完整藏文原文 · 德格版页 当前仅加载第 37 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་མུན་པ་མེད་པར་སྟོན་པ། སངས་རྒྱས་སྐྱེ་བ་དང་མི་འབྲལ་བས། སངས་རྒྱས་ཀྱི་ཕྲིན་ལས་ལས་ཕྱིར་མི་ལྡོག་ཅིང་དོན་ཡོད་པ། སངས་རྒྱས་སྐྱེ་བ་བརྗོད་དུ་མེད་པས་གནས་པ་མེད་པ་རང་བཞིན་རྣམ་པར་དག་ཅིང་
D44.037.0013a01.01ཀུན་ཏུ་སྙོམས་པར་འབྱུང་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་འོད་ཟེར་གྱི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་རྣམས་བཞད་མོ་འཛུམ་པར་སྟོན་ན། ཞལ་གྱི་སྒོ་ནས་འོད་ཟེར་ཁ་དོག་སྣ་ཚོགས་
D44.037.0013a02.01ཁ་དོག་དུ་མ་དང་ལྡན་པ་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་{མྱེད་,མེད་}པ་ཕྱོགས་བཅུའི་འཇིག་རྟེན་གྱི་ཁམས་མ་ལུས་པ་ཐམས་ཅད་སྣང་བར་བྱེད་པ་སེམས་ཅན་གྱི་ཁམས་ཚད་མེད་གྲངས་མེད་བསམ་གྱིས་{མྱི་,མི་}ཁྱབ་པ་རྣམ་པར་སྟོན་པ། བླ་ན་མེད་པ་ཡང་དག་པར་
D44.037.0013a03.01རྫོགས་པའི་བྱང་ཆུབ་ཏུ་རྣམ་པ་གཞན་དུ་མི་འགྱུར་བར་ལུང་སྟོན་པ། འགྲོ་བ་ཐམས་ཅད་དུ་ཤིན་ཏུ་གསལ་བར་འབྱུང་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་བཞད་མོ་འཛུམ་པ་བསྟན་པའི་རྒྱན་མཆོག་དམ་པ་བླ་ན་མེད་པའོ། །སངས་
D44.037.0013a04.01རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་སྐུ་ནི་ཚད་མེད་པ་སྟེ། བསྒྲིབས་པ་མེད་པས་རྣམ་པར་དག་པ་ཆོས་ཐམས་ཅད་ཆགས་པ་མེད་པ་ཉིད་ཀྱི་མཐར་ཐུག་པ་མཐའ་དང་དབུས་མེད་པའི་ཆོས་ཀྱི་དབྱིངས་ལ་གནས་པ། འཇིག་རྟེན་ཐམས་ཅད་
D44.037.0013a05.01དང་མ་འདྲེས་པའི་འཇིག་རྟེན་ཐམས་ཅད་དང་འཛི་བ་མེད་པ། འཇིག་རྟེན་ཐམས་ཅད་ཀྱི་དེ་ཁོ་ན་ཉིད་ལ་ཡང་དག་པར་ཞུགས་པ། འཇིག་རྟེན་ཐམས་ཅད་ལས་གྱེན་དུ་འཕགས་པ། འཇིག་རྟེན་ཐམས་ཅད་ལས་འདས་པའི་ཆོས་ཀྱིས་ཡང་དག་པར་
D44.037.0013a06.01སྤྱོད་པ། ཚིག་གི་ལམ་དང་བྲལ་བ། བརྗོད་དུ་མེད་པའི་མཐར་ཕྱིན་པ། ཕུང་པོ་དང་ཁམས་དང་། སྐྱེ་མཆེད་དང་བྲལ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་སྐུའི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་
D44.037.0013a07.01