完整藏文原文 · 德格版页 当前仅加载第 37 函德格 357a 版页；藏文 NFD、目录标记与异常页序保留在来源切片中，重复版页行以稳定序号区分。
གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་ནས། སངས་རྒྱས་ཐམས་ཅད་ཀྱི་ཐབས་མཁས་པའི་ཚུལ་གྱི་དཀྱིལ་འཁོར་རབ་ཏུ་བརྗོད་པ་བྱེད་ཅིང་བ་སྤུའི་བུ་ག་ཐམས་ཅད་ནས་ཐབས་མཁས་པ་དང་ལྡན་པའི་སྔོན་གྱི་སྦྱོར་བ་མང་
D44.037.0357a01.01པོའི་སྤྲིན་རབ་ཏུ་དགྱེ་བ་དང་། འཇིག་རྟེན་རྣམས་ལ་ཐབས་མཁས་པའི་སྤྱོད་པ་རབ་ཏུ་བརྗོད་པ་དང་། ཐེག་པ་ཆེན་པོའི་འབྱུང་བ་མངོན་པར་བསྟན་པ་དང་། སངས་རྒྱས་ཐམས་ཅད་ཀྱི་དཀྱིལ་འཁོར་ཡང་དག་པར་བསྔགས་པ་དང་། འཁོར་བ་
D44.037.0357a02.01དང་མྱ་ངན་ལས་འདས་པ་ཐ་{མྱི་,མི་}དད་པའི་བྱང་ཆུབ་སེམས་དཔའི་སྤྱོད་པ་ཡོངས་སུ་བསྟན་པ་དང་། བྱང་ཆུབ་སེམས་དཔའ་རྣམས་ཀྱི་ཐབས་མཁས་པའི་ཕ་རོལ་ཏུ་ཕྱིན་པ་ལ་སེམས་ཅན་རབ་ཏུ་དགོད་པ་དང་། འཇིག་རྟེན་རྣམས་ལ་བྱང་ཆུབ་སེམས་
D44.037.0357a03.01དཔའི་དབང་གི་དཀྱིལ་འཁོར་རབ་ཏུ་བསྟན་པ་བྱེད་ཅིང་། སེམས་བསྐྱེད་པ་རེ་རེ་ལ་ཆོས་ཀྱི་དབྱིངས་རྒྱས་པར་འགེངས་པ་མཐོང་ངོ་། །ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་སྟེ། བ་སྤུའི་བུ་ག་ཐམས་ཅད་
D44.037.0357a04.01ནས་དེ་བཞིན་གཤེགས་པ་ཐམས་ཅད་ཀྱི་མཚན་རྒྱ་མཚོའི་སྤྲིན་གྱི་འབྲུག་སྒྲ་སྒྲོག་ཅིང་། བ་སྤུའི་བུ་ག་ཐམས་ཅད་ནས་བྱང་ཆུབ་སེམས་དཔའ་སེམས་ཅན་ཐམས་ཅད་ཀྱི་སྨོན་ལམ་གྱི་ཕ་རོལ་ཏུ་ཕྱིན་པ་ཡོངས་སུ་དག་པ་དང་ལྡན་པའི་སྔོན་གྱི་སྦྱོར་བ་མང་པོའི་སྤྲིན་
D44.037.0357a05.01རབ་ཏུ་དགྱེ་བ་དང་། སྨོན་ལམ་གྱི་ཕ་རོལ་ཏུ་ཕྱིན་པ་ཡང་དག་པར་བསྔགས་པ་དང་། བྱང་ཆུབ་སེམས་དཔའི་དབང་ཐམས་ཅད་ལ་སེམས་ཅན་རབ་ཏུ་དགོད་པ་དང་། སྨོན་ལམ་ཆེན་པོའི་ཤིང་རྟའི་འཁོར་ལོ་ཕྱི་མའི་མཐའི་མུར་ཐུག་པར་འདྲིལ་
D44.037.0357a06.01བ། ཆོས་ཐམས་ཅད་ཀྱི་རྗེས་སུ་འབྲང་བ་ཉོན་མོངས་པ་ཐམས་ཅད་རྣམ་པར་བཟློག་པ། མི་ཤེས་པའི་རི་རྣམ་པར་འཐོར་བ། འཇིག་རྟེན་དུ་རབ་ཏུ་བརྗོད་པ་བྱེད་ཅིང་། སྨོན་ལམ་སྣ་ཚོགས་ཀྱི་རྣམ་པར་འཕྲུལ་པས། སེམས་ཀྱི་སྐད་ཅིག་རེ་རེ་
D44.037.0357a07.01