྤྱོད་ལམ་ཇི་སྙེད་པ་དེ་དག་ཐམས་ཅད་ཀྱང་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཐོང་ངོ་། །བ་སྤུའི་སྒོའི་འོད་ཟེར་གྱི་དྲ་བ་དང་། དཀྱིལ་འཁོར་ལ་ལ་
D44.037.0360b07.01